پاکستان مسلم لیگ(ن) ضلع خوشاب کے صدر سینیٹرڈاکٹرغوث محمد خان نیازی نے صحافیوں سے گفتگو میں کہاہے کہ عمران خان اور ڈاکٹر طاہرالقادری کا لندن پلان ٹو بی ناکام ہو گا کیونکہ عوام چندہ کے جلسے جلوسوں اور دھرنوں کو پسند نہیں کرتے انہوں نے کہا کہ وزیر اعظم نواز شریف کی صحت یابی پر پورا ملک خوش ہے ان دونوں راہنماؤں کے سینوں پر سانپ لوٹ رہے ہیں انہوں نے کہا عمران خان ملک و قو م کی ترقی میں رکاوٹیں ڈال کر اپنی تسکین کا سامان کررہے ہیں اور پتہ نہیں یہ کس بات کا بدلہ عوام سے لے رہے ہیں سینیٹرنے اس موقع پر اے این پی کے راہنماء امام علی پٹھان کی (ن) لیگ میں شمولیت کا خیر مقدم کیا اور کہا کہ اچھے سیاسی کارکنوں کیلئے (ن) لیگ ہی سب سے بہتر پلیٹ فارم ہے
