محکمہ صحت نے کیسے کیا اپنا ہدف پورا

ڈسٹرکٹ آفیسر ہیلتھ خوشاب ڈاکٹر آصف محمود قاضی نے کہا ہے کہ حکومت پنجاب کی طرف سے محکمہ صحت خوشاب کو بنیادی اور دیہی مراکز صحت پر ماں اور بچہ کی صحت کے حوالہ سے دیے گئے اہداف پورے کرلیے گئے ہیں اور ضلع خوشاب کو یہ اعزاز حاصل ہے کہ وہ صوبہ بھر میں چند اضلاع میں شامل ہے جن میں بنیادی مراکز صحت پر 55جبکہ دیہی مراکز صحت پر 72ڈیلوری کیس کروانے کا ہدف پورا کیا گیا ہے اس سلسلہ میں محکمہ صحت ضلع خوشاب کے تمام افسران اور اہلکاروں کو حکومت پنجاب کی طرف سے شاباش دی گئی ہے 

تعلیمی ادارے پھر کھل گئے

پنجاب کے دیگر شہروں کی طرح خوشاب،جوہرآباد میں بھی نجی تعلیم ادارے کھل گئے لیکن ابھی سکولوں کے بچوں کا سکول آنے کا دل نہیں کررہا ہے جس کی وجہ سے سکولوں میں بچوں کی تعداد انتہائی کم ہے نجی سکولوں کے مالکان کو یکم اگست سے سکول کھولنے کی اجازت تو مل چکی ہے لیکن ابھی تک سکولوں میں تعداد نہ ہونے کے برابر ہے اس کی بڑی وجہ اگست کے مہینہ میں والدین اپنے بچوں کو لیکر مختلف سیاحتی مقامات پر لیکر جاتے ہیں جس کی وجہ سے ابھی تک بچے سکولوں میں نہیں جارہے ہیں ۔

محکمہ واپڈا نے کر دیا عوام کو پھر پریشان

ضلع خوشاب کے تمام دیہی و شہری علاقوں میں غیر اعلانیہ لوڈشیڈنگ کا دورانیہ اچانک بڑھا دیا گیا ہر گھنٹے کے بعد ایک گھنٹہ کی لوڈشیڈنگ نے شدید حبس میں شہریوں کا جینا مشکل کردیا بارش کے بعد حبس اور گرمی میں ایک دفعہ پھر اضافہ ہوگیا ہے لیکن لوڈشیڈنگ کی وجہ سے گھروں میں موجود بچے ‘ خواتین اور بزرگوں کو شدید پریشانی کا سامنا ہے اسی طرح ہر گھنٹے کے بعد ایک گھنٹے کہ لوڈشیڈنگ کی وجہ سے بجلی سے منسلک کاروباری افرادکو بھی شدید پریشانی کاسامنا کرنا پڑا۔

مخیر حضرات سے ڈی سی او خوشاب نے کیا کہا

ڈسٹرکٹ کوآرڈینیشن آفیسر خوشاب کنزہ مرتضی نے کہا ہے کہ دنیا کے مہذب معاشروں میں حکومت اور عوام ملکر ایسے امور سرانجام دیتے ہیں جن کا فائدہ براہ راست عام عوام کو ہوتا ہے ضلع خوشاب میں اس روایت کے تحت مخیر حضرات کو حکومتی اداروں اور مقامی افسران سے ملکر عوام کی فلاح و بہبود کیلئے بنائے گئے منصوبوں کو چلانے کیلئے کار خیر میں حصہ لینا چاہیے ان کا یہ عمل دونوں جہانوں میں ان کیلئے فلاح کا باعث ہوگا ان خیالات کااظہار انہوں نے سرکٹ ہاؤس میں ضلعی حکومت خوشاب کے منصوبوں میں عوامی اونر شپ کے حوالہ سے منعقدہ ایک اجلاس کے شرکاء سے بات چیت کرتے ہوئے کیا اجلاس میں رشید احمد چٹھہ ‘ میاں بلال طارق ‘ مرزا قلب عباس ‘ چوہدری عبدالمنان ‘ حاجی محمد اقبال ‘ ملک ساجد نذیر راجڑ ‘ ایڈیشنل ڈسٹرکٹ کلکٹر بہزاد عادل ‘ ای ڈی او ہیلتھ ڈاکٹر نذر حیات مجوکہ ‘ ڈی ایچ او ڈاکٹر آصف قاضی ‘ اسسٹنٹ کمشنر قائدآبادمحمد کلیم ‘ ڈپٹی ڈسٹرکٹ آفیسر روڈ توصیف الرحمن و دیگر مخیر حضرات و افسران موجود تھے ڈی سی او نے کہا کہ ضلعی حکومت خوشاب ڈسٹرکٹ ہیڈکوارٹر ہسپتال میں ٹراما سنٹر قائم کرنا چاہتی ہے کیونکہ اس سے پہلے ضلع میں کسی جگہ پر بھی ٹراما سنٹر نہ ہے اور اس کی اشد ضرورت ہے اس کیلئے مخیر حصرات کی مدد کی اشد ضرورت ہے اس موقع پر رشید احمد چٹھہ ‘ میاں بلال طارق سمیت دیگر مخیر حضرات نے ٹراما سنٹر بنانے کیلئے اپنی طرف سے اس کار خیر میں حصہ ڈالنے کی بھرپور یقین دہانی کروائی ۔

صحافی پر قاتلانہ حملہ:پریس کلب خوشاب نے وہ کر دیکھایا جو کسی نے سوچا بھی نہیں تھا

پریس کلب خوشاب کا ہنگامی اجلاس صدر غلام محمد کھچی کی زیر صدارت منعقد ہوا اجلاس میں اتفاق رائے سے صحافی طالب حسین بھٹی پر قاتلانہ حملہ کی شدید مذمت کی گئی اور ملزمان کی فوری گرفتاری کو مطالبہ کیا گیا بصورت دیگر پریس کلب خوشاب ملک بھر کے پریس کلبوں کو اعتماد میں لیکر احتجاجی تحریک چلائے گی

نئے ڈی پی او نے آتے ہی اپنا ٹارگٹ بتا دیا

ڈسٹرکٹ پولیس آفیسر خوشاب وقاص حسن نے کہا ہے کہ شرپسند عناصر اور جرائم پیشہ افراد ضلع خوشاب سے کنارہ کر لیں بصورت دیگر ان کیلئے ضلع خوشاب میں جگہ تنگ کرلی جائے گی یہاں پر کسی بھی ایسے شخص جوکہ قانون کو توڑتا ہے یا قانون سے خود کو بالاتر سمجھتا ہے کی ضلع میں کوئی جگہ نہیں ڈی پی او خوشاب کا چارج لینے کے بعد ڈی پی او آفس صحافیوں سے بات چیت کررہے تھے انہوں نے کہاکہ عوام کے ساتھ پولیس کا بہتر رابطہ پولیس اور عوام کے درمیان خلیج کو کم کرتا ہے دنیا کے ترقی یافتہ ممالک میں کمیونٹی پولیسنگ کے ذریعہ جرائم پر قابو پایا جاتا ہے پولیس کو چاہیے کہ وہ اتنی کائیاں ہوں کہ جرم کے ہونے سے پہلے اس کا پتہ ہو اور پولیس بروقت کاروائی کرے پولیس کو عوام کا خادم ہونا چاہیے اس سے قبل جب وہ اپنی تعیناتی کے بعد چارج سنبھالنے ڈی پی او آفس پہنچے تو پولیس کے ایک چاق و چوبند دستے نے انہیں سلامی دی اس موقع پر ڈی ایس پی ہیڈ کوارٹرز خوشاب فرخ سہیل سندھو ‘ ڈی ایس پی صدر پرویز خان نیازی ،ڈی ایس پی مٹھہ ٹوانہ اسد اﷲ خان نیازی ‘ ڈی ایس پی نورپورتھل قلب عباس خان نیازی ‘ ڈی ایس پی لیگل ثناء اﷲ خان ‘ ڈی ایس پی انوسٹی گیشن ملک ظفر اعوان بھی موجودتھے 

دوکانیں کمرشل نہ کرنے پر ٹی ایم اے خوشاب نے کیا کر دیا

ٹی ایم اے خوشاب نے جوہرآباد میں دو تعلیمی اداروں سمیت چار دکانیں سیل کردیں ٹی ایم او شاہد فاروق وڑائچ کی سربراہی میں ٹی او آر مخدوم جاوید اور انفورس مینٹ انسپکٹر محمد یونس نے دو تعلیمی ادارے الفوز کالج اور آئی آئی یو آئی اور فرنیچر مارکیٹ افتخار ٹاؤن جوہرآباد کی چار دکانیں سیل کی ہیں ٹی ایم او شاہد فاروق وڑائچ کے مطابق ان دونوں تعلیمی اداروں اور چاروں دکانوں کے مالکان کو متعد بار کمرشل کرنے کے حوالہ سے نوٹس جاری کیے گئے تھے لیکن ان اداروں کے مالکان نے اس کا کوئی جواب نہ دیا جس پر ٹی ایم اے نے یہ چھ ملکیت ادارے سیل کردیے ہیں