بڑی خبر سعودی سے وطن واپسی کے عہدہ پروگرام سے فائدہ کیسے اٹھا سکتے ہیں

ایگزٹ ری انٹری اور ہروب والوں کیلئے جوازات کی وضاحت کر دی

ایڈیشنل سیکرٹری اکیڈمک پنجاب کا پرچوں کے قائم مراکز کا دورہ

ایڈیشنل سیکرٹری اکیڈمک پنجاب طارق حمید بھٹی نے تعلیمی بورڈ سرگودہا کے میٹرک کے امتحانات کے پرچوں کی مارکنگ کے لیے قائم مختلف مراکز کا دورہ کیا۔ انہوں نے سنٹرز پر عملہ کو کورونا سے محفوظ رکھنے کیلیے اٹھائے جانیوالیاقدامات / ایس او پیز کا تفصیلی جائزہ لیا اور اطمینان کا اظہار کیا

 اس موقع پر چئیرپرسن بورڈ آف انٹرمیڈیٹ اینڈ سیکینڈری ایجوکیشن ڈاکٹر پروفیسر کوثر رئیس، سیکرٹری بورڈ چوہدری سرفراز گجر اور کنٹرولر امتحانات پروفیسر چوہدری اکرم تارڈ بھی ان کے ہمراہ تھے۔ ایڈیشنل سیکرٹری اکیڈمک پنجاب نے گورنمنٹ انبالہ کالج، ثنائی سکول، گورنمنٹ ہائی سکول بھلوال، گورنمنٹ کامرس کالج اور تعلیمی بورڈ میں قائم مارکنگ سنٹرز کا معائینہ کیا

اس موقع پر چئیرپرسن ڈاکٹر کوثر رئیس نے بریفینگ میں بتایا کہ میٹرک کے امتحانات 2020میں 83ہزار سے زائد طلبہ نے حصہ لیا۔ انہوں نے بتا یا کہ پرچوں کی مارکنگ کے لیے 17سنٹرز قائم کیے گئے ہیں جہاں صبح سات بجے سے شام سات بجے تک بغیر کسی چھٹی کے پرچوں کی مارکنگ کی جاری ہے

 نتیجے کا اعلان ستمبر کے دوسرے یاتیسرے ہفتہ میں کر دیا جائیگا۔ انہوں نے مزید بتایا کہ جماعت نہم کے  امتحان کے لیے طلبہ کی آن لائن رجسٹریشن جاری ہے۔ ایڈیشنل سیکرٹری اکیڈمک نے مارکنگ عملہ سے بھی ملاقات کی اور ان کو فراہم کردہ سہولیات بارے دریافت کیا۔

جسٹس لاہور ہائیکورٹ جسٹس فاروق حیدر کا دورہ خوشاب

انسپکشن جج ضلع خوشاب جسٹس لاہور ہائی کورٹ جسٹس فاروق حیدر کا ڈسٹرکٹ کورٹ خوشاب کا دورہ جوہرآباد جوڈیشل کمپلیکس میں بار روم کا افتتاح کردیا۔صدر ڈسٹرکٹ خوشاب ملک طاہر رضا بگھور ،جنرل سیکرٹری ملک زبیر حیات اتراء کی قیادت میں جوڈیشل میٹنگ روم جوہرآباد میں وکلا کے وفد سےوکلا کو درپیش مسائل دریافت کیے ،جنرل سیکرٹری ڈسٹرکٹ بار ملک زبیر اتراء نے ینگ وکلا کو نئے چیمبرز کی فوری فراہمی کی استدعا کی جس پر جسٹس فاروق حیدر نے کہا کہ وکلا کے پاس ذاتی چیمبرز ہونا انتہائی ضروی ہے جہاں وہ اپنے کلائنٹ کواچھی طرح ڈیل کرسکیں انہوں نے کہا کہ ینگ وکلا کو چیمبرز کی فراہمی اولین ترجیحات میں شامل ہے عوام کو بروقت انصاف کی فراہمی وکلا کے تعاون کے بغیر ناممکن ہے کورونا کی وبا کے باعث عدالتی نظام ڈسٹرب ہوا لیکن الحمدللہ حالات میں بہتری آرہی ہے

 انہوں نے مزید کہا کہ بطور انسپکشن جج مجھے امید ہے ضلع خوشاب میں عوام کو عدل کی فراہمی کا نظام سب سے بہتر ہوگا ۔انہوں نے جوڈیشل کمپلیکس جوہرآباد میں پودا بھی لگایااس موقع پر ڈسٹرکٹ اینڈ سیشن جج خوشاب سردار محمد اکرم خان اور سابق صدور ڈسٹرکٹ بار خوشاب ملک عبدالرحیم ایڈوکیٹ ،حاجی اعظم خان جنجوعہ ایڈوکیٹ،ملک ریاض راجڑ ایڈوکیٹ ،ملک یونس ڈھلی ایڈوکیٹ کے سمیت ممبر پنجاب بار ملک حبیب نواز ٹوانہ ایڈوکیٹ ،ملک پرویز مدھوال ایڈوکیٹ ،سمیت سینئر وکلا موجود تھے۔جسٹس لاہور ہائیکورٹ جسٹس فاروق حیدر جب ڈسٹرکٹ بار ایسوسی ایشن خوشاب پہنچے تو وہاں ان کا۔والہانہ استقبال کیا گیا۔

استقبال کرنے والوں میں صدر بار ملک طاہر رضا بگھور۔جنرل سیکرٹری ملک زبیر اتراء۔سینئر نائب صدر ملک انور اعوان و سینئر وکلاء کے کیا۔ ۔ بعد ازاں تحصیل بار نوشہرہ وادی سون میں بارروم کے افتتاح کےلیے روانہ ہوگئے

عیدالاضحی کے موقع پر ضلع بھر میں صرف 5 سیل پوائنٹ مقرر

ڈپٹی کمشنر خوشاب مسرت جبیں نے کہا ہے کہ عیدالاضحی کے موقع پر قربانی کے جانوروں کی خرید و فروخت کے لیے ضلع کے مختلف پانچ مقامات پر سیل پوائینٹ بنائے جارہے ہیں۔جن کا فاصلہ شہری آبادی سے کم از کم دوکلومیٹر اور زیادہ سے زیادہ پانچ کلومیٹر دور ہو گا۔اور یہ مویشی منڈیاں 15جولائی سے کام کرنا شروع کر دیں گی۔شہر کے اندر کسی جانور کی خریدو فروخت کی اجازت نہ ہو گی۔انہوں نے مزید بتایا کہ سیل پوائینٹ یا مویشی منڈیوں میں مکمل ایس او پینر پر عملدر آمد کروایا جا ئیگا۔منڈی میں ہر آنے جانے والے کے لیے فیس ماسک پہنا اور سماجی فاصلوں کو برقرار رکھنا ضروری ہو گا۔ڈپٹی کمشنر اپنے آفس کے کانفرنس روم میں کیٹل منڈیوں کے قیام اور اس کے انتظامات کے حوالے سے ایک منعقد اجلاس کی صدارت کر رہی تھیں۔اجلاس میں اے ڈی سی (جی) نادیہ شفیق،اے ڈی سی (آر) عدیل حیدر،سی ای او ڈسٹرکٹ ہیلتھ اتھارٹی ڈاکٹر واجد علی شاہ،ایڈیشنل ڈائریکٹر لائیو سٹاک محمد ارشد لطیف،پاک آرمی کے آفیسر شکیب،ڈسٹرکٹ ایمر جنسی آفیسر ریسکیو 1122،اسسٹنٹ کمشنر راشد اقبال اور غلام مرتضیٰ کیٹل منڈی کے خرم اقبال سیکرٹری آرٹی اے،پولیس ایم سیز کے سی اوز اور دیگر محکموں کے افسران شریک تھے۔اجلاس میں چاروں تحصیلوں کی انتظامیہ نے اپنی اپنی تحصیل میں منڈی مویشیاں کے سیل پوائنٹس بنانے کے حوالے سے صدر اجلاس کو بریف کیا۔ڈپٹی کمشنر نے اے سی خوشاب کو کرپالکہ کے علاوہ دوسری منڈی کے قیام کے لیے لائیوسٹاک فارم اور مظفر گڑھ روڈ سلطانہ گارڈن کا وزٹ کرنے اور جگہ کا فوری تعین کرنے کی ہدایت کی -اجلاس میں ایم سیز کے تمام سی اوز کو روزانہ بلا ناغہ نالیوں کی صفائی اور عید قربانی کے دن جانوروں کی آلائشیں فوری ٹھکانے لگانے کی ہدایت کی -پولیس کو اس موقع پر سکیورٹی کے انتظامات کرنے،محکمہ لائیو سٹاک کو مویشوں کے لئیے چارے کا بندوبست کرنے سی ای او ہیلتھ کو سیل پو ائنٹس پر ڈسپنسریاں کے قیام وغیرہ کی ہدایت کی گئی -اجلاس میں پرائس کنٹرول کا جائیزہ لیتے ہوئے پرائس میجسٹرٹیوں کو تمام اشیا کی قیمتوں کے استحکام اور مقرہ نرخوں پر اشیاء کی فراہمی کو یقینی بنانے،اینٹی کرپشن کے حوالے سے زیر التواء کیسوں کو نمٹانے،پی ایم،سی ایم اور سی ایس شکایات سیل میں آنے والی شکایات کو فوری حل کرنے،ٹائگر فورس سے ہر ہفتہ بعد اجلاس کرانے اورانہیں آگاہی مہم پر لگانے اور این جی اوز کی رجسٹرشن کے حوالے سی ضروری ہدایات جاری کی گئیں 

86 سال بعد ترک کے آیا صوفیا کے گنبد سے دوبارہ اذان محمدی ﷺ کی صدائیں گونج سکیں گی

ترکی کی اعلی عدالت نے آیاصوفیا کو میوزیم سے مسجد میں تبدیل کرنےکا باقاعدہ فیصلہ سنا دیا
ترکی اردو نے دو دن پہلے خبر بریک کی تھی۔ 1935ء میں اتاترک کابینہ نے اسے میوزیم میں تبدیل کیا تھا۔ اب سلطان فاتح کےفرمان کےمطابق مسجد ہوگی صدر ایردوان نے قانونی کارروائی کا کہا تھا

اب نماز آیا صوفیا کے باہر نہیں، اندر ادا کی جائے گی ترکی کی اعلی عدالت نے آیا صوفیا کو میوزیم سے مسجد میں تبدیل کرنے کا باقاعدہ فیصلہ سنا دیا

آیا صوفیا کے گنبد سے دوبارہ اذان محمدی ﷺ کی صدائیں گونج سکیں گی، اور صحن میں سجدے کیے جا سکیں گے۔ ترکی کی اعلی عدالت نے آیا صوفیا کو مسجد سے عجائب خانے میں تبدیل کرنے کا اتاترک کابینہ کا بنایا گیا قانون کالعدم قرار دے دیا ہے اور اس کی مسجد کی حیثیت بحال کر دی ہے

صدر رجب طیب ایردوان نے آیا صوفیا کو میوزیم سے مسجد میں تبدیل کرنے کے حکم پر دستخط کر دیے

اے سی خوشاب کی دبنگ کاروائی:NOC نہ ہونے پر صابری پٹرولیم سیل

بغیر این او سی کےلمبا عرصہ خوشاب کی عوام کو چونا لگانے والا صابری پیٹرولیم جوہرآباد حکومتی شکنجے میں آگیا۔

ذرائع کی تفصیلات کے مطابق صابری پٹرولیم پمپ نے  

۔بغیر فارم K. 

 سکنی جائیداد پر کمرشل کام۔اے سی خوشاب نے صابری پیٹرولیم جوہرآباد سیل کر دیا

خوشاب کے ریسکیو اہلکاروں نے ایمانداری میں مثال قائم کر دی

ریسکیو 1122 ایمانداری کی مثال کو قائم رکھتے ہوئے انسانی خدمات میں اپنے فرائض سرانجام دینے میں دن رات کوشاں ہے۔
تفصیلات کے مطابق گزشتہ روز ہنگو خیبر پختون خواہ کا رہائشی نور آغا ولد زرجان خان کو آدھی کوٹ روڈ پر نامعلوم ریڑھی سوار نے ہٹ کیا جس کی وجہ سے نور آغا موقع پر دم توڑ گیا ریسکیو 1122 کی امدادی ٹیم نے برقت رسپانس کیا اور نعش کو ریسکیو سروسز فراہم کرتے ہوئے  مٹھہ ٹوانہ پولیس کے ہمراہ رورل ہیلتھ سینٹر مٹھہ ٹوانہ منتقل کر دیا مزید موقع پر موجود اے ایس آئی مٹھہ ٹوانہ پولیس الطاف خان کو ریسکیو 1122 کی امدادی ٹیم نے نعش سے ملنے والی رقم 36040 چھتیس ہزار چالیس روپے،ایک عدد Qموبائل اور ایک عدد یونائٹڈ موٹرسائیکل و دیگر سامان حوالے کر دیا۔