وفاقی وزیر مواصلات نے نیشنل ہائی اتھارٹی کو ہدایت کی ہے کہ وہ فوری طور پر لئلہ میانوالی روڈ براستہ کٹھہ سگھرال کا پی سی ون تیار کرے کیونکہ حکومت جلد از جلد اس اہم سڑک کی تکمیل چاہتی ہے جس کیلئے وفاقی بجٹ میں دس ارب آٹھ کروڑ روپے کی رقم مختص کی گئی ہے صوبائی اسمبلی کے رکن کرم الہی بندیال نے حکومت کے اس فیصلہ پر میاں نواز شریف اور میاں شہباز شریف کا شکریہ ادا کیا ہے اور کہاہے کہ اس سے جہلم ،خوشا ب اور میانوالی کے علاقہ مہاڑ کی قسمت بدل جائے گی اور یہ تینوں اضلاع بھی اس وجہ سے تیزی سے ترقی کریں گے انہوں نے کہا کہ سڑک کی جلد تعمیر کیلئے مقامی زمیندار حکومت سے ہر قسم کا تعاون کرنے کیلئے تیار ہیں 
