پی پی پی کے ضلعی امیدوار کیلئے کون سامنے آ گیا

پاکستان پیپلز پارٹی خوشاب کی سٹوڈنٹس ونگ پی ایس ایف کا ضلعی صدارتی امیدوار کی نامزدگی کے لئے ایک مشاورتی اجلاس پریس کلب خوشاب کیخالد اختر افغانی ہال میں منعقد ہوا، اجلاس کی صدارات سابق صدر پی ایس ایف ملک غلام مرتضیٰ نے کی ، اجلاس میں کافی غور و خوض کے بعد سابق صدر پاکستان پیپلز پارٹی ضلع خوشاب حاجی ظل حسنین ملک کو غیر مشروط طور پر صدارتی امیدوار کے طور پر نامزد کرنے فیصلہ کیا گیا۔ اجلاس میں سابق قیادت میں سے حاجی ملک ظل حسنین ملک ، حاجی ملک گل جہان ، ملک عبدالباسط راجڑ ، ظل حسنین جعفری، ملک امیر سلطان اعوان، چوہدری ارشد نواز ، ملک وقاص برہان ، ملک عدنان، ملک نعمان سمیت کارکنوں اور ورکروں کی بھاری تعداد میں شرکت کیا

آخر کار ضلعی نے انتطامیہ مزدروں کے حق کیلئے وہ اقدامات کیے جس کی امید نہ تھی

55لاکھ روپے کا چیک ڈس آنر صلی ٹیکسٹائل ملزجوہرآباد کی انتظامیہ کیخلاف مقدمہ درج کروانے کیلئے ڈسٹرکٹ آفیسر لیبر فیکٹریز شاہد محمود نے تھانہ سٹی جوہرآباد میں درخواست دیدی ہے اور مقامی پولیس نے اس درخواست پر کاروائی شروع کردی ہے چند ماہ قبل صلی ٹیکسٹائل ملز کی انتظامیہ نے ڈی سی او خوشاب کی جانب سے ملز کے چالان کیلئے ڈی او لیبر کو صلی ٹیکسٹائل ملز میں بجھوایا کہ وہ ملازمین کو تنخواہیں ادا کریں جس پر صلی ٹیکسٹائل ملز انتظامیہ کی جانب سے ڈی او لیبر کو نیشنل بینک برانچ جوہرآباد کا 55لاکھ روپے کا چیک جاری کیا گیا اور ملازمین کو تنخواہیں ادا کرنے کا وعدہ کیا گیا مگر مقررہ تاریخ پر چیک کیش نہ ہوسکا جس پر ڈی او لیبر نے ملز مالک اور انتظامیہ کیخلاف مقدمہ درج کروانے کیلئے درخواست دیدی ترجمان خوشاب پولیس کے مطابق ڈی پی او خوشاب کی رخصت کی وجہ سے ابھی تک معاملہ زیر غور ہے اور ان کے آج ضلع میں آنے کے بعد فیصلہ کرلیا جائیگا ۔ 

پی ٹی آئی جنوبی پنجاب کے صدر نے خوشاب میں کیا کیا جائیے اس رپورٹ میں

پاکستان تحریک انصاف جنوبی پنجاب کے صدر عامر کیانی نے کہا ہے کہ وزیر اعظم سمیت کسی کو بھی پاناما سکینڈل سے نکلنے نہیں دیا جائیگا پاکستان کے غریب عوام کا لوٹا ہوا پیسہ اور ملکی دولت کی واپسی چیئرمین عمران خان کی سیاست کا محور ہے ملک کو کئی دہائیوں سے بے دردی سے لوٹا جارہا ہے اور لوٹنے والے ہی ملک کے کرتا دھرتا ہیں ان خیالات کااظہار انہوں نے سابق ایم این اے سردار شجاع محمد خان کی طرف سے دیے جانیوالے ظہرانہ سے پہلے ورکر کنونشن سے خطاب کرتے ہوئے کیا انہوں نے کہاکہ تحریک احتساب اس وقت تک جاری رہے گی جب تک کرپٹ اور بدعنوان عناصر سے چھٹکارا نہیں ملتا اس کیلئے عمران خان کے سپاہی چیئرمین کی ہر کال پر لبیک کہیں گے انہوں نے کہا کہ سڑکوں پر آنا یا دھرنے دینا پی ٹی آئی ٹائیگرز کو آتا ہے پاکستان کی تاریخ کا سب سے بڑا دھرنا ہم نے دیا اور اس سے بڑے دھرنے کی کال آئی تو ایک دفعہ پھر سب ملکر اقتدار کے ایوان ہلا دینگے اس موقع پر خطاب کرتے ہوئے سابق ایم این اے سردار شجاع خان بلوچ نے کہاکہ ضلع خوشاب کے عمران خان کے متوالے چیئرمین کی ہر کال پر لبیک کہنے کیلئے تیار ہیں اور لوٹی ہوئی ایک ایک پائی واپس دلوائی جائیگی اس موقع پر خطاب کرتے ہوئے سابق وفاقی پارلیمانی سیکرٹری عمرا سلم اعوان نے کہا کہ تحریک انصاف پاکستان کی واحد سیاسی جماعت ہے جوکہ اس وقت پاکستانیوں کے دلوں کی دھڑکن بن چکی ہے تقریب سے حامد محمود وڈھل اور گل اصغر بگھور نے بھی خطاب کیا اس موقع پر انصر ہرل صدر تحریک انصاف ضلع سرگودہا ‘ ملک مسعود انور کنڈان ‘ اکرم خان نیازی ‘ حسن اسلم اعوان ‘ رضا خان بلوچ ‘ امیر حیدر نائچ ‘ ملک قاسم اعوان ‘ ندیم حسن ٹوانہ ‘ صفدر حیات اعوان ‘ علی حسین خان ‘ آصف کرپالکہ ‘ نذیر عالم خان ‘ فضل جلیل خان ‘ حسن سلہال ‘ ڈاکٹر عظمت عباس ‘ ملک حماد آہیر ‘ ذوالقرنین باجوہ سمیت پی ٹی آئی کے کارکنوں کی بڑی تعداد موجودتھی عامر کیانی نے ضلع کونسل کے منتخب یونین چیئرمینوں ‘ وائس چیئرمینوں اور کونسلرز سے بھی ملاقات کی بعدازاں پی ٹی آئی کے مرکزی دفتر میں اخبار نویسوں سے بھی ملاقات کی اور اس عزم کو دوہرایا کہ موجودہ حکمرانوں کی کرپشن اور لوٹ مار کا جواب دینے کا وقت آچکا ہے اور یہی جواب حاصل کرنے کیلئے پی ٹی آئی ٹائیگرز تحریک احتساب میں حصہ لے رہے ہیں انہوں نے بتایا کہ دیگر اضلاع کی طرح ضلع خوشاب میں بھی تنظیم سازی آئندہ چند دنوں میں مکمل کرلی جائیگی ۔ 

آخر کار خوشاب پولیس بھی سوشل میڈیا کو مان گئی جو اقدامات کیے جائیے اس رپورٹ میں

ڈسٹرکٹ پولیس آفیسر خوشاب کی جانب سے فیس بک پیچ متعارف کرایا گیا ہے۔عوام الناس کو مطلع کیا جاتا ہے کہ اس پیچ کے ذریعے اپنی شکایات درج کروا سکتے ہیں جس کے لئے پیچ پر بنائے گئے سینڈ میسج کے بٹن پر کلک کریں اپنی شکایات لکھ کر ہمیں بھیجیں۔شکایت کنندہ اپنا نام مکمل ایڈریس فون نمبر اور شناختی کارڈ نمبر ضرور درج کرے۔آپ کی شکایات ڈسٹرکٹ پولیس آفیسرخوشاب براہ راست ملاحظہ کریں گے۔

پنجاب بار کونسل کے رکن نے پارلیمنٹرین سے کیا اپیل کی جائیے اس رپورٹ میں

پنجاب بار کونسل کے رکن ملک حبیب نواز ٹوانہ ایڈووکیٹ نے سرگودہا ڈویژن کے پارلیمنٹرین سے اپیل کی ہے کہ وہ اپنی اپنی متعلقہ اسمبلی میں سرگودہا ڈویژن میں لاہور ہائی کورٹ بینچ کے قیام کیلئے تحاریک پیش کریں کیونکہ ہمارا ڈویژن نہ صرف رقبہ کے لحاظ سے دوسرے ڈویژنوں سے بڑا ہے بلکہ اس کے مقدمات بھی اس امر کے متقاضی ہے کہ یہاں بینچ ہونا چاہیے ٹوانہ نے کہا کہ چیف جسٹس لاہور ہائی کورٹ نے لاہور میں سرگودہا ڈویژن کیلئے الگ بینچ کا فیصلہ دے کر بینچ کی آفادیت کا اقرار کر لیا ہے سوال پیدا ہوتا ہے کہ یہ بینچ لاہور کی بجائے سرگودہا میں کیوں نہ بنایا جائے جبکہ ملک کے پنجاب کے علاوہ دیگر تمام صوبوں کے ڈویژنل ہیڈ کوارٹرز پر بینچ قائم ہیں اور پنجاب میں بھی راولپنڈی ،ملتان اور بہاولپور کے عوام کو یہ سہولت حاصل ہے تو پھر سرگودہا کے عوام کے ساتھ سوتیلی ماں کا سلوک کیوں کیا جا رہا ہے ممبر پنجاب بار کونسل نے کہا کہ اگر اس کیلئے آئین میں ترمیم کی ضرورت ہے تو پارلیمنٹ کو فوری طور پر ایسا کر دینا چاہیے کیونکہ تمام سیاسی پارٹیاں اس پر متفق ہیں کہ عوام کو انصاف انکی دہلیز پر فراہم کیا جائے