احساس کفالت پروگرام سنٹر قائدآباد میں لوگوں کو لوٹنے والا ہوا رنگے ہاتھوں گرفتار

وزیراعظم احساس کفالت امداد پروگرام سینٹر کے ایجنٹ نے متوسط طبقہ گھرانے کی ضعیف العمربیوہ خاتون کو9ہزار کا چونا لگا دیا تفصیلات کے مطابق کورونا وائرس کی وجہ سے غریب اور مستحق لوگوں کو حکومت کی طرف سے امدادی رقوم کی تقسیم کیلئے گورنمنٹ بوائز ہائی سکول قائدآباد میں قائم وزیر اعظم احساس کفالت ریلیف پیکج سنٹر پر نجی بینک کنٹریکٹ فرنچائز کے اہلکار قمر عباس سکنہ شاہوالہ نے اتراء کی رہائشی مسماۃ صاحب خاتوں بیوہ محمدنواز قریشی سے شناختی کارڈ لیکر تصدیق کرنے کے بعد خاتون کے 21ہزار روپے ظاہر ہوئے جس پر خاتون کو ایجنٹ نے خاتون کو اصل رقم سے 9ہزار روپے کم کر کے 12ہزار تھما دیے اور موقع پر اے سی آفس کے کلرک احمد نواز نے ایجنٹ کی رقوم میں خوردبرد کرتے ہوئے پکڑ لیا اور اس کی نشاندہی پر اسسٹنٹ کمشنر رانا غلام مرتضی اورتحصیلدار رانا اعجاز احمد  نے موقع پر پہنچ کر صورت حال کا جائزہ لیا جہاں پر اس کی مبینہ کرپشن ثابت ہونے کے نتیجہ میں اسے پولیس کے حوالے کردیا پولیس تھانہ قائدآباد نے ملزم کے خلاف مقدمہ درج کر لیا۔

احساس کفالت پروگرام کا دوسرا فیز شروع:کتنے افراد ہونگے مستفید جانیے اس رپورٹ میں

 بینطیر انکم سپورٹ پروگرام /احساس کفالت پروگرام کی فوکل پرسن برائے ضلع خوشاب کوثر پروین نے رئیس ممتاز حسین چاچڑ جوائنٹ سیکرٹری پی ٹی آئی شمالی پنجاب کی انکے آفس میں ملاقات کے دوران بتایا ہے کہ ضلع بھر میں اس آج تک دس کروڑ 32لاکھ روپے تقسیم کی جا چکے ہیں کوثر پروین نے مزید بتایا کہ ضلع بھر میں قائم سنٹروںاور ریٹیلرز پر پہلے فیز کے 13ہزار چھ سو افراد میں 86سو افراد نے 12000فی کس کے حسا ب سے اپنی امدادی رقم وصول کر لی ہے جبکہ دوسرا فیز بھی شروع کر دیا گیا اس میں 16ہزار 3سو بیالیس افرادمیں امدادی رقسم تقسیم کی جائیگی جو پہلے مرحلے کے جو مستحقین اب تک اپنی امدادی رقم وصول نہیں کر سکے وہ بھی ان خوشاب،جوہرآباد،11چک،12چک،قائدآباد،نورپورتھل،رنگپور،بندیال،پیل،روڈہ،ہموکہ،بوڑانہ والا،چسو،پل کامرہ اور عینوں سنٹروں سے اپنی رقم وصول کر سکتے ہیں اس موقع پر طاہر خان اسسٹنٹ کمپلینٹ آفیسر تحصیل خوشاب بھی موجود تھے