میونسپل کمیٹی خوشاب کے مفلوج ہونے کی وجہ آپ بھی جانیں

وزیر اعلی پنجاب عثمان بزدار نے فراہمی ونکاسی آب سکیم خوشاب شہر کے معاملہ کی تحقیقات کا حکم دے دیا ہے اس سکیم پر مجموعی طور پر 98کروڑ روپے لاگت آنا بتایا جاتا ہے اس سکیم کے تحت دریاے جہلم پر ٹیوب ویلوں کی تنصیب کرکے خوشاب شہر کو پانی فراہم کیا جانا مقصود تھا اور ٹارگٹ یہ تھا کہ آئندہ پچاس سال کی شہری ضروریات یہ سکیم پورا کرے گی ابتدائی طو رپر اس وقت کے تحصیل ناظم ملک غلام رسول سنگھا اعوان نے 2008میں اس سکیم کاپیپر ورک مکمل کیا تاہم یہ انکے دور میں شروع نہ ہو سکی اور صوبائی اسمبلی کے سابق رکن بعد میں سابق صوبائی وزیر ملک آصف بھا کی زیر نگرانی اسکا کام شروع ہوا لیکن انکی نگرانی محض سیاسی امور تک محدود تھی عملی طور پر محکمہ پبلک ہیلتھ کے حکام ہی اس کے ذمہ دار تھے پانچ سال میں اس سکیم نے مکمل ہونا تھا جس پر دس سال لگا دیئے گئے ابتدا ہی میں اس سکیم میں ناقص میٹریل کی شکایات سامنے آئیں وزیر اعلی انسپکشن ٹیم ،انٹی کرپشن اور دیگر سطحوں پر اس کی تحقیقات ہوئیں کون اسکا ذمہ دار ٹھہرا یہ بات ابھی تک فائلوں سے باہر نہیں آ سکی اب وزیر اعلی کے دورہ پر یہ بات پھر ابھر کر سامنے آئی ہے تو نئے سرے سے وزیر اعلی انسپکشن ٹیم کے ذریعہ تحقیقات کا اندیہ دیا گیا ہے اس تحقیقات میں کون قصور وار ثابت ہوتا ہے یہ تو نتیجہ سامنے آنے کے بعد پتہ چلے گا لیکن خوشاب شہر کو پانی کی کمی کا جو مسئلہ درپیش ہے اس کی دو وجوہات ہیں میونسپل کمیٹی خوشاب فراہمی آب سکیم کے بجلی کے بل دینے سے قاصر ہے اور اسی طرح وہ محکمہ انہار کو بھی آبیانہ نہیں دے سکتے جس کی وجہ سے اسکی بجلی اور پانی بند ہوتا رہتا ہے اب وزیر اعلی نے بجلی کے بلوں کی ادائیگی کا وعدہ کیا ہے اگر ان بلو ں کی ادائیگی کا کوئی باقاعدہ نظام بن جائے تو پھر پانی کی کمی کا 70فیصد مسئلہ حل ہو جائیگا اس طرح محکمہ آبپاشی جس نے اس وقت بھی شہر کا پانی بند کر رکھا ہے اسے بھی اس کے واجبات ادا کر دیئے جائیں اور مستقبل کا لائحہ عمل تیار ہو جائے تو پانی کا مسئلہ سو فیصد حل ہو جائیگا اس وقت خوشاب شہر میں پانی کی مد میں میونسپل کمیٹی خوشاب کے کروڑوں روپے واجب الادا ہیں لیکن کمیٹی مختلف وجوہات کی بنا ء پر یہ پیسے وصول کرنے سے عاری نظر آتی ہے اب ضلعی انتظامیہ نے بلو ں کی وصولی کا مسئلہ کونسلروں کے سپرد کر دیا ہے جنہوں نے میونسپل کمیٹی کے دفتر آنا ہی چھوڑ دیا ہے اور عملی طور پر میونسپل کمیٹی خوشاب مفلوج پڑی ہے 

کیونکہ دریائے جہلم کے کنارے 30,30ہارس پاور کے 24ٹیوب ویل لگائے گئے ہیں جبکہ دو سٹوریج ٹینک بنائے گئے ہیں ان پر بھی 100,100ہارس پاور کی 2موٹریں لگی ہوئی ہیں اس طرح بجلی کا ماہانہ بل پچیس لاکھ روپے کے قریب آتاہے جسے میونسپل کمیٹی خوشاب اپنے موجودہ محدود وسائل کی بنا پر پورا نہیں کر سکتی اس لیے ضرورت اس امر کی ہے کہ حکومت پنجاب اس سلسلہ میں میونسپل کمیٹی خوشاب کو اضافی گرانٹ دے یا بکر منڈی کا نظم ونسق دوبارہ میونسپل کمیٹی خوشاب کے سپرد کر دیا جائے تا کہ وہ لوگوں کے مسائل آسانی سے حل کر سکے اور خوشاب کا شمار حسب سابق پنجاب کے امیر شہروں میں ہونے لگے

نو گو ایریا کہلانے والے مائنز ایریا میں خوشاب پولیس کی کاروائی

تھانہ کٹھہ سگھرال کی حدود میں NO-GO ایریا کہلانے والے مائنز ایریا میں خوشاب پولیس کا دو ڈی ایس پیز، تین ایس ایچ اوز ، ایلیٹ ٹیموں اور پولیس کی بھاری نفری کے ساتھ بھرپور طریقہ سے سرچ آپریشن۔ سرچ آپریشن کے دوران دوطرفہ فائرنگ کا تبادلہ ہوا۔خوشاب پولیس نے پروفیشنل انداز میں کاروائی کرتے ہوئے02مجرمان کو 07کلوچرس، 01عدد پسٹل اور ایک عدد گاڑی سمیت گرفتار کر لیا جبکہ مجرمان کے زیر استعمال03عدد موٹرسائیکلز بھی پولیس نے قبضہ میں لے لیے۔ مائنز ایریا کو ملزمان سے کلیئر کردیا گیااورعلاقہ میں موجود ان کے ٹھکانے بھی مسمار کر دیے گئے۔۔ سرچ آپریشن کا مقصد مائنز ایریا میں آزاد اور پر امن ماحول قائم کرنا ہے تاکہ اس بزنس میں دلچسپی رکھنے والے پاکستان بھر کے بزنس مین بغیر کسی خوف کے یہاں پراپنا بزنس کر سکیں اور یہ علاقہ پاکستان کی خوشحالی کا باعث بنے۔ علاقہ میں لاء اینڈ آرڈر قائم رکھنے اور عام آدمی کی آزادانہ رسائی کے لیے خوشاب پولیس کی جانب سے ایک مستقل پولیس چیک پوسٹ بھی قائم کی جارہی ہے

اونچی دکان پھیکا پکوان۔۔۔نیسلے کے خلاف زہریلا دودھ بیچنے پر مقدمہ درج

اونچی دکان پھیکا پکوان۔۔۔نیسلے کے خلاف زہریلا دودھ بیچنے پر مقدمہ درج۔۔۔۔عوام اس مافیا کا بائیکاٹ کریںجس کے خلاف میڈیا مالکان کی پالیسی گونگی بہری بن جاتی ہے۔

سب سے پہلے انفارمیشن رپورٹ (ایف آئی آر) کے سپرنٹنڈنٹ پولیس لاہور کینٹ کے ذریعہ حکم دیا گیا ہے، شہباز الہی نے ہفتے کے روز کے بعد ڈپٹی سپرنٹنڈنٹ قانونی کے بعد ان کو یہ اطلاع دی ہے کہ ایک ماہانہ وجوہ نیسلے کے فارمولا کی کھپت کے باعث مر گیا. دودھ، لییکٹگن جس نے اس بیمار کو جنم دیا اور گزشتہ سال موت کی وجہ سے.

فیکٹری ایریا پولیس اسٹیشن کے ساتھ دو دن کی تاخیر کے بعد ایف آئی آر رجسٹر کیا گیا تھا جس میں مبینہ طور پر عثمان بھٹی کی طرف سے الزام لگایا گیا تھا کہ اس کی بیٹی مرسلے کی طرف سے فارمولہ دودھ کی کھپت کے باعث مر گیا.
پنجاب فارسنک سائنس ایجنسی کے نتائج (پی ایف ایس اے) کی رپورٹ میں بتایا گیا ہے کہ پولیس افسران نے بتایا کہ جس نے یہ کہا ہے کہ جسم کے گہرادا-سائہلوترن (کیٹناشک) اور فینیٹی کو پتہ چلا گیا ہے کہ جسم کی گہرائیوں میں موجود ہے. اس رپورٹ کے بعد، ایف آئی آر درج کی گئی تھی.

ایک امتحان کے بعد پی ایف ایس کے ذریعہ امتحان کیا گیا تھا اس کے بعد ایک مہینے کے بچے کو نکالنے کی اجازت ملی تھی.

باردانہ کے حصول کیلئے آیا شخص گرفتار

ڈپٹی کمشنر سلوت سعید کی ہدایت پر اسسٹنٹ کمشنر سرگودہا عبداللہ خرم نیازی نے گندم خریداری مراکز آسیا نوالہ سے دوسرے زمینداروں کے شناختی کارڈز پر باردانہ کے حصول کیلئے آیا شخص گرفتار کروادیا ۔تفصیلات کے مطابق حکومت کی ہدایت پر ضلع بھر میں قائم تمام تیرہ گندم خریداری مراکز پر کسانوں کی رجسٹریشن کا عمل جاری ہے۔ آسیانوالہ سنٹر پر چک نمبر 103جنوبی کا رہائشی عبدالرحمن ولد موسی خان گردواری کیلئے آیا جس کی مزکورہ چک میں اپنی کوئی زمین نہ ہے ملز م کے پاس سے تین شناختی کارڈ سکندر حیات ولد متھیلا اور ذوالفقار علی ولد محمد خان ساکن چک نمبر 103جنوبی موجود پائے گئے جبکہ ایک عدد کاغذ جس پر مختلف لوگوں کے نام اور ان کی گرداوری ،تعداد ایکڑ بھی موجود پائے گئے۔ تھانہ صدر نے اسسٹنٹ فوڈ کنٹرولر محمد خالد کی درخواست پر ملزم عبد الرحمن ولد موسی خان کے خلاف ایف آئی آر درج کرلی ہے

فنی تعلیمی ادارے خواتین کو ہنر مند بنانے کیلئے انتہائی فعال کردار ادا کر رہے ہیں:ڈپٹی کمشنر سلوت سعید

ڈپٹی کمشنر سلوت سعید نے کہا ہے کہ خواتین کو معاشی طور پر مستحکم بنانے کیلئے حکومت ان کوفنی تعلیم و تربیت فراہم کر رہی ہے۔ ضرورت اس امر کی ہے کہ ان کی درست سمت راہنمائی اور ان میں احساس تحفظ کو پروان چڑھایا جائے ۔فنی تعلیمی ادارے خواتین کو ہنر مند بنانے کیلئے انتہائی فعال کردار ادا کر رہے ہیں۔ اس امر کا اظہار انہوں نے ٹیکنیکل ایجوکیشن اینڈ ووکیشنل ٹریننگ اتھارٹی میں نمایاں پوزیشن حاصل کرنے والی گورنمنٹ کالج آف ٹیکنالوجی برائے طالبات نیو سٹیلائٹ ٹاؤن سرگودہا کی ہونہار طالبات میں انعامات تقسیم کرنے کی تقریب سے بطور مہمان خصوصی خطاب کرتے ہوئے کیا۔ تقریب میں سابق ایم پی اے ڈاکٹر نادیہ عزیز ،بیگم صدر ایوان صنعت و تجارت ذکیہ تبسم ،شاکرہ نورین اور کالج 
کی پرنسپل صبا تبسم کے علاوہ طالبات اور ان کے والدین بھی موجود تھے

ڈپٹی کمشنر نے کہاکہ طالبات کو ہر شعبہ میں مضبوط اور ہنر مند ہونا چاہئے ۔جس کیلئے معاشرے کے تمام افراد کو اپنا مثبت کردار ادا کرنا ہوگا۔ انہوں نے طالبات پر زور دیا کہ وہ فنی تعلیم کو حاصل کرنے کے بعد اپنی آئیندہ زندگی میں اس کو استعمال میں ضرور لائیں ۔ کیونکہ معاشی طور پر مضبوط اور خودمختار ماں ہی ایک اچھی نسل کو پروان چڑھاسکتی ہے۔ ڈاکٹر نادیہ عزیز نے کہا کہ بچیا ں ہمار افخر اور سرمایہ ہیں۔ ہماری خواتین آج زندگی کے ہر شعبہ میں اپنی صلاحیتوں کا لوہا منوا رہی ہیں۔ پاکستان میں ٹیلنٹ کی کوئی کمی نہیں۔انہوں نے کالج کی کارکردگی کو سراہتے ہوئے اس عزم کا اظہار کیا کہ گورنمنٹ کالج آف ٹیکنالوجی برائے طالبات سرگودہا کو یونیورسٹی کادرجہ دینے کیلئے بھی ہر فورم پر آواز اٹھائی جائے گی۔ کالج پرنسپل صبا تبسم نے سپاسنامہ پیش کرتے ہوئے بتایا کہ ان کا ادارہ 2016میں قائم ہوا۔ اس وقت طالبات کی تعداد پانچ سوہے۔ کالج کی طرف سے انہیں تین سالہ کورسز میں ڈی ای اے ،کمپیوٹر انفارمیشن اور ڈی ڈی ایم کے کروائے جا رہے ہیں۔ جبکہ ایک سالہ کورسز میں بیوٹیشن،فیشن ڈیزائننگ اور ایڈمنسٹریشن مینجمنٹ کورسز شامل ہیں اس کے علاوہ ٹیوٹا کے تعاون سے طالبات کو تین ماہ اور چھ ماہ کے مختلف کورسز کروائے گئے ۔ دوران تربیت طالبات کو تما م ضر وری سامان ادارہ کی طرف سے مفت فراہم کیا جا تا ہے۔ اس طرح مستحق طالبات کی فیس بھی ادارہ کی اساتذہ ادا کر تی ہیں

نہوں نے بتایا کہ صرف تین سال میں ادارہ نے صوبہ بھر میں اپنا مقام حاصل کر لیا ہے۔ ڈویژن بھر کی طالبات کے واحد فنی تربیتی کالج نے 2016 سے اب تک چار پوزیشن مسلسل حاصل کر کے ایک منفرد ریکارڈ بھی قائم کیا ہے۔انہوں نے بتایا کہ ادارہ کی طالبات نے ہم نصابی سرگرمیوں میں بھی صوبہ اور ریجن کی سطح پر تین سالوں میں گیارہ مختلف پوزیشن حاصل کی ہیں۔ انہوں نے کہا کہ حکومت نے خواتین کو اپنے پاؤں پر کھڑا کرنے کا مثبت قدم اٹھایا ہے ۔ انہو ں نے والدین پر زور دیا کہ وہ اپنی بیٹیو ں کو زیادہ سے زیادہ فنی تعلیم کی طرف راغب کریں ۔ بعدازاں ڈپٹی کمشنر سلوت سعید ،ڈاکٹر نادیہ عزیز اور ذکیہ تبسم نے بورڈ اور ریجن کی سطح پر نمایا ں پوزیشن حاصل کرنے والی طالبات میں نقد انعامات اور تعریفی سرٹیفکیٹ بھی تقسیم کئے ۔ قبل ازیں طالبات کی طرف سے اپنی تیار کردہ مصنوعات کی نمائش لگائی گئی۔ جبکہ مختلف ماڈلز بھی تیار کئے ۔ مہمانو ں نے نمائش میں گہری دلچسپی کا اظہار کیا اور طالبات کی صلاحیتوں کو سراہا ۔ تقریب میں طالبات نے کئی اصلاحی اور تفریحی خاکے پیش کر کے حاضرین سے خوب داد بھی وصول کی

وزیر اعلی پنجاب نے خوشاب دورہ پر کس کس کیا معطل

وزیر اعلی پنجاب سردار عثمان بزادر نے سابقہ حکومت کی98کڑور روپے کی نا قص خوشاب واٹر سپلائی سکیم کی انکو ائر ی سمیت ڈپٹی ڈائریکٹر ہاوسنگ، ایکسین انہا ر اور بلد یہ کے سی اوز معطل کر نے کا حکم دیا ہے ۔ وہ ایک روزہ دورہ پر خوشاب کے ہیڈ کو ارٹر جوہر آباد میں ڈپٹی کمشنر کے کمیٹی روم میں ضلعی انتظامیہ کے بریفنگ اجلاس کی صدارت کررہے تھے۔ وزیر اعلی نے خوشاب کے کھٹوائی نو شہرہ اور قائد آباد سے سکیسر روڑ کی فوری تعمیر کا بھی اعلا ن کیا۔ انہو ں نے کہا کہ نیا بلدیا تی نظام آئند ہ چند روز میں نا فذ کر دیا جا ئے گا جس سے شہر ی و دیہی سہولیا ت بہتر ہو جا ئیں گی۔ انہو ں نے کہا کہ اس ضمن میں آرڈنینس کو حتمی شکل دی جا رہی ہے ۔ انہو ں نے مقامی پالیمنٹرین کو نئے بلدیا تی نظام پر بریفنگ کیلئے آج لا ہو ر طلب کر لیا تاکہ اس نظام کے بارے مزید آرا حاصل کی جا سیکیں۔ وزیر اعلی نے انتظامیہ پر زور دیا 

کہ وہ خدمات کے معیار کو بہتر بنا ئیں۔ مو جو دہ حکو مت نے سیاست سے پا ک انتظامیہ تعینا ت کر رکھی ہے ۔انہو ں نے افسران پر زور دیا کہ وہ کسی قسم کے سیا سی اثرو رسوخ اور سفارش کو خاطر میں نہ لائیں عوامی خدمت کو اپنا شعاربنا ئیں۔انہو ں نے اعلا ن کیا کہ بہترین انتظامی و سیکو رٹی خدما ت پرافسران کے ما بین صلا حیتوں کے مقابلے کروائے جا ئیں گے اور انہیں انعام بھی دئے جا ئیں گے ۔ انہو ں نے کہا کہ حکو مت ترقیا تی منصوبوں کی تھرڈ پا رٹی اویلیو ایشن کر وارہی ہے تاکہ کر پٹ ما فیا کی حوصلہ شکنی ہوسکے۔انہو ں نے ضلع خوشاب کی خواندگی کی شرح پر اظہار تشویش کر تے ہو ئے سکو ل ایجو کیشن کے افسران کو اپنی کا رکر دگی بہتر بنا نے کی ہدایت کی ۔ انہو ں نے انتظامی و پو لیس افسران پر زوردیا کہ وہ اپنے اختیا رات کے خول سے باہر نکل کر عوامی خدمات پر بھی توجہ دیں وہ سکو ل کالجز اورہسپتالو ں کی مانیٹرنگ کریں سرکا ری انفراسٹرکچر کو نقصان پہنچا نے والے عنا صر کے خلاف بھی کا روائی کریں۔ انہو ں نے واضح کیا کہ کا م چور ،غیر حاضر اور اپنے فرائض میں غفلت برتنے والے افسران کے خلا ف پر چے درج کروائے جا ئیں اور انہیں عہد وں سے برخاست کر دیا جا ئے تاکہ نئے لو گوں کو قومی خدمت کے موقع دئیے جا سکیں۔ وزیر اعلی عثمان بزدار نے سی او میونسپل کمیٹی جوہر آباد کو بھی معطل کر نے کا بھی حکم دیا۔انہو ں نے عندیہ دیا کہ صفائی صحت ، تعلیم اور افسران کی کا رکر دگی کا جا ئزہ لینے کیلئے آن لائن سسٹم نافذ کیا جا رہا ہے جس کی ما نیٹرنگ وہ خود کر یں گے۔انہو ں نے سینٹری پیٹرولنگ انسپکٹرز کی کا رکر دگی کو بہتر بنا نے کتو ں کے کاٹنے کے واقعات کو روکنے صحت مراکز میں ویکسین کی دستیا بی کو یقینی بنا نے کی ہد ایت کی جبکہ مقامی گرلز و بوائز کا لجز میں معروف مضامین کی پو سٹ گریجو ایٹ کلا سز شروع کر نے کا بھی اعلا ن کیا۔تاکہ یو نیو رسٹر کے قیا م کی راہ ہموارکی جا سکے۔ اس موقع پر اپنی بریفنگ ڈپٹی کمشنر کیپٹن ریٹائرڈ ارشد منظورنے بتایا کہ تجاوزات کے آپر یشن کے دوران دیہی علا قوں میں ایک ارب 82کروڑ جبکہ شہری علا قوں میں ایک ارب90کروڑ روپے کی سرکا ری اراضی قبضہ ما فیا سے واگزار کر وائی گی۔جبکہ شجر کا ری کی موجودہ مہم کے دوران دولاکھ69ہزار پودے لگائے جا چکے ہیں اور مو سم بہا ر2019کے دوران ایک لاکھ70ہزار سے زائد پو دے لگائے جا چکے ہیں انہو ں نے بجلی چوروں کے خلا ف مہم میں71لاکھ سے زائد جرمانہ اور 60لاکھ روپے کے واجب الادا بقایا جا ت وصول کئے گئے گذشتہ تین ما ہ کے دوران پر ائس مجسٹرٹیس نے خلا ف ورزی پر دس لا کھ 53ہزار روپے کے جر مانے کئے

۔پا کستان سیٹزن پورٹل کے تحت1839شکا یا ت میں سے 1416حل کر دی گئی ہیں .اجلا س میں ضلعی پو یس آفیسر نے امن عامہ کے بارے میں بریفنگ دی ۔ انہو ں نے بتایا کہ پو لیس نے ضلع کیلئے خوف کی علا مت دو اشتہا ریوں کو کیفرقردار تک پہنچا دیا ہے اور مجمو عی طور پر ضلع کی سیکو رٹی کی صورتحال اطمینا ن بخش ہے۔اجلا س میں صوبائی وزیر ہاوسنگ میا ں محمو د الرشید، کمشنر ظفر اقبال شیخ، ریجنل پو لیس آفیسر سید خرم علی کے علا وہ مقامی خواتین و مرد پا رلمینٹرین بھی مو جو دتھے۔ وزیر اعلی نے کمشنر سرگودہا سے واگزارکر وائی جا نے والی سرکا ری زمینوں کے مفید استعمال کے بارے تجاویز مرتب کرنے اور سفارشات تیا رکرنے کی ہدایت کی۔ قبل ازیں ایک روزہ ہنگامی دورہ پر تحصیل نو شہرہ کے علاقہ پھلواڑی ریسٹ ہاوس پہنچے مقامی پا رلیمٹرین کے علاوہ کمشنر سرگودہا ظفر اقبال شیخ ریجنل پو لیس آفیسر سید خرم علی نے ان کا استقبال کیا ۔ اس موقع پر کمشنر سرگودہا ڈویژن نے وزیر اعلی پنجاب کو ڈویژن بھر میں جا ری ترقیا تی منصوبوں اور سیاحتی مقاما ت بارے بریفینگ دی ۔ انہوں نے بتایا کہ وادی سون میں سیا حتی اور ثقافتی تفریحی گاہیں قائم کی جارہی ہیں۔جن میں پہلا فیز مکمل کر لیا گیا ہے ۔ رابطہ سڑکو ں کی تعمیر کیلئے سون ڈویلمنٹ اتھا رٹی نے ابتدائی مطالیا تی فیزیبلیٹی مکمل کر لی ہے ۔ رابط سڑکو ں کی تعمیر سے یہا ں عالمی سیاحت کو فروغ ملے گا۔ انہو ں نے بتایا کہ سیاحت گاہو ں کے علا وہ یہا ں پر ہو ٹلز ریسٹورنٹ بھی تعمیر کئے جا رہے ہیں تاکہ سیا حوں کو قیا م و طعام کی بہتر سہو لتوں کی فراہمی کو یقینی بنا یا جا سکے۔ خوشاب میں سفاری پا رک بنایا جا چکا ہے جبکہ سون ویلی میں منی چڑیا گھر بھی بنا یا جا رہا ہے ۔

پنجاب گیمز میں سرگودھا کی کبڈی ٹیم براؤن میڈل حاصل کرنے میں کامیاب

پنجاب گیمز میں سرگودھا کی کبڈی ٹیم براؤن میڈل حاصل کرنے میں کامیاب ،کانٹے دار مقابلہ کے بعد فیصل آباد کی ٹیم نے 5پوائنٹس سے ٹائٹل اپنے نام کر لیا ۔ 72ویں پنجاب سپورٹس کھیلوں کا اختتام ہو گیا ہے 72ویں پنجاب گیمز میں سرگودھا ڈویژن کبڈی ٹیم نے پہلی بار پنجاب گیمز میں دوسری پوزیشن حاصل کر لی ہے فائنل میں فیصل آباد ڈویژن نے سرگودھا ڈویژن کبڈ ی ٹیم کو 45کے مقابلہ میں 50پوائنٹس سے شکست دے دی اس میچ کے مہمان خصوصی صوبائی ویز کھیل رائے تیمور بھٹی ،صوبائی وزیر قانون راجہ بشارت ، صوبائی صدر کبڈی ایسوسی ایشن پنجاب اورڈی جی سپورٹس پنجاب تھے جو میچ سے خوب لطف اندوز ہوئے اس میچ کو دیکھنے کے لئے پنجاب بھر سے بڑی تعداد میں شائقین گراؤنڈ میں موجود تھے شائقین کی بڑی تعداد ڈھول کی تھاپ پر رقص کرتی نظر آئی

 ۔ سرگودھا ڈویژن کی ٹیم کی طرف سے راناقاسم سیف ، کامل شمیل ڈوگر ، عبدالرحمن گجر ، وقاص ڈوگر ، عمر گجر ،محمد شاہد گجر ،رانا عاطف چوہان ،مرتضی ڈوگر ،طیب قریشی ،عمر فاروق اور الفرقان وغیرہ نے خوبصورت کھیل کا مظاہرہ کرتے ہوئے سرگودھا کی ٹیم کو فائنل تک رسائی حاصل کرنے میں مدد کی ٹیم کی شاندار کامیابی پر صوبائی پارلیمانی سیکرٹری چوہدری فیصل فاروق چیمہ ایم پی اے صدر ڈویژن کبڈی ایسوسی ایشن سرگودھا ، صدر ڈسٹرکٹ کبڈی ایسوسی ایشن سرگودھا عدنان افضل ججہ،جنرل سیکرٹری ڈویژن کبڈی ایسوسی ایشن سرگودھا حبیب الرحمن ڈوگر ،جنرل سیکرٹری ڈسٹرکٹ کبڈی ایسوسی ایشن سفیان الرحمن اور ڈسٹرکٹ اینڈ ڈویژن کبڈی ایسوسی ایشن سمیت محمد اعجاز باجوہ چئیر مین کبڈی ایسوسی ایشن سرگودھا اور منظر شاہ فرید ڈویژنل سپورٹس آفیسر سرگودھا اوردیگر سپورٹس ایسوسی ایشنز کے علاوہ معززین علاقہ نے شاندار کامیابی پر سرگودھا ڈویژن کی کبڈی ٹیم کو مبارکباد دی