ضلع خوشاب میں سود خوری پر مقدمہ درج

ایس ایچ اوتھانہ قائدآباد اشر ف خان کرم خیل نے اخباری نمائندوں سے بات چیت میں کہاہے کہ سود خوری تھانہ قائدآباد کے عوام کو گھن کی طرح چاٹ رہی ہے اور سود خور اصل زر سے کئی گنا زیادہ رقم وصول کرنے کے باوجود ابھی تک قرض دہندگان کے سروں پر سوار ہیں اور ہمیں عوام کے تعاون سے اس معاشرتی بیماری کو جڑ سے اکھاڑ پھنکنا ہے انہوں نے کہا کہ سود ایکٹ کے تحت سابق صوبائی وزیر ملک صالح محمد گنجیال کے حقیقی بھتیجے ملک ثناء اللہ گنجیال کو گرفتار کیا جا سکتا ہے تو کوئی بھی سود خور قانون کے شکنجہ میں آنے سے نہیں بچ سکتا انہوں نے سود خوری کا شکار لوگوں سے درخواست کی کہ وہ گھروں میں گھٹ گھٹ کر مرنے کی بجائے سامنے آئیں پولیس انکا دفاع کرے گی ایس ایچ او نے سود خوروں کو بھی انکے مفاد میں مشورہ دیا کہ وہ اس خلاف اسلام ،خلاف قانون سلسلہ کو فوری طور پر بند کردیں 

افضل چن کو پیپلزپارٹی نے کیا د یا

پاکستان پیپلزپارٹی خوشاب شہرکے سابق صدر ڈاکٹر راشد ملک نے صحافیوں سے گفتگو میں کہاہے کہ ندیم افضل چن کو پنجاب میں پیپلزپارٹی کے انتظامی امور سپرد کرنا ایک مستحسن فیصلہ ہے اور ہم اس کی تائید کرتے ہیں انہوں نے کہا کہ اس سے پارٹی یقیناًمضبوط ہو گی ڈاکٹر راشد ملک نے کہا کہ چوہدری نثار احمد پیپلزپارٹی کے خلاف نہیں مسلم لیگ(ن) کے خلاف سازشیں کررہے ہیں اور انکی کوشش ہے کہ جمہوری نظام سبوتاژ ہو جائے اور وہ چور دروازے سے وزیر اعظم بن جائیں لیکن جب تک پیپلزپارٹی موجو دہے ملک میں مارشل لاء نافذ نہیں ہونے دیا جائے گا 

سینیٹرغوث نیازی نے خالق آباد کیلئے ایسا کیا کیا کہ لوگوں کے دل جیت لیے

پاکستان مسلم لیگ(ن) ضلع خوشاب کے صدر سینیٹرڈاکٹرغوث محمد خان نیازی نے خالق آباد کے ایک وفد اور فیسکو خوشاب کے افسران کے مشترکہ اجلا س سے خطاب کرتے ہوئے کہاہے کہ اگر عوام اور افسران مل کر کام کریں تو کوئی مسئلہ ایسا نہیں جس کا حل نہ نکالا جا سکے انہوں نے کہا کہ ہماری جماعت عوامی مسائل کے حل پر یقین رکھتی ہے اور ہماری پوری کوشش ہے کہ کرپشن کلچر کا خاتمہ کیا جائے اور عوام کے مسائل انکی دہلیز پر انکی منشا کے مطابق حل کیے جائیں اس موقع پر ایکسین فیسکو خوشاب سید ابرارحسین شاہ نے یقین دلایا کہ خالق آباد کا ٹرانسفارمر فوری طور پر تبدیل کرد یا جائے گا قبل ازیں سینیٹرغوث نیازی ڈی پی او خوشاب وقاص حسن نتھوکہ سے تعارفی ملاقات کی اور انہیں یقین دلایا کہ میرٹ پر کیے جانے والے انکے ہر فیصلہ کی ہماری جماعت تائید کرے گی ڈی پی او نے بھی انہیں یقین دلایا کہ کسی سے زیادتی کا سوال پیدا نہیں ہو گا 

حکومت پنجاب نے ڈاکٹر آصف قاضی کا ٹرانسفر کہا کیا جائیے اس رپورٹ میں

خوشاب(نمائندہ صحافت)حکومت پنجاب نے ڈسٹرکٹ ہیلتھ آفیسر ڈاکٹرآصف قاضی کو ڈسٹرکٹ ہیڈ کوارٹر ہسپتال خوشاب کا ایم ایس مقرر کیا ہے جبکہ انکی جگہ ساہیوال سے ڈاکٹر امان اللہ قاضی کو تبدیل کرکے خوشاب میں ڈسٹرکٹ ہیلتھ آفیسر تعینات کیا گیا ہے ڈاکٹر نذر حیا ت مجوکہ جن کے پاس ایم ایس اور ای ڈی او ہیلتھ کی دوہر ی ذمہ داریاں تھی اب صرف ای ڈی او ہیلتھ کے طور پر کام کریں گے 

خوشاب میں کانگو وائرس سے بچاؤ کیلئے آگاہی پروگرام شروع

کانگووائرس کے علاج اور اس سے بچاؤ کیلئے فاطمہ جناح ھال جوہرآباد میں ایک آگاہی سیمینار کا انعقاد ہوا ۔سیمینار میں ڈائریکٹر لائیو سٹاک سرگودہا اللہ دوایا ای ڈی او ایگر یکلچر خوشاب محمد یوسف چاھل ،ڈی اولائیو سٹاک ،ڈی او ہیلتھ ویٹرنری آفیسرزاور محکمہ زراعت و لائیو سٹاک کے فیلڈ عملہ کی علاوہ زمینداروں اور کاشتکاروں نے شرکت کی ۔سیمینار سے خطاب کرتے ہوئے ڈائریکٹر لائیو سٹاک نے کہا کہ حکومت پنجاب کے احکامات کی روشنی میں کانگو سے بچاؤ کے لئے سیمینار کا انعقاد کروایا گیا ہے لہٰذاشرکاء سے اپیل ہے کہ وہ ازخوداور اپنے قریبی محلہ ،شہر اور دیہات میں ہمارا پیغام پہنچائیں ای ڈی او زراعت نے کہا کہ کانگو وائرس انسانی جان کے لئے بہت بٹرا خطرہ ہے یہ جانوروں کی چچڑیوں کی بیماری ہے اس کا وائرس ،وائرس زدہ جانوروں میں پایا جاتا ہے جو ایک خاص قسم کی چچڑی (ہائی لوما) کے کاٹنے سے انسانوں میں منتقل ہوتا ہے ۔بیوپاری مویشی پال حضرات قصاب اورویٹرنیر ی ڈاکٹرز اس کی زد میں آسکتے ہیں لہذا ماہرین کی رائے پر عمل کریں اور احتیاطی تدابیر اختیار کریں ۔انہوں نے کہا کہ اس پروگرام کی آگا ہی کو یونین کونسل سطح تک بٹرھایا جائیگا ۔ڈی او ہیلتھ ڈاکٹر آصف محمود قاضی نے کہا کہ کانگو خطرنک مرض اس وقت ہوتا ہے جب ہم اس سی بچاؤ کا طریقہ اختیار نہ کریں گے ۔انہوں نے کہا کہ صفائی ہمارے ایمان کا حصہ ہے ، اس سے بچنے کے لئے صفائی ستھرائی ضروری ہے لہذا جانوروں کی صفائی اور انکی رہائش گا ہ کو صاف ستھرا رکھیں ۔اگر اس کا وائرس کسی انسان میں منتقل ہو جائے تو اس کی علامات تیز بخار ،غنودگی ،آنکھوں کا سوجنا ،متلی آنا ،پیٹ میں درد اور جگر کا بڑھنا ہے لہذا ایسی صورت میں اپنے قریبی مرکز صحت سے فوری رابطہ کریں تا کہ اس کا علاج معالجہ بر وقت ہو سکے ۔قبل ازیں اے ڈی آئی او مختار احمد نے ایک ٹریننگ سیشن منعقد کیا ۔سیشن میں انہوں نے کانگو وائرس کی تحقیق،متاثرہ مریض کا پتہ چلانا ،اسکے خطرناک اثرات اور اس سے بچاؤ کی حفاظتی تدابیر پر تفصیل سے روشنی ڈالی