Population Day walk in Jauharabad

میاں محمد نواز شریف کی صحت کے سلسلہ میں یوم تشکر کی تقریب

جوہرآباد ( نامہ نگار ) پاکستان مسلم لیگ ن ضلع خوشاب کے صدر و سینیٹر ڈاکٹر غوث خان نیازی نے کہا ہے کہ وزیراعظم میاں محمد نواز شریف کو تبدیل کرنے اور حکومت گرانے کی اپوزیشن کی حکومت کیخلاف تمام تر سازشیں ناکام ہو گئیں ہیں۔ عمران خان یہودی لابی کے ایجنڈا کی تکمیل کر رہے ہیں جو غیر مرئی اور نادیدہ قوتوں کے ہاتھوں میں کھیل رہے ہیں اور سیاست میں الزام تراشی اور منفی سیاست کو فروغ دے رہے ہیں۔ مسلم لیگ ن سیکرٹریٹ جوہرآباد میں میاں محمد نواز شریف کی صحت کے سلسلہ میں یوم تشکر کی تقریب سے خطاب کرتے ہوئے انہوں نے کہا کہ پی ٹی آئی والوں نے دھرنا اور احتجاجی سیاست کر کے ملک و قوم کا نہ صرف وقت ضائع کیا ہے بلکہ اقتصادی راہداری منصوبے میں رکاوٹیں ڈالنے کی بھی گہری سازش کی ہے۔ انہوں نے کہا کہ اللہ تبارک و تعالیٰ کا خصوصی کرم ہوا ہے کہ وزیراعظم پاکستان میاں محمد نواز شریف دل کے بڑے آپریشن کے بعد دوبارہ پاکستان میں قوم کے درمیان موجود ہیں اللہ تعالیٰ انہیں اچھی صحت سے ہمیشہ نوازے اور وہ اسی طرح ملک و قوم کی ترقی‘ عوامی خوشحالی اور عوام کی خدمت کا فریضہ سرانجام دیتے رہیں۔ یوم تشکر کی تقریب سے خطاب کرتے ہوئے ایم این اے ملک شاکر بشیر اعوان نے کہا کہ وزیراعظم پاکستان میاں محمد نواز شریف کی وطن آمد سے سیاسی مخالفین کی تمام تر افواہیں دم توڑ گئیں ہیں اب وہ بلا جواز عوام کو سڑکوں پر لا کر قوم کو تذلیل کرنا چاہتے ہیں۔ انہوں نے کہا کہ پی ٹی آئی اور پیپلز پارٹی والے مسلم لیگ ن کی حکومت کے ترقیاتی منصوبہ جات اور بالخصوص C-PAC ایشاء کے سب سے بڑے عوامی خوشحالی اور خطہ کی ترقیاتی منصوبہ سے خوفزدہ ہیں کہ اگر اس حکومت نے پانچ سال پورے کر کے توانائی بحران‘ بیروزگاری‘ مہنگائی اور اقتصادی اور معاشی صورتحال میں ترقی کر کے عوام کو ترقی و خوشحالی کی راہ پر گامزن کر دیا تو سیاسی مخالفین کو عوام میں پذیرائی حاصل نہیں ہو گی۔ تقریب سے خطاب کرتے ہوئے ایم پی اے کرم الہیٰ بندیال نے کہا کہ میاں محمد نواز شریف کی وطن واپسی ملک و قوم کے درخشاں مستقبل کی علامت ہے۔ انہوں نے کہا وزیراعظم پاکستان روبصحت ہو کر ایک نئے جذبہ اور ولولہ کیساتھ پہلے سے بہتر انداز میں ملک و قوم کی خدمت اور ترقیاتی امور سرانجام دینگے۔ انشاء اللہ وطن عزیز کے تمام بحرانوں اور مسائل اب تیزی سے حل ہونگے۔ انہوں نے کہا کہ سیاسی مخالفین کے پاس قومی ترقی اور عوامی خدمت کا کوئی ایجنڈا نہیں ہے۔ یوم تشکر کی تقریب سے عشر زکوۃ کمیٹی ضلع خوشاب کے صدر چوہدری ارشد ایڈووکیٹ‘ صدر سٹی ن لیگ حاجی احمد نواز‘ جہانگیر ٹوانہ اور قاضی محمد اقبال نے بھی خطاب کیا۔ بعدازاں وزیراعظم میاں محمد نواز شریف کی مکمل صحت یابی کیلئے دعا کرتے ہوئے ملک و قوم کی سلامتی‘ سالمیت اور بقاء کیلئے خصوصی دعا کی گئی۔ اس موقع پر عبدالستار ایدھی‘ ملک بلال ٹوانہ ایڈووکیٹ‘ ملک عنایت اللہ ٹوانہ کی وفات پر گہرے رنج و غم کا اظہار کرتے ہوئے مرحومین کی مغفرت اور بلند درجات کیلئے خصوصی دعا کی گئی

جوہرآباد (آفیشل ہینڈ آؤٹ ڈسٹرکٹ انفارمیشن آفس خوشاب)ضلعی محکمہ بہود آبادی کے زیر اہتمام یوم عالمی آبادی کے موقع پر ایک واک کا اہتمام کیا گیا ۔واک کی قیادت ڈی او (سی )عبدالحمید سنبل نے کی ۔واک میں ضلعی آفیسر بہبو د آبادی نصیر آحمد کربلائی ،ضلعی آفیسر صحت ڈاکٹر آصف محمود قاضی ،ڈسٹرکٹ آفیسر سوشل ویلفیئر نبیلہ ملک ،مولانا رانا سلیم الرحمن ،دیگر ضلعی افسران کے علاوہ مختلف شعبہ ہائے زندگی سے تعلق رکھنے والوں نے شرکت کی ۔واک جوہرآباد کالج چوک میں بازار سے شروع ہوئی اور سرور شہید لائبریری چوک تک آئی واک کی تقریب میں ڈی او(سی ) عبدالحمید سنبل ،ڈی او ہیلتھ ڈاکٹر آصف محمود قاضی ،ڈی او سوشل ویلفیئر نبیلہ ملک ،مولانا سلیم الرحمن اور ضلعی افسرمحکمہ بہود آبادی نصیر احمد کربلائی نے عالمی یوم آبادی کے حوالے سے خطابات کیئے ۔مقررین نے اپنے اپنے خطاب میں کہا کہ اپنی بچیوں کی صحت اور تعلیم و تربیت پر خصوصی توجہ دیں ۔ماں صحت مند اور پڑھی لکھی ہو گی تو نسل اچھی ہو گی جس سے معاشرہ اور ملک ترقی کرے گا ۔مقررین نے کہا کہ ہمارے ملک کے وسائل بہت کم ہیں ۔لہٰذا وسائل کو مد نظر کرکھتے ہوئے آبادی میں اضافہ کو روکیے ۔انہوں نے کہا آبادی کم کریں اور وسائل بڑھائیں ۔تقریب کے شرکاء کو ہدایت کی گئی کہ وہ گھر گھر اپنے محلہ اور کونے کونے میں آج کا پیغام پہنچائیں ۔مولانا رانا سلیم الرحمن نے وزیر اعظم پاکستان میاں نوازشریف کی صحت کی بحالی کی دعاکی ۔اور عبدالستار ایدھی کی وفات پر دعائے مغفرت اور ان کے درجات کی بلندی کے لئے خصوصی دعا کروائی بعد ازاں واک سرور شہید لائبر یری چوک جوہرآباد سے بذریعہ گاڑیوں اور موٹر سائکلوں کے خوشاب روانہ ہوئی ۔یہ واک خوشاب سندر ا ل چوک تک اور وہاں سے واپس جوہر آباد محکمہ بہبود آبادی کے ضلعی آفس اختتام پزیر ہوئی ۔