Abrar Rana's Blog: سراج الحق نے خواتین کے عالمی دن پر بہنوں کو جائیدا...

Abrar Rana's Blog: سراج الحق نے خواتین کے عالمی دن پر بہنوں کو جائیدا...: سراج الحق نے خواتین کے عالمی دن پر بہنوں کو جائیداد میں سے حصہ نہ دینے والوں کے خلاف اہم اعلان کر دیا تفصیلات کے مطابق امیر جماعت اسل...

سراج الحق نے خواتین کے عالمی دن پر بہنوں کو جائیداد میں سے حصہ نہ دینے والوں کے خلاف اہم اعلان کر دیا

سراج الحق نے خواتین کے عالمی دن پر بہنوں کو جائیداد میں سے حصہ نہ دینے والوں کے خلاف اہم اعلان کر دیا

تفصیلات کے مطابق امیر جماعت اسلامی سینیٹر سراج الحق نے حیا مارچ کے شرکاء سے

خواتین کے عالمی دن پر خطاب کرتے ہوئے کہا کہ میں آج یہ واضح کردینا چاہتا ہوں کہ آئندہ آنے والے الیکشن میں میں باحثیت امیر جماعت اسلامی کسی ایسے شخص کو جماعت اسلامی کا ٹکٹ نہیں دونگا جو اپنی بہن کو جائیداد میں سے حصہ نہیں دے گا سراج الحق کا شرکاء سے گفتگو میں مزید کہنا تھا کہ اس نیکی کا آغاز میں اپنی جماعت یعنی کہ جماعت اسلامی سے خود کروں گا۔ انہوں نے کہا کہ مہر کا حق یا تعلیم کا حق  نہیں ملتا ہے جبکہ پاکستان میں بچیوں کے لیے تعلیم حاصل کرنا بہت ہی مشکل کام ہے جبکہ آج میرا حکومت سے مطالبہ ہے کہ بچیوں کے لیے ہر جگہ تعلیم کے لیے ایک الگ سے یونیورسٹی بنائی جائے یاد رہے کہ 8 مارچ کو دنیا بھر میں عالمی یوم خواتین منایا جاتا ہے تاکہ عورتوں کو ان کی خدمات کے لئے خراج تحسین پیش کیا جاسکے۔ جبکہ جماعت اسلامی کی طرف سے 8 مارچ کو حیا مارچ "میرا جسم میری مرضی” کے خلاف منانے کا فیصلہ کیا گیا تھا

دُلہنیاکا 100کلووزنی لہنگا،سوشل میڈیاٹرول بن گیا

سوشل میڈیا پرجہاں نوعمرجوڑے کی شادی کاچرچاابھی تک جاری ہے تووہیں پاکستانی دلہن کےعروسی لباس پر ایک  نئی بحث چِھڑ  گئی ہے ۔

حال ہی میں سوشل میڈیاپرایک پاکستانی دُلہن کےعروسی لباس نےشرکا ٔاورصارفین دونوں کی توجہ اپنی طرف کھینچ لی، کیونکہ دُلہن نےعام دلہنوں کےمقابلےمیں غیرمعمولی طورپربڑااور 100 کلوگرام وزنی لہنگازیب تن کیا۔

دُلہن کے 100 کلو کے لہنگے کو لے کر سوشل میڈیا صارفین کی جانب سے ملےجلےاندازمیں تنقید کی جارہی ہے۔

ایک صارف نےلکھاکہ اتنا بڑا لہنگا گاڑی میں کیسے پورا آئے گا؟

ضلع خوشاب کی 83سکیموں کیلئے تین ارب 13کروڑ 86لاکھ 29ہزار روپے کی رقم مختص مزید تفصیلات کیلئے

حکومت پنجاب نے اپنے نئے سالانہ ترقیاتی پروگرام2019-20 میں ضلع خوشاب کی 83سکیموں کیلئے تین ارب 13کروڑ 86لاکھ 29ہزار روپے کی رقم مختص کی ہے زیادہ تر سکیمیں جاری ہیں جبکہ کچھ نہیں سکیمیں بھی متعارف کرائی گئی ہیں یونیورسٹی آف خوشاب اور مہاڑ موٹر وے لنک روڈکی سکیمیں جو گذشتہ مالی سال میں وفاقی بجٹ میں شامل تھیں انہیں نہ صرف وفاقی بجٹ میں نظر انداز کر دیا گیا ہے بلکہ وہ صوبائی ترقیاتی پروگرام کا بھی حصہ نہیں بن سکیں ضلع خوشاب کیلئے نئی اہم سکیموں میں کھٹوائی نوشہرہ روڈ اور جوہرآباد تا چوک گروٹ کے منصوبے شامل ہیں مہاڑ موٹر وے اور یونیورسٹی آف خوشاب کے منصوبے نظر انداز ہونے پر پی ٹی آئی کو شدید تنقید کا سامنا کرنا پڑ رہا ہے جبکہ دو اہم سڑکوں کی اپ گریڈیشن پر اسکی تعریف کی جا رہی ہے ضلع خوشاب کی سکیموں اور ان کیلئے مختص فنڈز کی تفصیل یہ ہے ایڈیشنل کلاس روم تحصیل خوشاب 34لاکھ44ہزار روپے،گورنمنٹ گرلز ڈگری کالج روڈہ تحصیل خوشاب 8کروڑ 30لاکھ 18ہزار روپے،گورنمنٹ گرلز ڈگری کالج 47ایم بی 2لاکھ 83ہزار روپے،گورنمنٹ بوائز ڈگری کالج 47ایم بی 2لاکھ 83ہزار روپے،گورنمنٹ گرلز ڈگر کالج کٹھہ سگھرال 70لاکھ 33ہزار روپے،ملٹی پرپز ہال گورنمنٹ وویمن کالج خوشاب2کروڑ 40لاکھ روپے،سپیشل ایجوکیشن خوشاب 10لاکھ 49ہزار روپے،کرکٹ گراؤنڈ نورپورتھل 2کروڑ 29لاکھ 80ہزار روپے،فٹ بال گراؤنڈ قائدآباد 58لاکھ 35ہزار روپے،سپورٹس کمپلکس انڈرور گیمز جوہرآباد ایک ہزار روپے،ایوب بھا ہاکی سٹیڈیم خوشاب51لاکھ 9ہزار روپے،توسیع رورل واٹر سپلائی سکیم ملوال ایک کروڑ 9لاکھ 20ہزار روپے،تنصیب ہینڈ پمپ سو عدد مہاڑ ایریا خوشاب ایک کروڑ 75لاکھ 9ہزار روپے،توسیع واٹر سپلائی سکیم کورڈھی ایک کروڑ 57لاکھ 25ہزار روپے،واٹر سپلائی سکیم فتح پر میرا 52لاکھ 5ہزار روپے،واٹر سپلائی سکیم وڑچھہ ایک کروڑ 25لاکھ 1ہزار روپے،واٹر سپلائی سکیم کفری 51لاکھ 73ہزار روپے،واٹر سپلائی سکیم رحمن کالونی ہڈالی ایک کروڑ 25لاکھ روپے،سیوریج سکیم روڈہ15لاکھ روپے،ڈرینج سسٹم میونسپل کمیٹی مٹھہ ٹوانہ 10لاکھ روپے،ڈرینج سسٹم قائد آباد 10لاکھ روپے،ڈرینج سسٹم اوکھلی موہلہ 60لاکھ 21ہزار روپے،ڈرینج سکیم رحمن کالونی ہڈالی 10لاکھ روپے،پی سی سی سلیپ ڈیرہ جات اتراء10لاکھ روپے،پی سی سی سلیپ ڈیرہ جات گنجیال 10لاکھ روپے،پی سی سی سلیپ 14ایم بی قائدآباد 10لاکھ روپے،سیوریج سکیم مٹھہ ٹوانہ 20لاکھ روپے،سیوریج سسٹم پی سی سی سلیپ روڈہ 25لاکھ روپے،سیوریج سکیم زمان کالونی ہڈالی10لاکھ روپے،تنصیب 300ہینڈ پمپ نوشہرہ ایک کروڑ 81لاکھ 27ہزار روپے،واٹر سپلائی سکیم جھونگے والا کھبیکی71لاکھ 33ہزار روپے،واٹر سپلائی سکیم کلیارکھوڑہ 75لاکھ روپے،واٹر سپلائی سکیم زمان کالونی ہڈالی ایک کروڑ 5لاکھ ایک ہزار روپے،واٹر سپلائی سکیم کھوڑہ 99لاکھ 47ہزار روپے،فراہمی و نکاسی آب خوشاب شہر ایک کروڑ 38لاکھ 51ہزار روپے،فراہمی و نکاسی آب جوہرآباد شہر ایک کروڑ 50لاکھ روپے،تبدیلی اولڈ واٹر سپلائی لائن جوہرآباد ایک کروڑروپے،تبدیلی اولڈ پائپ لائن خوشاب شہر ایک کروڑ روپے،واٹر سپلائی سکیم کٹھہ سگھرال ایک کروڑ روپے،واٹر سپلائی سکیم مہوڑیاں ایک کروڑ روپے،واٹر سپلائی سکیم جھگیاں ایک کروڑروپے،تعمیر سڑک سوڈھی موڑ تا سوڈھی کلیال بلخ دو کروڑ روپے،تعمیر منڈی مویشیاں خوشاب10لاکھ روپے،خوشاب براستہ سندرال احمد آباد موٹر وے انٹر چینج80لاکھ روپے،خوشاب نوشہرہ روڈ براستہ کھوڑہ 70لاکھ روپے،تعمیر پل ڈھوریاں مہاجر کینال قائدآباد10لاکھ روپے،چیف منسٹر سپیشل ڈویلپمنٹ پیکج 10لاکھ روپے،ڈیرہ جات ناڑا  روڈایک کروڑ 26لاکھ 74ہزار روپے،تعمیر سڑکات جوہرآباد سٹی پیکج30لاکھ روپے،تعمیر سڑک نواں سگو تا جھرکل 30لاکھ روپے،تعمیر سڑک کنڈ تا چھپڑ شریف 10لاکھ روپے،تعمیر سڑک کنڈ ھیرو تا پائینر سیمنٹ10لاکھ روپے،تعمیر سڑک پل نہر مہاجر برانچ تا ڈیرہ غلام محمد نمبر دار20لاکھ روپے،تعمیر سڑک فاضل کالونی تا ڈی پی ایس جوہرآباد 20لاکھ روپے،تعمیر سڑک نورپورتھل تا جھنگ روڈ 90لاکھ روپے،تعمیر سڑک کھٹوائی تا نوشہرہ 35کروڑ 54لاکھ 91ہزار روپے،تعمیر سڑک مٹھہ ٹوانہ جبی روڈ30لاکھ روپے،تعمیر سڑک جمالی تا کھاٹواں 30لاکھ روپے،تعمیر سڑک ریلوے پھاٹک ہڈالی تا ڈیرہ بالی ایک کروڑ 49لاکھ 93ہزار روپے،تعمیر سڑک گوگو چکی تا بھان جوڑا جاگیر 75لاکھ روپے،تعمیر سڑک اوکھلی موہلہ تا پل کامرہ 87لاکھ 50ہزار روپے،دو روہرہ سڑک جوہرآباد تا چوک گروٹ 8کروڑ 90لاکھ روپے،دیہات سے شہروں تک رسائی پروگرام 4کروڑ 25لاکھ روپے،حصول اراضی جلال پور آبپاشی پراجیکٹ32کروڑ 98لاکھ روپے،بقیہ حصول اراضی گریٹر تھل پراجیکٹ پروگرام…

عمران خان نے دورہ خوشاب میں کس شخص سے دو مرتبہ مصافحہ کیا اور کیوں جانیے اس رپورٹ میں

1:عمران خان کاسفید رنگ کا ہیلی کاپٹر 2:15پر ضلع خوشاب کی فضا میں داخل ہوا وہ دس منٹ تک جوہرآباد شہر کے اوپر چکر کاٹتا رہا اور دو بجکر 2:28منٹ پر ڈسٹرکٹ ہیڈ کوارٹرز ہسپتال کے گراؤنڈ میں اتر گیا جسے پہلے ہی ہیلی پیڈ بنا دیا گیا تھا
2:وزیر اعظم کے اس دورہ کی کسی کو کانوں کان خبر نہیں ہونے دی گئی اور میڈیا،سماجی شخصیات سمیت پی ٹی آئی کے عہدیداروں کو بھی عمران خان سے ملنے کا موقع نہیں دیا گیا
3:عمران خان تقریبا پندرہ منٹ ہسپتال میں رہے اور انہوں نے مختلف وارڈز میں مریضوں کی عیادت کی
4:ایم ایس ڈاکٹر آصف محمود قاضی نے اس موقع پر وزیر اعظم کو چلتے چلتے ہسپتال کے بارے میں مختصر بریفنگ دی انہوں نے وزیر اعظم کے استفسار پر بتایا کہ ہسپتال 125بستروں مشتمل ہے جن میں سے 24بیڈز ایمرجنسی کیلئے مخصوص ہیں انہوں نے بتایا کہ ہسپتال کی توسیع کا کیس زیر غور ہے تاہم وزیر اعظم نے اس پر کوئی کمنٹس نہیں دیئے
5:ڈپٹی کمشنر ارشد منظور،ایم این اے عمر اسلم اعوان،ایم این اے جویریہ آہیراور ایم پی اے ساجدہ آہیر پی ٹی آئی کے ضلعی سیکرٹری اطلاعات رئیس ممتاز چاچڑ اس موقع پر پہنچ گئے
6:ہسپتال میں وزیر اعظم عمران خان کا استقبال اتفاق سے مسلم لیگ(ن) 46ایم بی کے سابق کونسلر محمد مقبول نے پرجوش انداز میں کیا انکے بھائی محمد شکور کا تعلق پی ٹی آئی گل اصغر بگھور گروپ سے ہے اور دنوں بھائیوں کا اپنے چک میں مقابلہ رہتا ہے جس میں محمد مقبول کو بالا دستی بھی رہتی ہے
7:وزیر اعظم نے تین مریضوں کی عیادت کی ان میں 118 سالہ ایک بزرگ بھی شامل ہیں جس کا نام محمد حیات ہے اور خؤشاب کا رہائشی ہے عیادت کے دوران انہیں پتہ چلا کہ وہ118 سالہ شخص کی عیادت کررہے ہیں تو عمران خان اس بزرگ سے دو مرتبہ مصافحہ کیا

8:عمران خان خصوصی طور پر گائنی وارڈ گئے اور پی ٹی آئی کے سینئر نائب صدر ضلع خوشاب اکرام اللہ خان کوبیٹے کی پیدائش پر مبارکباد دی اکرام اللہ خان نے فوری طور پر اپنے بیٹے کا نام عمران خان رکھ دیا
9:کسی عوامی نمائندہ نے وزیر اعظم کے دو

رہ خوشاب کے موقع پر کوئی عوامی مطالبہ وزیر اعظم گوش گزار نہیں کیا 

ضلع کونسل ختم تحصیل کونسلیں قائم :تفصیلات اس رپورٹ میں پڑھیں

پنجاب لوکل گورنمنٹ ایکٹ 2019کے مکمل نفاذ کے بعد ضلع خوشاب میں میونسپل کمیٹی نورپورتھل آبادی 19843قائدآباد آبادی 21391اور نوشہرہ آبادی 13852پچیس ہزار سے کم آبادی ہونے کی وجہ سے تحلیل ہو جائیں گی تاہم تحصیل خوشاب کی مٹھہ ٹوانہ آبادی 33479ہڈالی آبادی 53627جوہرآبادآبادی 91254خوشاب آبادی 119384میونسپل کمیٹیاں قائم رہیں گی ان میونسپلٹیوں کی آبادی خارج ہونے کے بعد تحصیل کونسل خوشاب 391998دیہی آبادی پر مشتمل بنے گی تحصیل کونسل نوشہرہ 117942تحصیل کونسل قائدآباد 230320اور تحصیل کونسل نورپورتھل  243295 آبادی پر معرض وجود میں آئیں گی خوشاب، جوہرآباد ،ہڈالی ،مٹھہ ٹوانہ میونسپلٹیوں میں منتخب نمائندو ں کی تعداد 16،16 ہونگی جن میں سے ایک چیئرمین ایک کنوینیئر دس جنرل کونسلر ایک اقلیت دو خواتین اور ایک ورکر کونسلر ہو گا جبکہ خوشاب ،نورپورتھل ،قائدآباد 23 ،23 نمائندگان پر مشتمل ہونگی جن میں ایک چیئرمین ،ایک کنوینیئر،15 جنرل کونسلر ایک اقلیت تین خواتین اور دو ورکر کونسلر شامل ہونگے نوشہرہ تحصیل کونسل کے منتخب نمائندگان کی تعداد 16 ہوگی جن میں ایک چیئرمین ایک کنونیئر 10 جنرل کونسلر ایک اقلیت دو خواتین ایک ورکر کونسلر ہونگے ضلع خوشاب میں مجموعی طور پر 149 بلدیاتی نمائندگان جماعتی بنیاد پر منتخب ہونگے جن میں سے 64 شہری اور 85 دیہی نمائندگان شامل ہونگے جماعتوں کے علاوہ تمام نشستوں پر آزاد گروپ کی صورت میں بھی امیدوار پینل کی صورت میں سامنے آ سکتے ہیں دیہات میں ویلیج اور شہروں میں نیبر ہڈ یعنی محلہ کونسلیں انکے علاوہ ہونگی جن کا انتخاب غیر جماعتی بنیادپر ہوگا

دریں اثناء صوبہ بھر سمیت خوشاب میں بھی ضلع کونسل ختم ہو جائیگی 

پنجائیت ایکٹ 2019 کے نفاذ کے بعد ضلع خوشاب کے ہر موضع میں الگ ویلج کونسل جبکہ شہروں میں نیبر ہڈ کونسل قائم ہونگی 15تا 25 ہزار تک آبادی رکھنے والے موضع میں پانچ جنرل کونسلر ایک اقلیت اور ایک خاتون کونسلر ،8 سے 15 ہزار آبادی تک چار جنرل کونسلر ایک خاتون اور ایک اقلیت ،2 سے 8 ہزار آبادی تک تین جنرل کونسلر ایک خاتون اور ایک اقلیت ،1 سے 2 ہزار تک آبادی کیلئے دو جنرل کونسلر ایک خاتو ن اور ایک اقلیت کا انتخاب ہو گا سب سے زیادہ ووٹ لینے والا چیئرمین چنا جائیگا ان کونسلوں کیلئے انتخاب غیر جماعتی بنیاد پر ہونگے

میونسپل کمیٹی خوشاب کے مفلوج ہونے کی وجہ آپ بھی جانیں

وزیر اعلی پنجاب عثمان بزدار نے فراہمی ونکاسی آب سکیم خوشاب شہر کے معاملہ کی تحقیقات کا حکم دے دیا ہے اس سکیم پر مجموعی طور پر 98کروڑ روپے لاگت آنا بتایا جاتا ہے اس سکیم کے تحت دریاے جہلم پر ٹیوب ویلوں کی تنصیب کرکے خوشاب شہر کو پانی فراہم کیا جانا مقصود تھا اور ٹارگٹ یہ تھا کہ آئندہ پچاس سال کی شہری ضروریات یہ سکیم پورا کرے گی ابتدائی طو رپر اس وقت کے تحصیل ناظم ملک غلام رسول سنگھا اعوان نے 2008میں اس سکیم کاپیپر ورک مکمل کیا تاہم یہ انکے دور میں شروع نہ ہو سکی اور صوبائی اسمبلی کے سابق رکن بعد میں سابق صوبائی وزیر ملک آصف بھا کی زیر نگرانی اسکا کام شروع ہوا لیکن انکی نگرانی محض سیاسی امور تک محدود تھی عملی طور پر محکمہ پبلک ہیلتھ کے حکام ہی اس کے ذمہ دار تھے پانچ سال میں اس سکیم نے مکمل ہونا تھا جس پر دس سال لگا دیئے گئے ابتدا ہی میں اس سکیم میں ناقص میٹریل کی شکایات سامنے آئیں وزیر اعلی انسپکشن ٹیم ،انٹی کرپشن اور دیگر سطحوں پر اس کی تحقیقات ہوئیں کون اسکا ذمہ دار ٹھہرا یہ بات ابھی تک فائلوں سے باہر نہیں آ سکی اب وزیر اعلی کے دورہ پر یہ بات پھر ابھر کر سامنے آئی ہے تو نئے سرے سے وزیر اعلی انسپکشن ٹیم کے ذریعہ تحقیقات کا اندیہ دیا گیا ہے اس تحقیقات میں کون قصور وار ثابت ہوتا ہے یہ تو نتیجہ سامنے آنے کے بعد پتہ چلے گا لیکن خوشاب شہر کو پانی کی کمی کا جو مسئلہ درپیش ہے اس کی دو وجوہات ہیں میونسپل کمیٹی خوشاب فراہمی آب سکیم کے بجلی کے بل دینے سے قاصر ہے اور اسی طرح وہ محکمہ انہار کو بھی آبیانہ نہیں دے سکتے جس کی وجہ سے اسکی بجلی اور پانی بند ہوتا رہتا ہے اب وزیر اعلی نے بجلی کے بلوں کی ادائیگی کا وعدہ کیا ہے اگر ان بلو ں کی ادائیگی کا کوئی باقاعدہ نظام بن جائے تو پھر پانی کی کمی کا 70فیصد مسئلہ حل ہو جائیگا اس طرح محکمہ آبپاشی جس نے اس وقت بھی شہر کا پانی بند کر رکھا ہے اسے بھی اس کے واجبات ادا کر دیئے جائیں اور مستقبل کا لائحہ عمل تیار ہو جائے تو پانی کا مسئلہ سو فیصد حل ہو جائیگا اس وقت خوشاب شہر میں پانی کی مد میں میونسپل کمیٹی خوشاب کے کروڑوں روپے واجب الادا ہیں لیکن کمیٹی مختلف وجوہات کی بنا ء پر یہ پیسے وصول کرنے سے عاری نظر آتی ہے اب ضلعی انتظامیہ نے بلو ں کی وصولی کا مسئلہ کونسلروں کے سپرد کر دیا ہے جنہوں نے میونسپل کمیٹی کے دفتر آنا ہی چھوڑ دیا ہے اور عملی طور پر میونسپل کمیٹی خوشاب مفلوج پڑی ہے 

کیونکہ دریائے جہلم کے کنارے 30,30ہارس پاور کے 24ٹیوب ویل لگائے گئے ہیں جبکہ دو سٹوریج ٹینک بنائے گئے ہیں ان پر بھی 100,100ہارس پاور کی 2موٹریں لگی ہوئی ہیں اس طرح بجلی کا ماہانہ بل پچیس لاکھ روپے کے قریب آتاہے جسے میونسپل کمیٹی خوشاب اپنے موجودہ محدود وسائل کی بنا پر پورا نہیں کر سکتی اس لیے ضرورت اس امر کی ہے کہ حکومت پنجاب اس سلسلہ میں میونسپل کمیٹی خوشاب کو اضافی گرانٹ دے یا بکر منڈی کا نظم ونسق دوبارہ میونسپل کمیٹی خوشاب کے سپرد کر دیا جائے تا کہ وہ لوگوں کے مسائل آسانی سے حل کر سکے اور خوشاب کا شمار حسب سابق پنجاب کے امیر شہروں میں ہونے لگے