ڈی سی اونے اہلکاروں کی کر دی چھٹیاں منسوخ

ڈسٹرکٹ کوآرڈینیشن آفیسر خوشاب کنزہ مرتضی نے کہا ہے کہ ضلعی حکومت خوشاب نے حالیہ بارشوں اور ممکنہ سیلاب کے حوالہ سے اپنی منصوبہ بندی مکمل کرلی ہے تمام متعلقہ محکموں کو ہائی الرٹ رہنے کی ہدایت کردی گئی ہے اور ایسے تمام محکمے جوکہ ممکنہ سیلاب کے حوالہ سے فیلڈ میں ہونگے ان کے افسران اور اہلکار ہر وقت حاضر رہیں اور تمام محکموں کے اہلکاروں کی چھٹیاں منسوخ کردی جائیں وہ ڈی سی او آفس میں ممکنہ سیلاب کے حوالہ سے ایک اجلاس کی صدارت کررہی تھیں اجلاس میں آدھیکوٹ میں چشمہ جہلم کینال سے رسنے والے پانی اور اس کی تباہ کاریوں پر ڈی سی او نے ہدایت کی کہ آدھی کوٹ و ملحقہ علاقوں میں محکمہ ڈرینج فوری طور پر اپنے بند ٹیوب ویل چلائے اور علاقہ سے پانی کی نکاسی کے انتظامات کیے جائیں انہوں نے سندرال میں کھڑے بارشی پانی کی متبادل راستے سے نکاسی کو یقینی بنانے کے احکامات بھی جاری کیے بعدازاں ڈسٹرکٹ شوگر سیس کمیٹی کے اجلاس کی صدارت کرتے ہوئے انہوں نے کہاکہ ضلع خوشاب کے پاس اس وقت شوگر سیس فنڈز کی مد میں ایک کروڑ 30لاکھ روپے موجود ہیں جن سے نئی شوگر سیس روڈز کی تعمیر کے علاوہ زیر تعمیر منصوبوں اور شوگر سیس روڈ کی مرمت پر خرچ کیا جائیگا اجلاس میں ایم پی اے ملک جاوید اعوان ‘ ایم پی اے ملک کرم الہی بندیال ‘ نمائندہ ایم این اے ملک شا کر بشیر اعوان ملک اشرف کے علاوہ دیگر محکموں کے افسران موجودتھے 

ملز ڈی سیل :مگر تنخواہیں نہیں ایسا کیو ں

ضلعی حکومت خوشاب کی طرف سے مقامی ٹیکسٹائل ملز کو سیل کرنے ملزم انتظامیہ کی طرف سے ورکروں کو تنخواہیں دینے کے وعدے پر ملز کو ڈی سیل کیے جانے کے باوجود سینکڑوں ورکر تنخواہوں کی عدم ادائیگی کا رونا روتے ہوئے پھر ملز کے سامنے اکٹھے ہوگئے اور دھرنا دیدیا اور واجبات اور کئی ماہ کی تنخواہیں نہ ملنے پر شدید احتجاج کیا ورکروں نے ملز انتظامیہ کیخلاف شدید نعرے بازی کی اس موقع پر ایک ورکر اﷲ دتہ ‘ غلام حسین ‘ محمد شبیر ‘ احمد خان ‘ نور دین ‘ محمد علی نے کہاکہ ملز انتظامیہ ورکروں کو خودکشی پر مجبور کررہی ہے اس وقت عملی طور پر ملز ورکر کے گھروں کے چولہے ٹھنڈے ہوچکے ہیں اور ورکر اپنے گھر والوں کو روٹی کھلانے سے بھی عاجز ہیں ورکروں نے تمام دن ملزم کے گیٹ کے سامنے دھرنا دیا لیکن ملز انتظامیہ کی طرف سے کوئی پیش رفت نہ ہوئی اور ورکر شدید پریشانی کے عالم میں شدید گرمی کے موسم میں احتجاج کرتے رہے یادرہے کہ ایک ماہ قبل ضلعی حکومت خوشاب کی جانب سے ورکروں کے احتجاج کے بعد مقامی ملز کو سیل کردیا گیا تھا اور ملزانتظامیہ نے محکمہ لیبر سے وعدہ کیا تھا کہ وہ مزدوروں کے واجبات ادا کردینگے لیکن ملز کو بھی ڈی سیل کردیا گیا لیکن مزدور اب بھی سڑکوں پر مارے مارے پھر رہے ہیں ملز ورکروں کاکوئی پرسان حال نہیں بعدازاں ملز ورکروں نے تنخواہوں کی عدم ادائیگی پر ڈی سی او آفس میں بھی دھرنا دیا تا لیکن حالات جوں کے توں ہیں ۔ 

خوشاب کا جنگلی حیات پارک پر کتنا فنڈ لگے گا

صوبائی وزیر جنگلات ملک محمد آصف بھا نے اخباری نمائندوں سے گفتگو میں کہاہے کہ جوہرآباد جنگلی حیات پارک 26کروڑ 85لاکھ 86ہزار روپے کی لاگت سے رواں مالی سال میں مکمل ہو جائے گا یہ ملک بھر میں اپنی نوعیت کا منفرد پارک ہو گا جس میں نایاب جنگلی حیات کی حفاظت کی جائے گی تا کہ انکی نسلیں محدوم نہ ہوں صوبائی وزیر نے بتایا کہ اس مقصد کیلئے کمیونٹی آرگنائزیشن کو پورے پنجاب میں منظم کیا جائے گا تا کہ انکی مدد سے پرائیویٹ مقامات پر بھی جنگلی حیات تحفظ مراکز بنائے جا سکیں 

ضلع خوشاب میں کس جگہ غیر ملکیوں کو ٹھہرنے کی اجازت نہیں

صوبائی اسمبلی کے رکن ملک جاوید اعوان نے اخباری نمائندو ں سے گفتگو میں کہاہے کہ حکومت وادی سون کو سیاحتی مرکز میں تبدیل کرنے کیلئے بھرپور کاوشیں کررہی ہے تا کہ زیادہ سے زیادہ لوگ مستفید ہو سکیں انہوں نے کہا کہ پالیسی کے تحت یہاں کسی بھی غیر ملکی سیاح کو ٹھہرنے کی اجازت نہیں ہو گی جاوید اعوان نے بتایا کہ رواں مالی سال میں 19کروڑ اٹھارہ لاکھ 57ہزار روپے کی لاگت سے کھبیکھی اور اوچھالی جھیلوں میں ترقیاتی کام مکمل ہو جائیں گے جن کے بعد یہاں آنے والے لوگ بھرپور لطف اندوز ہو سکیں گے ایم پی اے نے بتایا عید الفطر کے موقع پر یہاں ملک بھر کے دور دراز علاقوں سے بھی لوگ تفریح کیلئے آئے جس سے وادی کی کشش کا اندازہ لگایا جا سکتا ہے 

ضلع خوشاب میں گرینڈ آپریشن:متعدد کلینک سیل

؂ڈی سی او خوشاب کنزہ مرتضی کی ہدایت پر ڈسٹرکٹ ہیلتھ آفیسر ڈاکٹرآصف محمود قاضی اور ڈرگ انسپکٹر چوہدری فاروق نے خوشاب ،شوالہ ،ناڑی ،منگوال اور کٹھہ میں عطائیت کے خلاف مہم کے سلسلہ میں چھاپے مارے اور عطائی ڈاکٹروں کے گیارہ کلینک سیل کر دئیے اس موقع پر ڈاکٹرآصف محمود قاضی نے صحافیوں سے گفتگو میں کہا کہ عطائی ڈاکٹر اپنے مفاد میں اپنے کلینک بند کریں اور انسانی جانوں سے مت کھلیں بصورت دیگر سخت تادیبی کاروائی کا سامنا کرنے کو تیار رہیں :ڈپٹی ڈی ایچ او ڈاکٹر راؤ گلزار نے قائدآباد میں اعوان میڈیکل سٹور کو غیر ملکی ادوایات رکھنے اور عطائی ڈاکٹر شیر گنجیال کا کلینک عطائیت کی بنیاد پر سیل کر دیا انہوں نے اس موقع پر اخباری نمائندوں سے گفتگو میں کہا کہ اگر تحصیل قائدآباد میں میڈیکل شعبہ میں اس طرح کی بے ضابط گیاں ختم نہ کی گئیں تو انکا ارتکاب کرنے والوں کے خلاف سخت کاروائی جاری رہے گی 

قاتلانہ حملہ کرنے والوں میں ایک ملزم موقع پر پکڑا گیا بیان کی ویڈیو منظر عام پر

صحافی پر قاتلانہ حملہ کیسے ہوا سب سامنے آ گیا

گذشتہ شب خوشاب کے رہائشی بزرگ صحافی کوزدوکوب کرنے اور اس کی دونوں ٹانگیں توڑنے کے بعد تحصیل ہیڈکوارٹر ہسپتال سے صحافی طالب حسین بھٹی کو ڈسٹرکٹ ہیڈکوارٹر ہسپتال منتقل کردیا گیا ہے جہاں پر زیر علاج ہے تفصیلات کے مطابق طالب بھٹی اپنے گھر کی نزدیکی مسجدمیں نماز کی ادائیگی کے بعد واپس جارہا تھا کہ طالب بھٹی کے بقول ان پر چار افراد خاور،بابر،امجد اور لیاقت نے قتل کرنے کی نیت سے حملہ کیاڈنڈے مار کر اس کی دونوں ٹانگیں توڑ دیں جسے فوری طور پر ریسکیو 1122کے ذریعے ٹی ایچ کیو خوشاب اور بعدازاں وہاں سے ڈی ایچ کیو جوہرآباد منتقل کردیا گیا وہ اسطرح انکا آزادی رائے کا حق چھیننا چاہتے ہیں پولیس نے طالب بھٹی کا بیان درج کر لیا ہے تاہم وہ مقدمہ کے اندراج کیلئے میڈیکل رپورٹس کا انتظار کررہی ہے