سعودی عرب کی 72 گھنٹے کی مہلت پھر پابندی عائد ہو جائیگی

ریاض(ویب ڈیسک): سعودی عرب نے پاکستان اور بھارت سمیت کرونا وائرس سے متاثرہ ممالک سے اقامہ رکھنے والے تارکین کو واپس آنے کے لیے 72 گھنٹے کی مہلت دیتے ہوئے  ان ممالک کے سفر پر عارضی پابندی بھی عائد کردی:۔

تفصیلات کے مطابق کرونا وائرس سے بچاؤ کے لئے سعودی عرب نے 72گھنٹے بعد غیر معینہ مدت تک داخلہ ویزہ بند کرنے کا فیصلہ کرلیا اور پاکستان سمیت12 ممالک  کے اقامہ ہولڈرز کو تین دن کے اندر اندر سعودی عرب آنے کی ہدایت کردی، وزارت سعودی عرب کی جانب سے ہدایت تمام غیر ملکی اور شہریوں کے لیے جاری کی گئی ہیں:۔

دوسری جانب سعودی عرب نے پاکستان ، بھارت اور یورپی یونین کے ممالک کے سفر پر عارضی پابندی لگاتے ہوئے فلائٹس بھی معطل کردیں:۔

سرکاری ذرائع کی جانب سے بیان میں کہا گیا ہے کہ سعودی حکومت نے ایسے ممالک جہاں کرونا وائرس پھیلنے کا خطرہ ہے ، وہاں شہریوں اور مقیم غیر ملکیوں کی حفاظت یقینی بنانے کے لیےعارضی طور پر سفری پابندی لگانے کا فیصلہ کیا ہے:۔

سعودی خبرایجنسی کے مطابق سعودی عرب نے ان  ممالک کے لیے سعودی شہریوں اور مقیم غیر ملکیوں کا سفر اور فلائٹس بھی معطل کردیں:۔

 ان میں پاکستان، بھارت ، یورپی یونین کے کئی ممالک اور سوئٹزرلینڈ کے علاوہ سری لنکا، فلپائن، ایتھوپیا، سوڈان، اریٹریا، کینیا، جبوتی، سوڈان اور صومالیہ شامل ہیں:۔

سعودی وزارت داخلہ کی جانب سے بیان میں کہا گیا ہے کہ کرونا سے بچاؤ کیلئے کام کرنے والی مشترکہ کمیٹی کی سفارشات اور وائرس کی روک تھام کے لیے کی جانے والی کوششوں کے پیش نظر عارضی طور پر مذکورہ ممالک پر پابندی لگانے کا فیصلہ کیا ہے:۔

کرونا وائرس پر سیکیورٹی کمیٹی کا اجلاس بلانےکافیصلہ

ویب ڈیسک:        کرونا وائرس پر قومی سلامتی کمیٹی کا اجلاس بلائے جانے کا امکان ہے ، اجلاس بلانے سے متعلق پارلیمانی پارٹی کو آگاہ کردیاگیا ہے، اجلاس میں بارڈرز کی بندش سے متعلق نیشنل پالیسی کاجائزہ لیا جائےگا

تفصیلات کے مطابق ذرائع کا کہنا ہے کہ وزیراعظم عمران خان نے کرونا وائرس پر سیکیورٹی کمیٹی کا اجلاس بلانےکافیصلہ کرلیا جبکہ قومی سلامتی کمیٹی کا اجلاس جلد بلایا جائے گا

ذرائع کے مطابق اجلاس بلانے سے متعلق پارلیمانی پارٹی کوآگاہ بھی کردیاگیا ہے، اجلاس میں بارڈرز کی بندش سے متعلق نیشنل پالیسی کا جائزہ لیا جائے گا:۔

اس سے قبل وزیراعظم عمران خان کی زیر صدارت پارلیمانی پارٹی کااجلاس ہوا، جس میں عوامی مسائل کےفوری حل کے لئے نیشنل پالیسی پرمشاورت کی گئی اور کروناوائرس کے مزید پھیلاؤ سے بچاؤ کے لئے تجاویز پر تبادلہ خیال کیا گیا:۔

اجلاس کےدوران بلوچستان سے منسلک بارڈر بند کرنے کی تجویز دی گئی اور کہا گیا بلوچستان سے منسلک بارڈر پر شدید خطرہ ہے، مکمل سیل کردیا جائے:۔

وزیراعظم کی صوبوں میں ترقیاتی منصوبے جلد مکمل کرنے کی یقین دہانی کراتے ہوئے کہا فی الحال قومی مسائل اور چیلنجز پر مل کر قابو پانا ہے، حکومت کی پوری توجہ مہنگائی میں کمی پر مرکوزہے، حلقے کے ترقیاتی مسائل کا بھی علم ہے، جلد اسے حل کیا جائےگا:۔

خیال رہے گلگت بلتستان میں کروناوائرس کاتیسرا مریض سامنےآگیا جبکہ افغانستان میں پاکستانی سفارتخانےکے ملازم میں کرونا وائرس کی تصدیق ہوئی ، جس کے بعد پاکستان میں کرونامریضوں کی تعداد 22ہوگئی ہے:۔

ناجائزاسلحہ مہم میں کون کون پولیس کے ہتھے چڑھ گیا

رانا شعیب محمودDPOخوشاب کی ہدایت پر ناجائزاسلحہ کے خلاف چلائی جانے والی مہم کے سلسلہ میںSHOتھانہ صدر جوہرآباد کی زیرنگرانی کاروائی،ملزم محمد محمود سے اسلحہ ناجائز پسٹل30بوربرآمد جبکہSHOتھانہ جوڑاکلاں کی زیرنگرانی ملزم زوار حسین سے اسلحہ ناجائز پسٹل30بور برآمد دریں اثناء SHOتھانہ سٹی جوہرآباد کی زیرنگرانی کاروائی، ملزم حبدار حسین ہاشم سے اسلحہ ناجائز پسٹل 30بور معہ 2ضرب گولیاں برآمد اور خضر حیات سے اسلحہ ناجائز پسٹل 30 بور برآمد کرکے مقدمات درج کر لیے

وزیر اعلی کی ملاقات کے بعد (ن) لیگ بھی بہت بڑا دھچکا دینے کو تیار جانیے اس رپورٹ میں

(رپورٹ:غلام محمد کھچی)خوشاب سے صوبائی اسمبلی کے رکن ملک محمد وارث کلونے کہاہے کہ پی ٹی آئی والے (ن) لیگ میں نقب لگا کر دروازہ نہ کھولیں ورنہ انکا اپنا پھاٹک کھل جائیگا اور 5 کے بدلے 25ایم پی ایز انکی جماعت سے باہر آجائیں گے انہوں نے کہا کہ فلو ر کراسنگ کو رواج دینا غلط ہے اس سے سیاسی کلچر کو نقصان پہنچے گا وارث کلو نے کہا نشاط ڈاہا ایم پی اے میرے بھائی ہیں وہ اپنے ساتھ بھی ہیں یا نہیں یہ کسی کو معلوم نہیں جبکہ پی ٹی آئی میں بننے والا فارورڈ بلاک حقیقت ہے اور وزیر اعظم سے کھانا کھانے کے باوجود انہیں وہ جھڑکیاں ہضم نہیں ہوئیں جو انکے حصہ میں آئی ہیں ایم پی اے نے کہا کہ وہ آزاد حیثیت سے جیت کر پہلے (ق) لیگ اور پھر دوبارہ آزاد حیثیت سے جیت ر (ن) لیگ میں میں شامل ہوئے تھے لیکن اس کے بعد (ن) لیگ کے ٹکٹ پر ہی کامیاب ہوئے ہیں اور جب تک سانس چل رہی ہے (ن) لیگ کے ساتھ ہی رہوں گا 

پی ایس ایل 5دوسری ٹاپ ٹو ٹیم کونسی ہے جانئے اس رپورٹ میں

(تبصرہ:غلام محمد کھچی)پی ایس ایل 5میں اب تک 25میچ کھیلے جا چکے ہیں لیکن ٹورنامنٹ میں شریک 6میں سے 5ٹیمیں ابھی تک اگر مگر کے چکر میں ہیں کہ وہ ٹاپ فور میں پہنچ پاتی ہیں یا انکا سفر پہلے ہی تمام ہو جاتا ہے لیکن واحد ٹیم ملتان سلطانز کو یہ طرہ امتیاز حاصل ہے کہ دو میچ باقی ہونے کے باوجود وہ ٹاپ ٹو میں پہنچ چکی ہے اور یہ دونوں میچ جو اس نے پشاور زلمی اور لاہور قلندر کے ساتھ کھیلنے ہیں انکی حیثیت اس کیلئے پریکٹس میچ سے زیادہ نہیں ہے ملتان سلطانز اگر یہ دونوں میچ ہارتی ہے تو اسکی ٹاپ ون پوزیشن کو کراچی کنگز اور لاہور قلندر کی جانب سے چیلنج درپیش ہو گا کراچی کنگز اگر اپنے باقی تینوں میچ جیت جاتی ہے تو وہ 13پوائنٹس کے ساتھ سرفہرست آجائیگی لیکن اس صورت کا اطلاق بھی تب ہو گا جب ملتان سلطانز لاہور قلندراورپشاور زلمی سے بھی ہار جائے اگر ملتان سلطانز پشاورزلمی سے ہار جاتی ہے اور لاہور قلندر سے جیت جاتی ہے تو پھر بھی وہ ٹاپ ون پر ہو گی لاہور قلندر ٹاپ ون پر پہنچ سکتی ہے بشرطیکہ ملتان سلطانز، پشاور زلمی اورلاہور قلندر سے ہار جائے اور قلندر کا رن ریٹ ملتان سلطانز سے بہتر ہو

50 لاکھ گھر تو نجی شعبے نے بنانے ہیں

 

وزیراعظم عمران خان نے بیس ہزار گھروں کی تعمیر کے سات منصوبوں کا سنگ بنیاد رکھ دیا:

تقریب سے خطاب میں وزیراعظم عمران خان نے کہا کہ پارلیمنٹ میں تنقید کی گئی کہ کہاں ہیں گھر؟ کہاں ہے نیا پاکستان؟ حکومت کے پاس تو پچاس لاکھ گھر بنانے کا پیسہ نہیں تھا یہ کام تو نجی شعبے نے کرنا ہے:

انہوں نے کہا کہ پہلا قدم اٹھانا مشکل ہوتا ہے، اس کے بعد کام آسان ہوجائے گا، قانون منظور ہونے کے بعد اب فنانسنگ دستیاب ہوجائے گی:

وزیرِاعظم نے مزید کہا کہ اب بینک فنانسنگ کے لیے آگے آئیں گے، مجھے احساس ہے کہ شرحِ سود بہت زیادہ ہے، وجہ مہنگائی ہے جو اب کم ہو رہی ہے تو شرح سود بھی نیچے آئے گی:

ان کا کہنا تھا کہ تعمیرات کے کام میں جو بھی رکاوٹیں آئیں گی انہیں ایک ایک کر کے دور کریں گے: کراچی، اسلام آباد اور لاہور میں نئے پراجیکٹس شروع کرنے جارہے ہیں:

عمران خان نے یہ بھی کہا کہ سرکاری ملازم کبھی اپنی تنخواہ میں گھر نہیں بنا سکتے، فنانسنگ کے ذریعے اب وہ گھر بناسکیں گے، تنخواہ دار طبقہ بھی امید رکھے وہ بھی گھر بناسکیں گے:

انہوں نے کہا کہ ہاؤسنگ کے ذریعے 40 صنعتوں کو فروغ ملے گا، شہروں کے بیچ میں کچی آبادیاں ہیں، سیوریج کا کوئی سسٹم نہیں ہے، شہروں کے اردگرد گرین ایریا بنانے کی منصوبہ بندی کریں گے:

وزیراعظم نے کہا کہ کراچی کنکریٹ کا جنگل بن گیا، اسلام آباد مری تک پھیل گیا، شہر پھیلنے سے ملک کا گرین ایریا ختم ہوا، آلودگی بڑھی، آگے فوڈ سیکیورٹی کا بڑا ایشو آنے والا ہے:

ان کا کہنا تھا کہ اب تک ملک میں 160 پناہ گاہیں بن چکی ہیں، بلیو ایریا اسلام آباد میں اربوں روپے کا کمرشل پراجیکٹ لا رہے ہیں:

عمران خان نے مزید کہا کہ ہیلتھ کارڈ نے پی ٹی آئی کو پختونخوا میں دوبارہ ووٹ دلانے میں اہم کردار ادا کیا،حکومت کے لیے اب اصل چیلنج سرکاری اسکولوں کے نظام کو ٹھیک کرنا ہے، اگلے سال تک اسکولوں میں یکساں نصاب کا نظام لے کر آرہے ہیں

ن لیگی ارکان اسمبلی کی وزیراعلیٰ سے ملاقات کی اندونی کہانی منظر عام

ن لیگ کے ناراض ارکان صوبائی اسمبلی آئندہ الیکشن تحریک انصاف کے ٹکٹ پر لڑنے کو تیار۔۔ وزیراعلیٰ پنجاب کو 

آئندہ الیکشن پی ٹی آئی کے ٹکٹ پر لڑنے کی یقین دہانی کرادی

ناراض ارکان نے وزیراعلیٰ پنجاب کو یقین دہانی کرائی ہے کہ اگرن لیگ کی طرف سے زیادہ دباؤ بڑھا یا کوئی ایکشن لیا گیا 

تو استعفیٰ کے لیے بھی تیار ہیں اور ضمنی الیکشن تحریک انصاف کے ٹکٹ پر لڑیں گے۔

ناراض ارکان کا کہنا ہے کہ اب مسلم لیگ ن کے ساتھ نہیں چلیں گے، مسلم لیگ (ن) کو کسی ووٹنگ میں ان ارکان کا ووٹ نہیں ملے گا ۔

دوسری جانب ذرائع نے یہ دعویٰ بھی کیا کہ مسلم لیگ ن کے مزید ارکان وزیراعلیٰ پنجاب سے رابطے میں ہیں۔

واضح رہے کہ مسلم لیگ ن کے 6 اراکین صوبائی اسمبلی نے وزیراعلیٰ پنجاب عثمان بزدار سے ملاقات کی تھی جس پرن لیگ نے اپنے اراکین اسمبلی کے خلاف کارروائی کا فیصلہ کیا ہے۔

یاد رہے گذشتہ دن وزیراعلیٰ پنجاب عثمان بزدار نے اپوزیشن جماعت مسلم لیگ (ن) اور پیپلز پارٹی کے اراکین پنجاب اسمبلی سے ملاقات کی ہے۔

ن لیگ اور پی پی کے جن ارکان نے وزیراعلیٰ پنجاب سے ملاقات کی ان میں نشاط احمد ڈاہا، محمد غیاث الدین، چوہدری اشرف علی، محمد فیصل خان نیازی، غضنفر علی خان، محمد ارشد، اظہر عباس اور یونس علی انصاری شامل تھے۔

ذرائع کے مطابق اراکین اسمبلی نے اس موقع پر وزیراعظم عمران خان اور وزیراعلیٰ عثمان بزدار کی قیادت پر مکمل اعتماد کا اظہار کیا۔