خوشاب میں ایسی شادی جس میں دولہا کے استقبال پولیس نے کیا

 محمد نوید ڈسٹرکٹ پولیس آفیسر خوشاب کی ڈی ایس پی مٹھہ ٹوانہ،ایس ایچ او مٹھہ ٹوانہ،ویلفئیر انچارج اور دیگر پولیس افسران کے ہمراہ شہید ہیڈ کنسٹیبل فیاض احمد کی اکلوتی بیٹی کی شادی میں شرکت۔ اس موقع پر ڈی پی او خوشاب نے بارات کا استقبال کیا اور خوشاب پولیس کی طرف سے تحائف دیے اور ڈھیروں دعاؤں کے ساتھ شہید کی بیٹی کو رخصت کیا۔مزید ڈی پی او خوشاب نے شہید کی بیٹی سے بات کرتے ہوئے کہا کہ میں بطور سربراہ خوشاب پولیس آپ کے ساتھ والد کی طرح کھڑا ہوں اور آپ کی ہر خوشی اور غمی میں خوشاب پولیس آپ کے ساتھ ہے۔

*شہدائے پولیس ہمارافخر ہیں*

https://www.facebook.com/DistrictPoliceKhushab/photos/a.1745105402429726/2982332958706958/

ضلعی انتظامیہ خوشاب کی جانب سے ریڑھی بانوں کیلئے خوشخبری

 اے ایم او میونسپل کمیٹی خوشاب محترمہ سندس رابیل نے اخباری نمائندوں کو بتایا ہے کہ ڈپٹی کمشنر و ایڈمنسٹریٹر میونسپل کمیٹی خوشاب کی ہدایت پر بازار وں کو کھلا رکھنے ،لوگوں کی آمدورفت میں آسانی پیدا کرنے کیلئے اور حادثات سے بچنے کیلئے میونسپل کمیٹی خوشاب نے ریڑھی بانوں کو پرانی سبزی گروٹ روڈ پر منتقل کرنے کیلئے جگہ مختص کر دی ہے جہاں پر ریڑھی بانوں کو فری رجسٹریشن کرکے انہیں جگہ الاٹ کی جائیگی کچہ بازار ،چھتری چوک تا کابلی گیٹ پر ریڈ لائن لگا دی گئی ہے جہاں ریڑھیاں کھڑی اور دوکانداروں کا یہ لائن کراس کرکے سامان رکھنا ممنوع قرار دیا گیا ہے اور ایسا کرنے والوں کے خلاف سخت کاروائی کی جائیگی انہوں نے بتایا کہ تمام متعلقہ ریڑھی بان 20 ستمبر 2021 کو دفتر میونسپل کمیٹی خوشاب میں آ کر اپنی رجسٹریشن کرائیں اسسٹنٹ کمشنر خوشاب اس پلان کی نگرانی کریں گے

موٹرسائیکل چور گینگ پولیس کی گرفت میں :14 موٹرسائیکل برآمد

 

ڈی ایس پی صدر سرکل جوہرآباد غلام جعفر چھینہ نے ایک پریس کانفرنس میں بتایا ہے کہ پولیس تھانہ سٹی جوہرآباد نے ایک موٹر سائیکل چور گینگ پکڑنے میں کامیاب رہی ہے 14 وارداتوں میں چوری ہونے والے 14 موٹرسائیکل مالیتی 9 لاکھ 62 ہزار روپے برآمد کر لئے ہیں جبکہ ملزمان محمد آصف ڈھلی 10 ایم بی ،محمد رضوان مسلم شیخ عظیم آباد اور عطا محمد واولہ پپلاں کو گرفتار کر لیا ہے

 ڈی ایس پی نے کہا ہے کہ ضلع میں موٹر سائیکل چوری کی بڑھتی ہوئی وارداتوں پر ڈسٹرکٹ پولیس آفیسر خوشاب محمد نوید نے گہری تشویش کا اظہار کرتے ہوئے ٹاسک دیا کہ اس متحرک گینگ کو قانون کے شکنجہ میں لاکر عوام کا تحفظ یقینی بنایا جائے

 چنانچہ عنصر عباس ایس ایچ او تھانہ سٹی جوہرآباد کی قیادت میں ٹیم یہ ٹاسک پورا کرنے میں کامیاب رہی پوری ٹیم کو تعریفی سرٹیفکیٹ اور نقد انعامات دیئے گئے

جوہرآباد اور 63 ایم بی میں کرونا بے قابو:علاقے سیل

 

 ڈپٹی کمشنر خوشاب حمزہ سالک نے کرونا کے بڑھتے ہوئے کیسز کے باعث ضلعی ہیڈ کوارٹر جوہرآباد کے علاقہ بلاک نمبر 4 اور نواحی گاوں چک نمبر63ایم بی کو 10 یوم کیلئے سیل کر دیا ، دونوں علاقوں کو سیل کرنے کے حوالے سے باقاعدہ نوٹیفیکیشن جاری کر دیا گیاہے 

 ضلع خوشاب میں کروناوائرس نےایک اورانسانی زندگی نگل لی جس کے بعداس موزی وائرس کےباعث ضلع خوشاب میں اموات کی تعداد79ہو گئی، متوفی 50سالہ محمدرمضان ولدمحمد خان اوگالی وادی سون کارہائشی تھا، گزشتہ24گھنٹوں میں ضلع خوشاب میں کروناکے10نئےکیسزسامنےآئے جبکہ3افرادصحت یاب ہوئےاس وقت فعال کیسزکی تعداد154ہے،جن میں2افرادڈی ایچ کیوہسپتال میں زیرعلاج ہیں،تحصیل خوشاب میں96، نوشہرہ میں16،نورپورمیں4اورقائدآبادمیں3افرادکوانکےگھروں میں کورنٹائن کیاگیا ہے

پنجاب کے 11 اضلاع میں لاک ڈاون

 

لاہور (ویب ڈسیک) پنجاب کے 11 اضلاع (لاہور، راولپنڈی، فیصل آباد، ملتان، خانیوال، میانوالی، سرگودھا، خوشاب، بہاولپور، گجرانوالہ اور رحیم یار خان) میں 15 ستمبر تک لاک ڈاؤن نافذ،ان 11 اضلاع میں ان ڈور ڈائننگ بند رہے گی
آوٹ ڈور ڈائننگ کورونا ایس او پیز کے ساتھ رات 10 بجے تک ہوگی
ان ڈور فنگشنز بند ہونگے
آوٹ ڈور فنگشنز ایس او پیز کے ساتھ 300 افراد تک کی اجازت ہوگی
پبلک ٹرانسپورٹ 50 فیصد تک سواروں کے ساتھ چلے گی
تمام واٹر سپورٹس اور سوئنگ پولز بند رہیں گے
پبلک پارکس ایس او پیز کے ساتھ کھول سکتے
جم خانہ جات میں ویکسینیٹڈ لوگوں کو آنے کی اجازت ہوگی

ٹریفک پولیس خوشاب کا ٹریفک قوانین آگاہی مہم کا سلسلہ جاری

 

ڈی آئی جی ٹریفک پنجاب لاہور کے احکامات کی روشنی میں ڈسٹرکٹ پولیس آفیسر خوشاب محمد نوید کی زیر نگرانی اور ڈسٹرکٹ ٹریفک پولیس آفیسر نیلو فر حیات کی سرپرستی میں ٹریفک پولیس ایجو کیشن ونگ خوشاب کی طرف سے ٹریفک قوانین آگاہی مہم کے سلسلہ میں پولیس لائنز جوہر آباد میں ایک سیمینار ہوا۔سیمینار سے خطاب کرتے ہوئے ٹریفک پولیس ایجوکیشن ونگ خوشا ب کے انچارج سب انسپکٹر مہر رفیق احمدنے ڈرائیونگ لائسنس کے حصول کے لیے آئے ہوئے لوگوں کو ٹریفک قوانین اور کورونا وائرس سے بچاؤ کے متعلق لیکچر دیا اورلوگوں میں ماسک تقسیم کئے

۔انہوں نے کہا کہ ٹریفک قوانین کا احترام ہی مہذب قوموں کی پہچان ہے۔

تابڑ توڑ سوالات وجوابات :پریس کانفرنس ہارون بندیال

 

خوشاب(محمد ابراررانا ) این اے 93سے آزاد امیدوار یونین کونسل بندیال کے چیئرمین ملک ہارون بندیال نے پریس کلب خوشاب سے خطاب کرتے ہوئے کہا ہے کہ سیاست میں انکے آنے کا مقصد حقوق العباد کی ادائیگی ہے وہ کبھی اپنے کسی مخالف امیدوار یا ضلعی سیاست دان کی ذات سے کیڑے نہیں نکالیں گے اور صاف ستھری اور نکھڑی ہوئی سیاست کریں گے انہوں نے کہا قبل از وقت انتخابی مہم شروع کرنے کا مقصد یہ ہے کہ حکومتی امیدوار ڈویلپمنٹ کی رفتار تیز کریں اور اپوزیشن امیدوار بھی عوامی رابطہ میں آئیں اس سے عوام کا فائدہ ہے اس طرح لیڈر عوام کی دہلیز پر ہونگے نہ کہ لوگ انکے پیچھے پیچھے مارے پھر رہے ہونگے امیدوار این اے 93نے کہا ڈویلپمنٹ عوام کاحق ہے چونکہ یہ ہمارے ٹیکسوں سے ہوتی ہے اس لئے ہماری ترجیحی یہ ہونی چاہیے کہ کام ہو کر یڈت ڈس کریڈٹ کر چکر میں کام نہیں رکنا چاہیے ہارون بندیال نے کہا تحفظ حقوق نسواں ایکٹ میں ترمیم ہونا چاہیے یہ خوشاب سمیت پاکستان کا سب سے بڑا مسئلہ ہے چیئرمین یونین کونسل بندیال نے کہا کہ ملک خدا بخش ٹوانہ انکی آئیڈیل سیاسی شخصیت میں اور میاں شہباز شریف سے انکی ذاتی دوستی ہے لیکن سیاسی فیصلہ جن میں الیکشن جیتنے کی صورت میں کسی پارٹی میں شمولیت کے فیصلے وہ اپنے احباب کی مشاورت اور ضلع کے عوام کی بہتری کو پیش نظر رکھ کر کریں گے ایم این اے کے امیدوار نے کہا تھانہ کچہری کے موجودہ کلچر کا خاتمہ چاہتے ہیں لیکن دوست نواز ہیں اور دوستوں کا ہر مشکل وقت میں ساتھ دیں گے انہوں نے ضلع بھر کے عوام کا شکریہ ادا کیا جنہوں نے گذشتہ انتخابات میں ملک فاروق بندیال کے میڈیا ٹرائل کے وقت انکا بھرپور ساتھ دیا چیئرمین بندیال نے کہا کہ ہم چیرٹی کے اداروں سے مدد لے کر ضلع کو تعلیم،صحت،فراہمی و نکاسی آب کے شعبوں میں آگے جا سکتے ہیں اور اگر اللہ نے مجھے موقع دیا تو میں اس حوالہ سے بھی کام کرونگا 

قبل ازیں پریس کلب خوشاب پہنچنے پر پریس کلب کے عہدیداروں صدر چوہدری عزیز الرحمن،سینئر نائب صدر میاں محمد سلیم،نائب صدر کاظم قریشی نائب صدر انصر حیات بیگ،جنرل سیکرٹری ڈاکٹر غلام مرتضی،ایڈیشنل جنرل سیکرٹری سبطین جعفری سیکرٹری مالیات ابراررانا اور سیکرٹری اطلاعات سلیم سنی سمیت دیگر اراکین پریس کلب نے ملک ہارون بندیال کا بھرپور خیر مقدم کیا اور ان پر گل پاشی کی خطاب کے بعد ہارون بندیال نے پریس کلب کے نو منتخب عہدیداروں کو مبارکباد دی انہیں ہار پہنائے اور انہیں یقین دلایا کہ وہ بھرپور طریقہ سے انکے ساتھ ہیں اس موقع پر پریس کلب کے سرپرست ایم اقبال شاہد،طالب حسین بھٹی سینئر ممبران وامق علی ملک،ملک یعقوب مدھوال،ارسلان اختر افغانی اور غلام محمد کھچی بھی موجود تھے بعد ازاں ملک ہارون بندیال نے یادگاری پودا بھی لگایا پریس کانفرنس کے موقع پر سابق ناظم نوشہرہ ملک محمو دالحسن اعوان اور چوہدری خادم ورک سمیت دیگر احباب ملک ہارون بندیال کے ہمراہ تھے