بلاک نمبر 4جوہرآباد کے رہائشی سڑکوں پر موجود سیوریج کے پانی اور چار بلاک کی مین گلیوں میں صفائی کی ابتر حالت پر سراپا احتجاج ہوگئے مردوخواتین نے سیوریج کا پانی سڑکوں پر چھوڑے جانے اوراس کی نکاسی نہ کرنے پر شدید احتجاج کیا احتجاج کرنیوالوں میں محمد اقبال ‘ فیروز ‘ فیض ‘ قاسم ‘ غلام مرتضی ‘ محمد یوسف کے ہمراہ خواتین اور بچے بھی تھے چار بلاک کی مرکزی گلی میں اس وقت متعدد مقامات پر سیوریج کا پانی کھڑا ہے اور سڑک مکمل طور پر ناقابل استعمال ہوچکی ہے شہریوں کو گھروں کے سامنے بنائے گئے راستوں سے گزرنا پڑتا ہے گلی میں موٹر سائیکل ‘ سائیکل یا کار کا گزرنا محال ہوگیا ہے اس تمام تر صورتحال میں علاقہ مکین صاف لباس کے ساتھ مسجدتک پہنچنے سے بھی قاصر ہیں علاقہ مکینوں نے ڈی سی او سے مطالبہ کیا ہے کہ ٹی ایم اے کے افسران کو فوری طور پر بلاک نمبر 4کے سیوریج کے مسائل حل کرنے کی ہدایت کی جائے سی او ٹی ایم اے جوہرآباد یونٹ مخدوم جاوید نے کہاہے کہ یہ مسئلہ حل کرنے کی پوری کوشش کی جائے گی
No comments:
Post a Comment