کراچی کے طرح لاہور بھی بند کرنے کے آرڈر جاری

ویب ڈیسک):۔۔۔۔۔  صوبہ سندھ کے بعد لاہور کو بھی مکمل طور پر بند کرنے کے آرڈر جاری کر دیے گئے ہیں ذرائع کے مطابق پتہ چلا ہے کہ کورونا وائرس کو روکنے کے پیش نظر حکومت پنجاب نے تمام اجتماعات ،سیاسی ،مذہبی ،محفل و مجالس و پبلک گیدرنگ اور تمام بڑی چھوٹی منڈیاں دیگر تمام مارکیٹس کو 19مارچ 2020 سے 05اپریل 2020تک بند کرنے کے آرڈر کر دیے ہیں اور اس پر پنجاب حکومت کی طرف سے بہت زیادہ سختی سے عمل درآمد کیا جائیگا اور عمل درآمد نہ کرنے والوں پر سخت جرمانہ بھی عائد ہوگا 

شاہ محمود قریشی بھی کورونا ٹیسٹ کروائیں گے اور آئسولیشن میں بھی رہیں گے

چین کے دورے سے آنے والے وزیرِ خارجہ شاہ محمود قریشی کہتے ہیں کہ کورونا کا ٹیسٹ کراؤں گا، خود کو آئسولیشن میں رکھوں گا:۔۔

وزیرِ خارجہ شاہ محمود قریشی کا ’جیو نیوز‘ کے مارننگ شو ’جیو پاکستان‘ میں گفتگو کرتے ہوئے کہنا ہے کہ ماہرین نے مجھے 5 دن بعد کورونا ٹیسٹ کا مشورہ دیا ہے:۔۔۔۔

انہوں نے کہا کہ چین جانے کا مقصد اظہارِ یک جہتی کرنا تھا، کورونا سے متعلق احتیاط برتنی چاہیئے، سی پیک کے ساتھ ہماری معاشی ترقی جڑی ہے:۔۔۔

وزیرِ خارجہ نے مزید بتایا کہ کورونا کا مرکز ووہان کو سمجھا جا رہا تھا، جہاں کل صرف ایک کیس رپورٹ ہوا ہےشاہ محمود قریشی کا یہ بھی کہنا ہے کہ مکمل لاک ڈاؤن سے ہماری معیشت پر منفی اثر پڑے گا، اس کو بھی دیکھنا ہے:۔۔۔۔

واضح رہے کہ صدر مملکت ڈاکٹر عارف علوی، وزیرِ خارجہ شاہ محمود قریشی، وزیر برائے پلاننگ اسد عمر، مشیرِ تجارت عبدالرزاق داؤد، سیکریٹری خارجہ سہیل محمود اور چین کا دورہ کر کے وطن واپس پہنچے ہیں، پاکستانی وفد میں شامل تمام افراد کو وطن واپسی پر اب کورونا وائرس کا اسکریننگ ٹیسٹ کروانا ہوگا:۔۔۔

وائرس ٹیسٹ کے لیے قائم ہیلپ لائن کے مطابق اگر صدرِ مملکت، وزیرِ خارجہ شاہ محمود قریشی یا وفد میں شامل کسی اور شخص کا تھرمل ٹیسٹ درست نہیں آیا یا پھر ان کا ٹمپریچر نارمل سے زیادہ ہوا تو انہیں کورونا وائرس کے ٹیسٹ کے لیے وفد سے علیحدہ کر لیا جائے گا:۔۔۔۔

اگر صدر مملکت، وزیرِ خارجہ شاہ محمود قریشی یا وفد میں شامل کسی دوسرے شخص میں کورونا کی علامت پائی گئی تو پھر انہیں 14 روز کے لیے قرنطینہ کا سامنا کرنا پڑ سکتا ہے:۔۔۔

پاکستان میں خاتون کانسٹیبل تیزاب پھیکنے والوں کی زد میں

ویب ڈیسک ):۔۔۔۔ مذاق کرنے سے منع کیوں کیا، شیخوپورہ میں امیر زادے نے خاتون کانسٹیبل پر تیزاب پھینک دیا تیزاب نے برقعہ اور وردی جلا دی کانسٹیبل کافی حد تک محفوظ رہی:۔۔۔

تفصیلات کے مطابق شیخوپورہ کے علاقہ نین سکھ کی رہائشی خاتون کانسٹیبل شاہدہ بی بی لاہور میں جاب کرتی ہیں، صبح ڈیوٹی پر جانے کے لئے گھر سے نکلی تو فیکٹری مالک کے بیٹے نے بھرے بازار میں بیہودہ مذاق کیا جس سے منع کرنے پر لڑکے نے تیزاب پھینک دیا:۔۔۔۔

https://twitter.com/92newschannel

خاتون نے اپنے بیان میں بتایا کہ ان لڑکوں کا گالی میں کھڑے ہو کر خواتین کو ہراساں کرنا روز کا معمول ہے اور یہاں سے گزرنے والی کوئی بھی عورت محفوظ نہیں۔ دوسری طرف پولیس نے لڑکے کے خلاف مقدمہ درج کر لیا ہے لیکن لڑکے کو گرفتار کرنے سے قاصر ہے:۔۔۔۔۔

شاہدہ بی بی کا کہنا ہے کہ اگر اسے آئی جی پنجاب کی جانب سے انصاف نا ملا تو وہ یہ نوکری ہی چھوڑ دے گی:۔۔۔۔

علامہ تشد د کیس میں پولیس ان ایکشن :ملزمان ہوئے گرفتار

 
ویب ڈیسک):۔۔۔۔۔۔۔

علامہ ناصر مدنی پر تشدد کرنے والے افراد گرفتار، پولیس نے مقدمہ درج کر لیا وزیر اعلی پنجاب کے نوٹس لینے پر پولیس کا ایکشن:۔۔۔۔

تفصیلات کے مطابق وزیر اعلی پنجاب کے نوٹس لینے پر پولیس نے علامہ ناصر مدنی پر تشدد کرنے والے افراد کو گرفتار کر لیا:۔۔۔۔۔

ملزمان سے دو گنز اور ایک پستول برآمد کر لیا گیا، مقدمہ درج کر کے کاروائی شروع کڑ دی گئی یاد رہے کہ گزشتہ روز معروف عالم مولانا ناصر مدنی کو دعا کے بہانے گجرات بلا کر تشدد کیا گیا اور دھمکیاں دی گئیں:۔۔۔۔۔

علامہ ناصر مدنی نے گزشتہ رات پریس کانفرنس میں میڈیا کو بتایا تھا کہ نہ صرف ان پر تشدد کیا گیا بلکہ انہیں حبس بے جا رکھ کر برہنہ کر کے تصاویر بھی بنائی گئیں:۔۔۔۔

علامہ ناصر مدنی پر تشدد،برہنہ ویڈیو بنائی گئی ،جان سے مارنے کی دھمکیاں

تفصیلات کے مطابق پاکستان کے نامور خطیب مولانا علامہ ناصر مدنی پر اغوا کاروں نے اغواء کرنے کے بعد  بہیمانہ تشدد کیا۔ تشدد کے سبب علامہ ناصر مدنی کی حالت غیر ہوگئی۔ جبکہ ان کے جسم پر تشدد کے نشانات واضح طور پر دیکھے جا سکتے ہیں:۔۔

علامہ ناصر مدنی کا اپنے وکیلوں کے ہمراہ پریس کلب میں میڈیا کے نمائندوں سے بات چیت کرتے اور تشدد کی وجہ سے جسم پر پڑنے والے نشانات دکھاتے ہوئے کہنا تھا کہ اغوا کاروں کی جانب سے مجھے دھمکیاں دی گئی ہیں کہ جس دن آپ میڈیا کے سامنے گئے تو وہ دن آپ کی زندگی کا آخری دن ہوگا۔ جب کہ اغواکاروں نے مجھ سے دو سادہ کاغذوں پر سائن کرواتے ہوئے میری ویڈیو بھی بنائی:۔۔۔

میڈیا کے نمائندوں سے گفتگو کرتے ہوئے علامہ ناصر مدنی نے تمام قانون نافذ کرنے والے اداروں، وزیراعظم پاکستان عمران خان، پاکستان کے آرمی چیف جنرل قمر جاوید باجوہ اور چیف جسٹس آف پاکستان سے مطالبہ کیا کہ ان لوگوں سے میری جان و مال کا تحفظ کیا جائے جبکہ مجھے فوری طور پر انصاف بھی مہیا کیا جائے۔ میری جان کو خطرہ لاحق ہونے کی وجہ سے مجھے سکیورٹی بھی فراہم کی جائے۔ جو کہ کسی بھی ریاست کے عام شہری کا بنیادی حق ہے:۔۔۔

علامہ ناصر مدنی کا اپنے اوپر ہوئے بیہمانہ تشدد بارے میڈیا کے نمائندوں سے کہنا تھا کہ مجھے رسیوں سے باندھ کر لوہے کے پائپ، راڈ، لکڑی کے ڈنڈوں جبکہ گنے سے بھی مجھ پر تشدد کیا گیا اور مجھے برہنہ کر کے ملزمان کی جانب سے ویڈیو بھی بنائی جاتی رہی۔ جب کہ مجھ پر تشدد کرنے کی وجہ مجھے یہ معلوم ہوتی ہے کہ جو لوگ جعلی پیر بن کر کرونا وائرس کا علاج کرنے کا ڈھونگ رچا کر لوگوں کو پھونک مار کر پیسے بٹورتے ہیں ان کی جانب سے مجھے اغوا کر کے تشدد کا نشانہ بنایا گیا ہے:۔۔۔

سول سیکریٹریٹ میں دھمکیوں کے حوالے سے جمع کروائی گئی میری درخواست کے حوالے سے بھی حکام کی جانب سے کوئی ایکشن نہیں لیا گیا۔ تاہم مجھ پر ہوئے بیہمانہ تشدد کے حوالے سے ایف آئی آر درج کروا لی گئی ہے اور آئی جی پنجاب سے بھی رابطہ ہوا ہے جنہوں نے ملزمان کو جلد سے جلد پکڑ کر اور ان کو کیفر کردار تک پہنچانے کی یقین دہانی کروائی ہے:۔۔۔

حکومتی پول کھل گیا پاکستان میں کورونا ٹیسٹ ہزاروں میں ہونے لگا

ویب ڈیسک):۔۔۔ ذرائع کے مطابق پتہ چلا ہے کہ

نیشنل انسٹیٹیوٹ آف ہیلتھ اسلام آباد نے کرونا وائرس کے ٹیسٹ کے 24000 روپے چارج کیے ۔ جبکہ حکومت ابھی بھی بضد ہے ہم فری ٹیسٹ کر رہے ہیں 

ایرانی حکومت 85 ہزار قیدی رہا کرنے میں کیوں مجبور ہوئی

ویب ڈیسک :۔(تہران):۔۔۔ایران کی حکومت نے کرونا وائرس کی روک تھام کے لیے بڑا فیصلہ کرتے ہوئے 85 ہزار قیدیوں کو عارضی طور پر رہا کردیا:۔

ایران کی سرکاری میڈیا رپورٹ کے مطابق ملک کے مختلف علاقوں میں واقع جیلوں میں قید 85 ہزار افراد کو مشروط رہائی دی گئی، جیسے ہی وبا پر قابو پایا جائے گا تو انہیں دوبارہ حراست میں لیا جاسکتا ہے:۔

رپورٹ کے مطابق رہائی پانے والی قیدیوں کی تفصیلات اور تمام ڈیٹا لیا گیا اور انہیں پابند کیا گیا ہے کہ وہ شہر اور ملک چھوڑ کر کہیں نہیں جاسکتے:۔

ایرانی عدلیہ کے ترجمان کے مطابق رہائی پانے والے قیدیوں میں پچاس فیصد وہ لوگ ہیں جو سیکیورٹی اداروں سے تعلق رکھتے تھے اور انہیں مختلف الزامات کی وجہ سے گرفتار کیا گیا تھا:۔

حکومتی ترجمان نے رہائی پانے والے قیدیوں کی تعداد جاری کی اور بتایا کہ اُن لوگوں کو بھی رہا کردیا جو سیاسی قید میں تھے۔ ترجمان کے مطابق جیلوں میں وبا کے پھیلاؤ کو روکنےکیلئے احتیاطی اقدامات کئے ہیں۔ چند روز قبل بھی  ایرانی حکومت نے جیلوں میں قید  70 ہزار قیدیوں کو رہائی دی تھی:۔

واضح رہے کہ ایران میں کرونا وائرس سے اب تک 853 اموات ہوئیں جبکہ 14ہزار  991 کیسز رپورٹ ہوئے ہیں:۔