پی ٹی آئی کی ضلعی تنظیم کیلئے نئی آزمائش

 

پاکستان تحریک انصاف شمالی پنجاب کا اجلاس ریجنل صدر صداقت علی عباسی کی زیر صدارت منعقد ہوا اجلاس میں اس امر پر افسوس کا اظہار کیا گیا کہ ضلعی تنظیم نے ابھی تک خوشاب میں کسی تحصیل میونسپلٹی یا ٹاؤن کے عہدیداروں کی نامزدگی نہیں کی جوائنٹ سیکرٹری پی ٹی آئی شمالی پنجاب رئیس ممتاز حسین چاچڑ نے اخباری نمائندوں کو بتایا ہے کہ ضلعی تنظیم کو 22ستمبر تک یہ تنظیمیں ہر صورت مکمل کرنے کی ہدایت کی گئی ہے اور اگر وہ کسی تنظیم یا کسی ایک عہدہ پر نامزدگی کرنے میں کامیاب نہیں ہورہی تو صورتحال سے ریجنل تنظیم کو آگاہ کرئے جو اس بارئے میں حتمی فیصلہ کر دے گی اجلاس میں طے پایا کہ ستمبر کے آخری یا اکتوبر کے پہلے ہفتہ میں تمام ضلعی تحصیل میونسپل اور ٹاؤن تنظمیوں کی حلف وفاداری ہو جانی چاہیے

سعودی عرب کی مہنگی ٹکٹس نے مسافروں کے ہوش اڑا دیے

 

 

خوشاب (ویب ڈیسک) ٹریول ایجنٹس کی جانب سے سعودی عرب کی مہنگی ٹکٹوں نے مسافروں کے ہوش اڑا دیا، قیمتیں بڑھنے پر مسافر چکرا کر رہ گئے:۔۔۔۔۔

ٹریول ایجنٹس کی طرف سے سعودی عرب واپس جانے والے مسافروں سے من مانے کرائے وصول کیے جارہے ہیں۔

پی آئی اے کے بعد دیگر ائیرلائنز کے کرائے بھی کئی گنا زیادہ وصول کرنے شروع کر دیے گئے۔ پی آئی اے کا 84 ہزار کا قیمت کے ٹکٹ کے 1 لاکھ 20 ہزار تک وصول کئے جارہے ہیں:۔۔۔۔۔۔۔

غیر ملکی ائیرلائن کا 1لاکھ 1 ہزار کی ٹکٹ اب مارکیٹ میں 1 لاکھ 40 ہزار تک فروخت کیے جانے لگی:۔۔۔۔۔۔

پی آئی اے نے دیگر ائیرلائنز سے رابطہ کر کے مشترکہ کارروائی اور لائحہ عمل طے کرنے پر مشاورت کی ہے:۔۔۔۔۔۔

ایک نجی ائیر لائن کی گزشتہ رات اسلام آباد تا ریاض کی بھری ہوئی پرواز منسوخ بھی ہوئی جس پر ائیرپورٹ پر شہر شرابہ ہوا اور مسافروں نے احتجاج کیا۔ مسافروں کی جانب سے ایئرلائن کو سخت ردعمل کا سامنا رہا:۔۔۔۔۔۔۔۔۔۔۔۔۔

 

خوشاب کی کونسی بیکری کا کیک کھانے سے شہری ہسپتال پہنچ گئے جانیئے اس رپورٹ میں

 خوشاب(ویب ڈسیک) گزشتہ رات 9 بجے خوشاب شہر کے رہائشی سرفراز علی نے ٹائیگرز فورس ایم سی خوشاب کے کیپٹن محب بھٹی کو فون کر کے اطلاع دی کہ اس نے آج رات 8 بجے شاہد بیکری پرانا لاری اڈا سے بچے کی سالگرہ کیلئے کیک خریدا جو کہ ناقص فوڈ کوالٹی کیوجہ سے خراب تھا

جسکو کھانے کیوجہ سے گھر کے تین افراد ہسپتال پہنچ گئے لہٰذا ٹائیگرز فورس خوشاب کی ٹیم کیپٹن محب حسین بھٹی، وائس کیپٹن جرار حیدر خان بلوچ، شہادت حسین بھٹی، مسعود نڑا، آصف محمود نڑا، طاہر عباس خان بلوچ، محمد مصطفیٰ اور احد رشید نے موقع پر پہنچ کر پنجاب فوڈ اتھارٹی کو فون کیا اور اسی وقت خوشاب سٹی تھانہ فون کر کے اطلاع دی جس پہ قائم مقام ایس ایچ او عامر صاحب موقع پر پہنچ گئے. بیکری مالک عبدالواحد کو پولیس سٹیشن لے جایا گیا جبکہ جو مریض تحصیل ہسپتال خوشاب داخل تھے پولیس نے انکے بیانات لے کر رپٹ درج کر لی ہے.

سردار جرار حیدر خان بلوچ نے سوشل میڈیا پر جب پوسٹ لگائی تو دلچسپ تبصرے سننے کو ملے جس میں ارتضا شیرازی نے کہا ٹائیگر فورس کی محنت کو خوب سراہا اور ساتھ ہی انہیں مشورہ بھی دیا کہ اسے کا کارخانہ بھی سیل کروایا جائے

کٹ لگانے والے ہو جائیں ہو شیار :اتراء میں کوئی نہیں ہوا گرفتار

 

 نواحی موضع اتراء کی شہری آباد ی کو سیلابی پانی سے بچانے کیلئے شہریوں نے اپنی مدد آپ کے تحت سڑک میں کٹ لگا کر پانی کا رخ دوسری طرف موڑ دیا بیس افراد کے خلاف مقدمہ درج،شہریوں کا انتطامیہ کے خلاف شدید احتجاج تفصیلات کے مطابق بندیال راجباہ میں ڈالا گیا سیلابی  پانی اوور فلو ہونے اور بند ٹوٹنے سے موضع اتراء میں داخل ہوگیا جس سے شہر کے نشیبی علاقوں میں محلہ ذیلدارانوالہ،محلہ مظفر آباد،کمال پورہ اور محلہ عیدگاہ کی گلیوں اور گھروں کے اندر جمع ہوگیا شہریوں نے سیلابی پانی کے اخراج کیلئے احتجاج کیا اور انتظامیہ موقع پر پہنچ گئی شہریوں نے مطالبہ کیا کہ بندیال راجباہ کی ملحقہ سڑک کو کٹ لگا کر پانی موضع امیروالا کی طرف موڑدیا جائے تاکہ موضع اتراء میں مزید پانی داخل نہ ہو جس پر اسسٹنٹ کمشنراور انتظامیہ نے ایسا کرنے سے منع کیا شہریوں نے مشتعل ہوکر کرین ڈرائیور کو یرغمال بناکر کرین کا شیشہ توڑ دیا اور زبردستی اتراء امیروالا روڈ کو عظیم آباد کے قریب کٹ لگا دیا اور اسسٹنٹ کمشنر اور انتظامیہ کے خلاف شدید نعرے بازی کی قائدآباد پولیس نے پٹواری قادربخش کی درخواست پر سات نامزد حفیظ الرحمن ایڈووکیٹ،عزیز الرحمن،محمد جاوید،محمد عمار،عبدالوہاب،عبدالحمید،رمضان بارو خیل وو دیگر نامعلوم پندرہ افراد کے خلاف مقدمہ درج کر لیا۔

جوہرآباد سیلاب کا فضائی منظر

ملک شاکر بشیر اعوان سابق ایم این اے کاعوام الناس کیلئے اہم پیغام

ملک شاکر بشیر اعوان سابق ایم این اے کا پریس کلب خوشاب کے عہدیداروں سے ملاقات اور حکومت اور عوام کے نام اہم پیغام

پنجاب میں حالیہ سیلاب سے سب سے زیادہ متاثر ضلع خوشاب ھوا ھے درست ھے کہ قدرتی آفات کا مقابلہ نھیں کیا جا سکتا لیکن حکومت عوام کے مسائل کم تو کر سکتی ھے
میرے خیال میں صوبائی حکومت اور ضلع انتظامیہ نے وہ کچھ نھیں کیا جو انھیں کرنا چاہیے تھا
ھماری حکومت سے درد مندانہ درخواست ھے کہ عوام کی مدد کریں جتنی زیادہ سے زیادہ ممکن ھے
وفاقی اور صوبائی حکمرانوں کو ضلع کا دورہ کرنا چاہیے اور اپنی آنکھوں سے عوام پر کیا گذر رھی ھے دیکھنا چاہیے.
مجھ سمیت ضلع کے تمام سیاست دان اپنی اپنی بساط کے مطابق عوام کی مشکلات کے حل کیلئے کوشاں ھیں لیکن ظاہر ھے ھم وہ نھیں کر سکتے جو حکومت کر سکتی ھے

پاک فوج کا خوشاب کے سیلاب متاثرہ علاقوں میں ریسکیو آپریشن جاری

 

 

ویب ڈیسک :۔۔۔۔۔ پاک فوج کے شعبہ تعلقات عامہ آئی ایس پی آر کا کہنا ہے کہ پاک فوج کے اہلکار خوشاب کے سیلاب متاثرہ علاقوں میں ریسکیو آپریشن کیلئے پہنچ گئے:۔۔۔۔

 

آئی ایس پی آر کے مطابق حالیہ بارشوں سے ضلع خوشاب کے 10 سے زائد گاؤں متاثر ہوئے ہیں، منگلا کور کے دستے امدادی سرگرمیوں میں مصروف ہیں:۔۔۔۔۔۔۔۔۔۔

 

آئی ایس پی آر کا کہنا ہے کہ پاک فوج کے جوان سول انتظامیہ کی مدد کے لیے پہنچے ہیں، فوجی دستے ڈھوکری، بھولا، خالق آباد، واہیر، ہڈالی میں سیلاب متاثرین کی امداد میں مصروف ہیں:۔۔۔۔۔۔۔۔۔