تابڑ توڑ سوالات وجوابات :پریس کانفرنس ہارون بندیال

 

خوشاب(محمد ابراررانا ) این اے 93سے آزاد امیدوار یونین کونسل بندیال کے چیئرمین ملک ہارون بندیال نے پریس کلب خوشاب سے خطاب کرتے ہوئے کہا ہے کہ سیاست میں انکے آنے کا مقصد حقوق العباد کی ادائیگی ہے وہ کبھی اپنے کسی مخالف امیدوار یا ضلعی سیاست دان کی ذات سے کیڑے نہیں نکالیں گے اور صاف ستھری اور نکھڑی ہوئی سیاست کریں گے انہوں نے کہا قبل از وقت انتخابی مہم شروع کرنے کا مقصد یہ ہے کہ حکومتی امیدوار ڈویلپمنٹ کی رفتار تیز کریں اور اپوزیشن امیدوار بھی عوامی رابطہ میں آئیں اس سے عوام کا فائدہ ہے اس طرح لیڈر عوام کی دہلیز پر ہونگے نہ کہ لوگ انکے پیچھے پیچھے مارے پھر رہے ہونگے امیدوار این اے 93نے کہا ڈویلپمنٹ عوام کاحق ہے چونکہ یہ ہمارے ٹیکسوں سے ہوتی ہے اس لئے ہماری ترجیحی یہ ہونی چاہیے کہ کام ہو کر یڈت ڈس کریڈٹ کر چکر میں کام نہیں رکنا چاہیے ہارون بندیال نے کہا تحفظ حقوق نسواں ایکٹ میں ترمیم ہونا چاہیے یہ خوشاب سمیت پاکستان کا سب سے بڑا مسئلہ ہے چیئرمین یونین کونسل بندیال نے کہا کہ ملک خدا بخش ٹوانہ انکی آئیڈیل سیاسی شخصیت میں اور میاں شہباز شریف سے انکی ذاتی دوستی ہے لیکن سیاسی فیصلہ جن میں الیکشن جیتنے کی صورت میں کسی پارٹی میں شمولیت کے فیصلے وہ اپنے احباب کی مشاورت اور ضلع کے عوام کی بہتری کو پیش نظر رکھ کر کریں گے ایم این اے کے امیدوار نے کہا تھانہ کچہری کے موجودہ کلچر کا خاتمہ چاہتے ہیں لیکن دوست نواز ہیں اور دوستوں کا ہر مشکل وقت میں ساتھ دیں گے انہوں نے ضلع بھر کے عوام کا شکریہ ادا کیا جنہوں نے گذشتہ انتخابات میں ملک فاروق بندیال کے میڈیا ٹرائل کے وقت انکا بھرپور ساتھ دیا چیئرمین بندیال نے کہا کہ ہم چیرٹی کے اداروں سے مدد لے کر ضلع کو تعلیم،صحت،فراہمی و نکاسی آب کے شعبوں میں آگے جا سکتے ہیں اور اگر اللہ نے مجھے موقع دیا تو میں اس حوالہ سے بھی کام کرونگا 

قبل ازیں پریس کلب خوشاب پہنچنے پر پریس کلب کے عہدیداروں صدر چوہدری عزیز الرحمن،سینئر نائب صدر میاں محمد سلیم،نائب صدر کاظم قریشی نائب صدر انصر حیات بیگ،جنرل سیکرٹری ڈاکٹر غلام مرتضی،ایڈیشنل جنرل سیکرٹری سبطین جعفری سیکرٹری مالیات ابراررانا اور سیکرٹری اطلاعات سلیم سنی سمیت دیگر اراکین پریس کلب نے ملک ہارون بندیال کا بھرپور خیر مقدم کیا اور ان پر گل پاشی کی خطاب کے بعد ہارون بندیال نے پریس کلب کے نو منتخب عہدیداروں کو مبارکباد دی انہیں ہار پہنائے اور انہیں یقین دلایا کہ وہ بھرپور طریقہ سے انکے ساتھ ہیں اس موقع پر پریس کلب کے سرپرست ایم اقبال شاہد،طالب حسین بھٹی سینئر ممبران وامق علی ملک،ملک یعقوب مدھوال،ارسلان اختر افغانی اور غلام محمد کھچی بھی موجود تھے بعد ازاں ملک ہارون بندیال نے یادگاری پودا بھی لگایا پریس کانفرنس کے موقع پر سابق ناظم نوشہرہ ملک محمو دالحسن اعوان اور چوہدری خادم ورک سمیت دیگر احباب ملک ہارون بندیال کے ہمراہ تھے 

Election Kashmir

دریائے جہلم پر ڈوبے3افراد کا ریسکیو آپریشن مکمل

 خوشاب(نمائندہ خصوصی )3 نوجوان ڈوب گئے، 

گزشتہ روز کالر کے مطابق 3 نوجوان کی دریائے جہلم میں ڈوبنے کی اطلاع موصول ہوئی

 ڈوبنے کا واقعہ نزد لنگر والا پل مظفر گڑھ روڈ دریائے جہلم میں پیش آیا۔

 ڈوبنے والے نوجوانوں  کا تعلق کے-سی-پی گروٹ چوک سے ہے 

 دو دن مستقل سرچ آپریشن کے بعد ریسکیو کی ٹیم نے تینوں باڈی نکال کر لواحقین کے حوالے کر دیں

 ڈوبنے والے نوجوانوں میں 15 سالہ جنید، 15سالہ نعمت اللہ اور 14 سالہ مدثر شامل ہے۔ ڈی-او ریسکیو انجینئر حافظ عبدالرشید

 ڈسٹرکٹ آفیسر ریسکیو1122 انجینئر حافظ عبدالرشید نے ایمرجنسی کی تفصیلات بتاتے ہوئے کہا کہ ریسکیو 1122 خوشاب کو گزشتہ روز تین نوجوانوں کی  نزد لنگر والا پل مظفر گڑھ روڈ دریائے جہلم میں ڈوبنے کی ایمرجنسی کال موصول ہوئی ریسکیو 1122 کی امدادی ٹیموں نے بروقت موقع پر پہنچ 

کر سرچ اینڈ ریسکیو آپریشن شروع کر دیا دو دن کا کامیاب سرچ اینڈ ریسکیو آپریشن کرتے ہوئے ریسکیو1122 کی امدادی ٹیموں نے ڈوبنے والے تینوں نوجوانوں کی باڈی کو نکال کر لواحقین کے حوالے کر دیں۔

ضلع خوشاب نے پی ٹی آئی کے چار بجٹس میں کیا پایا جانیئے اس رپورٹ میں

 خوشاب(محمد ابراررانا ) حکومت پنجاب نے نئے مالی سال کی ترقیاتی سکیمیوں میں ضلع خوشاب کی مجموعی طور پر 248 سکیمیوں کیلئے کل 4 ارب 28 کروڑ 57 لاکھ 62 ہزار روپے مختص کیے ہیں ان میں سکول ایجوکیشن  28 ہائر ایجوکیشن  4 سپورٹس 5 پرائمری اینڈ سیکنڈری ہیلتھ کیئر 7 فراہمی و نکاسی آب 105 لوکل گورنمنٹ اینڈ کمیونٹی ڈویلپمنٹ 7 روڈ ز85 پبلک بلڈنگ 6 سیاحت 1 اور پلاننگ ڈویلپمنٹ کی 1 سکیم شامل ہے ان سکیموں میں ایم این ایز ملک عمر اسلم اعوان اور ایم این اے ملک احسان اللہ ٹوانہ ،ایم پی ایز ملک فتح خالق بندیال اور ملک غلام رسول سنگھا اعوان کی سیکمیوں کو اہمیت دیتے ہوئے انہیں وسیع پیمانہ پر فنڈز دیئے گئے ہیں تاہم کچھ سکمیں سابق ممبران اسمبلی کی شامل ہیں جن پر 2017 سے کام جاری ہے اور وہ ابھی تک مکمل نہیں کی جاسکی

 حکومت پنجاب کے ترقیاتی پروگرام 2021-22 میں مظفر گڑھ روڈ جوہرآبادسے چوک گروٹ تک کی تعمیر کا منصوبہ شامل ہے جس پر لاگت کا کل تخمینہ  دو ارب 19 کروڑ 43 لاکھ ایک ھزار روپےلگایا گیا ہے جون 21 تک 19 کروڑ 66 لاکھ 99 ھزار روپےخرچ کیے جائیں گے جبکہ 2021-22کیلئے صرف 3 کروڑ روپےمختص کیے گئے ہیں سال 22-23 کیلئے مجوزہ فنڈز 99 کروڑ 90 لاکھ روپےاور23-24 کیلئے مجوزہ فنڈز 96 کروڑ 86 لاکھ دو ھزار روپے ہیں اس اہم سڑک کی تعمیر کے اس شیڈول سے لوگ سخت پریشان ہیں اور انہوں نے حکومت سے مطالبہ کیا ہے کہ اس سڑک کے فنڈز جلد از جلد فراہم کیے جائیں تاکہ لوگوں کو سفری اور کاروباری مشکلات نہ ہوں

حکومت پنجاب نے ضلع خوشاب میں کالجز کی تعمیر اور قیام کیلئے 35کروڑ کے فنڈز مختص کئے ہیں ان فنڈز سے نورپورتھل کے گرلز ،بوائز کالج میں ڈگری بلاکس کی تعمیر کیلئے ایک ایک کروڑ پچاس پچاس لاکھ روپے رکھےگئے ہیں یہ دونوں سکیمیں مالی سال 2021-22 میں مکمل ہو جائیں گی علاوہ ازیں مٹھہ ٹوانہ میں گرلز ایسوسی ایٹ کالج کے قیام کیلئے 14 کروڑ جبکہ خوشاب میں بوائز ایسوسی ایٹ کالج کے قیام کیلئے 18 کروڑ روپے مخصوص کئے گئے ہیں خوشاب کالج کیلئے مالی سال 2021-22 میں ساڑے چار کروڑ روپے 22-23 میں ساتھ کروڑ اور 23-24 میں ساڑھے چھ کروڑ روپے فراہم ہونگے مٹھہ ٹوانہ گرلز کالج کیلئے مالی سال 21-22 میں ساڑھے تین کروڑ روپے 22-23  میں ساڑے 5 کروڑ روپے اور 23-24 میں ساڑھے پانچ کروڑ روپے دستیاب ہونگے

مہاڑ موٹر وے لنک روڈ للہ۔ انٹر چینج تا میانوالی براستہ موسیٰ خیل

اور یونیورسٹی آف خوشاب کے حکومت پاکستان کے سوشل سیکٹر ڈویلپمنٹ پروگرام 18-19 میں شامل ھوئے تھے ۔یہ منصوبے پی ٹی آئی حکومت نے محض اس لئے ڈراپ کر دئیے کہ کہیں کرم الہی بندیال اور شاکر بشیر اعوان کو انکا کریڈٹ نہ مل جائے۔

حکومت پنجاب نے جوہرآباد میں انڈورگیمنز کی سابقہ حکومت کی جاری سکیم کو مکمل کرنے کا فیصلہ کیا ہے اور اس سلسلہ میں ایک کروڑ 75 لاکھ 26 ہزار روپے کے فنڈز مختص کئے ہیں اس سکیم پر لاگت کا تخمینہ 5 کروڑ 70 لاکھ 54 ہزار روپے لگایا گیا تھا جس میں سے 3 کروڑ 95 لاکھ 28 ہزار روپے کے اخراجات قبل ازیں کئے جا چکے ہیں یہ سکیم 2017-18 میں شروع ہوئی تھی

پی ٹی آئی میں انٹری بزریعہ پیراشوٹ :ضلعی سیاست پر ایک نظر جانیئے اس رپورٹ میں

 

خوشاب(رپورٹ: محمد ابراررانا) پی پی 84 کے ضمنی انتخابات میں تیسرے نمبر پر آنے والے آزاد امیدوار ملک امجد رضا گجر جنہوں نے تقریبا 9 ہزار ووٹ لیے اور پی ٹی آئی کے 62 ہزار وو ٹ لینے امیدوار سردار علی حسین خان بلوچ کی شکست میں اہم کردار ادا کیا انہوں نے اچانک وزیر اعلی پنجاب سردار عثمان بزدار  سے بلا مشافہ ملاقات کرکے اچانک پی ٹی آئی میں شمولیت کا اعلان کر دیا جس سے ضلع خوشاب کے سیاسی حلقے حیر ت زدہ ہیں کہ وزیر اعلی پنجاب نے انہیں ایک ماہ قبل پی ٹی آئی میں شامل کیوں نہیں کرایا جب پی پی 84 میں ضمنی الیکشن ہو رہا تھا اور ایک ایک ووٹ پر (ن) لیگ کے بیرسٹر معظم شیر کلو اور سردار علی حسین بلوچ کے درمیان جنگ جاری تھی جس میں بلا آخر کلو جیت گئے سیاسی ماہرین کے مطابق دراصل پی ٹی آئی کے بعض اعلی سطح کے راہنما  سردار علی حسین بلوچ کو کامیاب نہیں دیکھنا چاہتے تھے اب امجد گجر کے قریبی ذرائع نے بتایا ہے کہ انہیں آئندہ عام انتخابات میں پنجاب اسمبلی کیلئے پی ٹی آئی کے ٹکٹ کی یقین دہانی کرا دی گئی ہے ادھر بلوچ ٹوانہ اتحاد جنہیں امجد رضا گجر کی پی ٹی آئی میں شمولیت پر اعتماد میں نہیں لیا گیا انہوں نے اپنا کوئی رد عمل نہیں دیا پی ٹی آئی کی ضلعی تنظیم نے بھی اس موضع اپنے لب سی رکھے ہیں

 تاہم پی ٹی آئی شمالی پنجاب کے جوائنٹ سیکرٹری رئیس ممتاز حسین چاچڑ کا کہنا ہے امجد رضا گجر کی پارٹی میں شمولیت سے ہماری جماعت مزید مضبوط ہوئی ہے اور ٹکٹوں کی تقسیم کیسے کرنی ہے وقت آنے پر ہم یہ فیصلہ بھی کر لیں گے (ن) لیگ کے رہنما ملک وارث بگھور وائس چیئرمین ضلع کونسل خوشا ب کا کہنا ہے کہ ہمیں ان تبدیلیوں سے کوئی فرق نہیں پڑتا (ن) لیگ انشااللہ آئندہ عام انتخابات میں کلین سویپ کرے گی پی ٹی آئی گل اصغر بگھور گروپ نے اس بارے میں محتاط رویہ اپنا رکھا ہے اور وہ تیل دیکھو تیل کی دھار دیکھو کی پالیسی پر عمل پیرا ہے

بیرون ملک سفر کرنے والوں کیلئے خوشخبری :بڑی پریشانی ہوئی ختم

 

 

اسلام آباد(ویب ڈیسک) حکومت نے بیرون ملک جانے اور بیرون ملک سے آنے والے مسافروں کی بڑی پریشانی دور کر دی۔ تفصیلات کے مطابق نیشنل کمانڈ اینڈ آپریشن سینٹر(این سی او سی) نے بیرون ملک جانے اور آنے والوں کو درپیش پریشانی دور کر دی، مسافروں کی سہولت کے لیے اب مسافروں کو جُزوی ویکسینیشن سرٹیفکیٹ جاری ہوگا۔ میڈیا ذرائع کے مطابق حکومت نے بیرون ملک جانے آنے والوں کے لیے جُزوی ویکسینیشن سرٹیفکیٹ کے اجرا کا فیصلہ کیا:۔۔۔۔۔۔

این سی اوسی نے جُزوی ویکسینیشن سرٹیفکیٹ کے اجرا کی منظوری دی۔ میڈیا رپورٹ میں بتایا گیا کہ جزوی ویکسینیشن سرٹیفکیٹ بیرون ملک آنے جانے والوں کو جاری ہوگا۔ جُزوی ویکسینیشن سرٹیفکیٹ ایک ڈوز لگوا کر بیرون ملک جانے والوں کو ملے گا:۔۔۔۔۔۔۔۔۔۔۔۔۔

اس حوالے سے ذرائع نے یہ بھی بتایا کہ ایسے شہری جنہوں نے بیرون ملک ویکسین کی پہلی خوراک لی اور پھر پاکستان میں دوسری ڈوز لگوائی تو ان کے لیے بھی جُزوی سرٹیفکیٹ جاری ہوگا۔

جزوی ویکسینیشن سرٹیفکیٹ کا اجرا این آئی ایم ایس سے ہوگا۔ وزارت قومی صحت حسب ضرورت سرٹیفکیٹ میں تبدیلی کی مجاز ہوگی۔ واضح رہے کہ عالمی وبا کورونا کی وجہ سے کئی ممالک نے سفری پابندیاں عائد کر رکھی ہے جبکہ متعدد ممالک نے ویکسی نیشن لگوانے والے مسافروں کو سفر کرنے کی مشروط اجازت بھی دے رکھی ہے:۔۔۔۔۔۔۔۔۔۔۔۔۔۔۔۔۔۔۔

 

 خیال رہے کہ پاکستان بھر میں کورونا وائرس کی تیسری لہر کے وار جاری ہیں۔

کورونا وائرس سے گذشتہ چوبیس گھنٹوں کے دوران 92 افراد جاں بحق ہوگئے اور2 ہزار28 کیسز رپورٹ ہوئے ، جس کے بعد اموات کی تعداد 21 ہزار 22 ہوگئی۔ جبکہ پاکستان میں کورونا کے تصدیق شدہ کیسز کی تعداد 9 لاکھ 26 ہزار 695 ہوگئی۔ دوسری جانب ملک بھر میں کورونا کی ویکسی نیشن کا سلسلہ بھی جاری ہے ، رواں برس کے آخر تک حکومت 7 کروڑ افراد کو ویکسی نیشن لگوانے کے لیے پُر عزم ہے:۔۔۔۔۔۔۔۔۔۔۔۔۔۔۔۔۔۔۔۔

24 گھنٹوں کے دوران خوشاب میں کورونا کے مریضوں میں حیرت انگیز اضافہ

 

خوشاب:12لاکھ آبادی والے ضلع خوشاب اب تک کورونا کے کل 1372 مریض سامنے آئے ہیں ان میں سے32 کا انتقال ہو چکا ہے چالیس نئے مریضوں میں کورونا کی نشاندہی ہوئی ہےجس میں سے  865 مریض صحت یاب ہو گئے ہیں 475 مزید زیر علاج ہیں

گذشتہ روز کل 1332 مریض سامنے آئے ہیں ان میں سے32 کا انتقال ہو چکا ہے چار نئے مریضوں میں کورونا کی نشاندہی ہوئی ہے 779 مریض صحت یاب ہو گئے ہیں 521 مزید زیر علاج تھے

 

 مریضوں کی زیادہ تعداد نے اپنے اپنے گھروں میں قرنطینہ کر رکھا ہے یاد رہے ان مریضوں میں پی ٹی آئی کی ایم این اے جویریہ ظفر آہیر نے بھی خود کو گھر میں قرنطینہ کر رکھا ہے جنکا کورونا ٹیسٹ پازٹیو آیا تھا