ضلعی انتظامیہ خوشاب کی جانب سے ریڑھی بانوں کیلئے خوشخبری

 اے ایم او میونسپل کمیٹی خوشاب محترمہ سندس رابیل نے اخباری نمائندوں کو بتایا ہے کہ ڈپٹی کمشنر و ایڈمنسٹریٹر میونسپل کمیٹی خوشاب کی ہدایت پر بازار وں کو کھلا رکھنے ،لوگوں کی آمدورفت میں آسانی پیدا کرنے کیلئے اور حادثات سے بچنے کیلئے میونسپل کمیٹی خوشاب نے ریڑھی بانوں کو پرانی سبزی گروٹ روڈ پر منتقل کرنے کیلئے جگہ مختص کر دی ہے جہاں پر ریڑھی بانوں کو فری رجسٹریشن کرکے انہیں جگہ الاٹ کی جائیگی کچہ بازار ،چھتری چوک تا کابلی گیٹ پر ریڈ لائن لگا دی گئی ہے جہاں ریڑھیاں کھڑی اور دوکانداروں کا یہ لائن کراس کرکے سامان رکھنا ممنوع قرار دیا گیا ہے اور ایسا کرنے والوں کے خلاف سخت کاروائی کی جائیگی انہوں نے بتایا کہ تمام متعلقہ ریڑھی بان 20 ستمبر 2021 کو دفتر میونسپل کمیٹی خوشاب میں آ کر اپنی رجسٹریشن کرائیں اسسٹنٹ کمشنر خوشاب اس پلان کی نگرانی کریں گے