یوم قراردادپاکستان پر ڈپٹی کمشنر خوشاب کیپٹن(ر)اورنگزیب حیدر خان نے پرچم کشائی کی

 وطن عزیز پاکستان کی تاریخ کا اہم دن23مارچ یوم قراردادپاکستان ضلعی انتظامیہ خوشاب کے زیر اہتمام ڈی سی کمپلیکس میں نہایت ملی جوش وجذبے اور سادگی سے منایا گیا۔ڈپٹی کمشنر خوشاب کیپٹن(ر)اورنگزیب حیدر خان نے پرچم کشائی کی۔گورنمنٹ ٹیکنیکل ماڈل ہائی سکول کے طلباء یونیفارم میں ملبوس پی ٹی آئی ٹیچر حق نواز کی سر پرستی میں وہاں موجود تھے۔یوم پاکستان کی منعقدہ تقریب سے خطاب کرتے ہوئے ڈپٹی کمشنر نے کہا کہ یہ دن وطن عزیز کی مضبوطی اور استحکام کے لیے کام کرنے کا تجدید عہد ہے ہمیں اپنے بزرگوں کی وطن عزیز کے ساتھ وفاداری اور قربانیوں کو یاد کرنے کا دن ہے۔ہم سب پاکستانی ہیں اور پاکستان اسلام کا قلعہ ہے لہٰذا ہمیں اسلام کے دفاع اور ریاست کے مفادات کو زیادہ عزیز رکھنا ہے۔قبل ازیں ڈپٹی کمشنر نے پرچم کشائی کی اور پولیس کے چاق و چو بند دستے نے سلامی پیش کی۔اس موقع پر ایس پی ناصر،ایڈیشنل ڈپٹی کمشنر(جنرل)خوشاب چوہدری احسان اللہ،ڈسٹرکٹ ایمر جنسی آفیسر ریسکیو1122حافظ عبد الرشید،اسسٹنٹ کمشنر خوشاب عثمان اکرم کے علاوہ ایجوکیشن،ہیلتھ،سوشل ویلفئر،پولیس،ٹرانسپورٹ،سول ڈیفنس،زکوٰۃ و عشر،فاریسٹ کے علاوہ دیگر محکمہ کے سربراہان،افسران اور ملازمین موجود تھے۔

ڈسٹرکٹ بار سرگودہا میں محفل نعت

  ڈسٹرکٹ بارسرگودھا میں سینئر فی میل لائرز ونگ کے زیر اہتمام استقبال رمضان کے حوالہ سے محفل میلاد کا انعقاد کیا گیا جس کی صدارت صدر سینئر فی میل لائرز ونگ سعدیہ ملک ایڈووکیٹ نے کی محفل میلاد میںثمینہ کوثر ایڈووکیٹ، غلام فاطمہ ایڈووکیٹ،صائمہ مغل ایڈووکیٹ ،میڈم رضوانہ ایڈووکیٹ نے ہدیہ نعت پیش کیا

 جبکہ عصمت زہرہ ایڈووکیٹ نے موضوع وجہہ تخلیق کائنات ، اور سدرہ کاہلوں نے استقبال رمضان کے حوالے سے خصوصی بیان کیاسینئر لیڈی لائر طیبہ ضمیر نے محفل میلاد کے انعقاد پر سعدیہ ملک کی کاوش کو سراہا اور بطور صدر سینئر فی میل لائرز ونگ خواتین وکلاءکے لیے بہترین خدمات سر انجام دینے پرخراج تحسین پیش کیا محفل میلاد میں جامعہ الزہرہ کی عالمہ فاضلہ طلوسہ نے شرکت کی اورحمد ونعت پیش کی آخر میں صدر سعدیہ ملک ایڈووکیٹ نے تمام شرکاءکا شکریہ ادا کیا اور خصوصی دعا کروائی