خوشاب میں 86مواضعات کو آفت زدہ قرار

ضلعی حکومت خوشاب کی طرف سے تحصیل نورپورتھل کے نورپور ‘ رکھ نورپور ‘ ڈھمک ‘ پیلووینس ‘ رنگپور ‘ بلند ‘ شاہ والا ‘ محمود شہید ‘ راہداری ‘ پلواں ‘ رکھ پلواں سمیت 86مواضعات کو آفت زدہ قرار دینے کیلئے حکومت پنجاب کی طرف سے کاروائی کا آغاز کردیا گیا ہے اس سے پہلے ضلعی حکومت خوشاب نے تحصیل نورپورتھل کے مواضعات کو آفت زدہ قرار دینے کیلئے کمشنر سرگودہا کو استدعا کی تھی اور کمشنر نے محکمانہ رپورٹوں پر تحصیل نورپورتھل کے ان مواضعات کو آفت زدہ قرار دینے کی سفارش پنجاب حکومت کو کی تھی جس پر تحصیل نورپورتھل کے ان مواضعات کے ان رہائشیوں سے ایک سال کیلئے زرعی انکم ٹیکس و دیگر بقایا جات سرکار کی وصولی کو معطل کردیا جائیگا تحصیل نورپورتھل کے رہائشیوں نے اس تمام تر صورتحال کو خوش آئند قرار دیا ہے ۔

کسان پیکج کے حوالہ سے آگاہی فراہم کرنے کیلئے سیمنار کا انعقاد

خوشاب پولیس نے ماہ جولائی میں کیا کر دیکھایا

ڈسٹرکٹ پولیس آفیسر خوشاب غلام جیلانی نے کہا ہے کہ خوشاب پولیس جرائم پیشہ افراد کے قلع قمع کیلئے دن رات کوشاں ہے اس سلسلہ میں خوشاب پولیس نے ماہ جولائی میں 35 اشتہاری ملزمان جن میں کیٹیگری اے کے چاراور کیٹیگری بی کے 31مجرمان اشتہاری شامل ہیں کو گرفتار کیا ہے اسی طرح ایک گینگ جو کہ مختلف نوعیت کے جرائم میں ملوث تھا کو بھی گرفتار کیا گیا ہے وہ ڈی پی او آفس میں اخبار نویسوں سے بات چیت کررہے تھے انہوں نے کہاکہ منشیات فروشوں کے خلاف کریک ڈاؤن کرتے ہوئے 510گرام ہیروئن ،2670گرام چرس اور 577بوتل شراب بھی برآمد کر لی ہے اسلحہ ناجائز رکھنے والوں کے خلاف کاروائی عمل میں لاتے ہوئے تین عدد رائفل ،آٹھ عدد بندوق،اور 22عددپسٹل کے علاوہ 72کارتوس بھی برآمد کئے گئے ہیں منشیات فروشوں اور اسلحہ ناجائز رکھنے والے جرائم پیشہ افراد کے خلاف مقدمات درج کر کے آئندہ چالان عدالت کروایا گیا ہے ۔ 

شاکراعوان نے عوام کی پرزور فرمائش پرپھراہم کام سرانجام دینے کی ٹھان لی

ریجنل آفیسر منیجر سوئی گیس علاؤ الدین خان نے کہاہے کہ ایم ڈی سوئی گیس کی ہدایات کے مطابق صارفین کو زیادہ سہولتوں کی فراہمی اور سروس کو بہتر کرنے کیلئے اہم اقدامات کیے جا رہے ہیں ضلع خوشاب کے سوئی گیس صارفین کیلئے آئندہ ماہ دفتر قائم کر دیا جائے گا جس کا تحرک ایم این اے ملک شاکر بشیر اعوان نے کیا تھا اس دفتر میں میٹر کے حصول کیلئے درخواستیں جمع کروانا سروے ڈیمانڈ نوٹس کا اجراء اور ڈیمانڈ نوٹس جمع کروانابلوں کی تصحیح کے ساتھ انھیں تمام معاملات کے حل کیلئے سہولت میسر ہو گی وہ ایم این اے ملک شاکر بشیر اعوان کے نمائندہ ڈاکٹر شاکر اعوان کے ہمراہ صحافیوں سے بات چیت کر رہے تھے اس موقع پر ڈویلپمنٹ انجینئر نعمان لطیف بھی ان کے ہمراہ تھے ریجنل آفیسر سوئی گیس نے بتایا کہ ایم این اے ملک شاکر بشیر اعوان کی گرانٹ سے جوہرآباد ‘خوشاب ملحقہ چکوک ہڈالی میں سوئی گیس کی فراہمی کیلئے پائپ بچھانے کا کام آئندہ ہفتہ شروع ہو گا انہوں نے بتایا کہ ملک شاکر بشیر اعوان کی چالیس کروڑ روپے کی گرانٹ برائے سوئی گیس فنانس ڈیپارٹمنٹ سے محکمہ سوئی گیس کو منتقل ہو رہی ہے جس کے بعد جوہرآباد شہر سے ملحقہ چکوک میں بھی گیس کی فراہمی کیلئے گیس کے پائپ بچھائے جائینگے انہوں نے کہاکہ محکمہ سوئی گیس کی جانب سے گیس کنکشن جلد لگوانے کیلئے پالیسی دی گئی ہے جس کے مطابق چھ ماہ پرانی درخواتیں دینے والے صارفین 25000روپے جمع کرا کر ارجنٹ کنکشن حاصل کر سکتے ہیں جو کہ انھیں دو ماہ کے عرصہ میں جاری کیا جائے گا انھوں نے کہاکہ اس وقت نومبر 2013تک دی جانے والی درخواستوں پر سوئی گیس کنکشن جاری کیے جا رہے ہیں اور ایم ڈی سوئی گیس کی ہدایا ت پر اسے نومبر2014تک بڑھا دیاگیاہے جس سے زیادہ درخواست دہندہ گان کو سوئی گیس کے کنکشن مل سکیں گے

ایم این اے نے ایسا اعلان کیا کہ لوگ خوشی سے نڈھال

ایم این اے شاکر بشیر اعوان نے کہا ہے کہ 2018 کے انتخابات سے قبل خوشاب، جوہرآباد اورہڈالی کاکوئی علاقہ سوئی گیس سے محروم نہیں رہے گا اور ہم اس ضمن میں دن رات کام کررہے ہیں وہ پریس کلب خوشاب کے رکن چوہدری عزیز الرحمن کی جانب سے اپنے اعزاز میں دیئے جانے والے عشائیہ سے خطاب کررہے تھے انہوں نے کہا کہ ضیاء السلام کالونی سمیت خوشاب رورل کی تمام کالونیوں اور ڈیروں کو بھی سوئی گیس فراہم کرنا ہماری ترجیحات میں شامل ہے انہوں نے اس موقع پر ضیاء السلام کالونی کو مولانا ضیا ء اللہ کے نام سے منسوب کرنے کا بھی اعلان کیا اور کہا کہ روڈ پر جتنے بھی اخراجات آئے اسے رواں سال میں مکمل کردیا جائیگا 

خوشاب کے پارلیمنٹرین کس نام پر متفق ہو گئے سچ سامنے آ گیا

صوبائی اسمبلی کے رکن ملک جاویداعوان نے اخباری نمائندوں سے گفتگو میں کہا ہے کہ بیت المال ضلع خوشاب کے چیئرمین ملک فیاض احمد نائچ اور وائس چیئرمین ملک عصمت اللہ سنبلی کا انتخاب اتفاق رائے سے ہوا ہے اور کسی بھی پارلیمنٹرین کو اس پر کوئی اعتراض نہیں ہے انہوں نے کہا کہ اس ضمن میں جب اجلاس ہورہا تھا کسی نے ان کے خلاف منفی ووٹ نہیں دیا جاوید اعوان نے کہا کہ وہ ضلع کے تمام اراکین اسمبلی کے شکر گزار ہیں جو اب بھی ملک فیاض نائچ اور عصمت سنبلی کے ساتھ کھڑے ہیں اور ہمیں توقع ہے کہ وہ مستحقین کی میرٹ پر بھرپور مدد کریں گے 

شہنشاہ تعمیرات سرگودہا کا لقب پانے والے انور علی چیمہ کی زندگی کا خاکہ

سرگودھا میں تعمیر و ترقی اور عوامی خدمت کی پہچان سابق وفاقی وزیر چوہدری انور علی چیمہ دل کا دورہ پڑنے سے81 سال کی عمر میں انتقال کرگئے ۔چوہدری انور علی چیمہ کی وفات کی خبر سن کر سرگودھا کی فضا سوگوار ہوگئی ‘مرحوم کی نماز جنازہ میلہ منڈی گراؤنڈ میں ادا کی گئی‘چوہدری انور علی چیمہ مرحوم کو ہزاروں سوگواروں کی موجودگی میں آبائی گاؤں چک 35جنوبی میں دادا(مرحوم) چوہدری حاکم خان چیمہ کے پہلو میں سپر خاک کردیا گیا‘ رسم قل 2‘اگست بروز منگل صبح 10بجے قصر سلطان میں ادا کی جائے گی۔ مرحوم کی مغفرت کے لئے دعا 11بجے ہوگی ۔ شہنشاہ تعمیرات کا لقب پانے والے سابق وفاقی وزیر چوہدری انور علی چیمہ28جون1935ء کو پید ہوئے ‘آپ کا تعلق چک 34جنوبی ضلع سرگودھا کے متوسط زمیندار گھرانے سے تھا ‘چوہدری انور علی چیمہ نے بھٹو دور حکومت میں اعلی سرکاری ملازمت سے مستعفی ہو کر1974 میں اپنی سیاسی زندگی کا آغازکیا اورتحریک استقالال کے پلیٹ فارم سے ائیر مارشل اصغر خان کی قیادت میں سیاست میں حصہ لینے کا فیصلہ کیا۔انہوں نے تحریک استقلال کے پلیٹ فارم سے آمریت کے خاتمہ کے لئے ہر تحریک میں بڑھ چڑھ کر حصہ لیا۔اپوزیشن کے 9جماعتی اتحاد‘ پاکستان قومی اتحاد کے پلیٹ فارم سے سے بھی ان کی جدو جہد سرگودھا کی تاریخ کا ایک نمایاں باب رہے گی۔آپ1979 ء کے بلدیاتی انتخابات میں چوہدری انور علی چیمہ ضلع کونسل سرگودھا کے ممبر منتخب ہوئے‘ آپ جنوری 1981 ء سے جون 1982 تک ضلع کونسل کے وائس چیئرمین رہے ‘1983 کے بلدیاتی انتخابات میں ممبر ضلع کونسل منتخب ہونے کے بعد آپ دو بارہ وائس چیئرمین منتخب ہوئے اور 10 جون 1984 ء تک اس عہدہ پر فائز رہے اس وقت کے چیئرمین میاں محمد سعید قریشی کے خلاف عدم اعتماد کے بعد 11 جون 1984 ء کو چیئرمین ضلع کونسل منتخب ہوئے اور 28 نومبر 1987ء تک اس عہدہ پر فائز رہے اسی دوران 1985ء کو ہونے والے غیر جماعتی عام انتخابات میں چوہدری انور علی چیمہ حلقہ این اے 57 سے اپنے مد مقابل معروف قانون دان ڈاکٹر خالد رانجھا کو شکست دیکر پہلی بار ممبر قومی اسمبلی منتخب ہوئے ۔اس الیکشن میں چوہدری انور علی چیمہ نے 69001 ووٹ حاصل کیے جبکہ ڈاکٹر خالد رانجھا 34572 ووٹ حاصل کر سکے‘ بطور چیئرمین ضلع کونسل سرگودھا پراجیکٹ ڈائریکٹر دیہی ترقی و چیئرمین ضلع رابطہ کمیٹی چوہدری انور علی چیمہ نے ضلع بھر میں سڑکوں کا جال بچھا دیا‘ آپ نے اپنی شبانہ روز تگ و دو سے ضلع کے دیہی عوام کی فلاح و بہبود کیلئے دیہاتوں میں بجلی کی فراہمی ‘مراکز صحت ‘واٹر سپلائی ‘شفا خانہ حیوانات ‘مدارس کے قیام سمیت عوام کو زندگی کی تمام سہولیات کی فراہمی کیلئے ضلع کونسل کے وسائل استعمال کیے۔ 1988 کے انتخابات میں چوہدری انور علی چیمہ نے حلقہ این اے 50 سے اسلامی جمہوری اتحاد کے ٹکٹ پر 71264 ووٹ حاصل کیے جبکہ ان کے مد مقابل پیپلز پارٹی کے امیدوار (اس وقت کے چیئرمین ضلع کونسل) چوہدری فرخ جاوید 45763 ووٹ حاصل کر سکے۔ 1990 کے انتخابات میں اس حلقہ سے آئی جے آئی کے ٹکٹ پر چوہدری انور علی چیمہ نے 70989 ووٹ حاصل کر کے اپنی برتری قائم رکھی ۔پی ڈی اے کے عبدالحق بھٹی کو 51566 ووٹ ملے‘ 1993 کے عا م انتخابات میں مسلم لیگ ن کے ٹکٹ پر چوہدری انور علی چیمہ کو 69360 جبکہ پیپلز پارٹی کے عبدالحق بھٹی کو 66390 ووٹ ملے۔ 1996 کے الیکشن ہونے سے قبل چوہدری انور علی چیمہ کی طبعیت بہت خراب تھی جس وجہ سے آپ الیکشن لڑنا نہیں چاہتے تھے لیکن عوام کے پر زور اسراراور قیادت کی خواہش پر آپ نے الیکشن میں حصہ لیا ‘مسلم لیگ ن کے ٹکٹ پر آپ نے 73671 ووٹ حاصل کیے جبکہ پیپلز پارٹی کے امیدوار چوہدری سراج الدین گجر 31518 ووٹ حاصل کر سکے۔ 2002 کے الیکشن میں حلقہ این اے 67 سے چوہدری انو علی چیمہ نے مسلم لیگ ق کے امیدوار کی حیثیت سے 84912 ووٹ حاصل کیے جبکہ آپ کے مد مقابل جماعت اسلامی کے شمس نوید چیمہ ایڈووکیٹ 38216 ووٹ حاصل کر سکے‘2008ء کے انتخابات میں چوہدری انور علی چیمہ نے پیپلز پارٹی کے امیدوارڈاکٹر ذوالفقار علی بھٹی کو ہرا کر ساتویں مرتبہ ممبر قومی اسمبلی منتخب ہونے کا اعزاز حاصل کیا۔چوہدری انور علی چیمہ 12مئی 2011ء کو وفاقی وزیر پیداوار بنے‘چوہدری انور علی چیمہ نے ضلع سرگودھا نے نیشنل انڈسٹریل پارک ‘فرنیچر آف پاکستان ‘جیمز اینڈ جیولری کے منصوبے شروع کئے اور ضلع سرگودھا کے سینکڑوں بے روزگار افراد کو روزگار کے مواقع دلوائے۔ چوہدری انور علی چیمہ نے اپنے دور اقتدار میں عوام کی خدمت اپنے حلقہ انتخاب سمیت ضلع سرگودھا کی تعمیر و ترقی کیلئے بے شمار ترقیاتی کام کرائے اپنے حلقہ سمیت ضلع سرگودھا بھر میں اربوں روپے کی لاگت سے سڑکوں کی تعمیر ‘سوئی گیس‘ بجلی کی فراہمی‘ ہسپتالوں‘ سکولوں‘ کالجز کی تعمیر کے سینکڑوں منصوبے مکمل کرائے جس کی وجہ سے عوام نے آپ کو شہنشاہ تعمیرات کا خطاب دیا۔ بلا شبہ چوہدری انور علی چیمہ نے جتنے ترقیاتی کام کرائے ان کی مثال پورے ملک میں نہیں ملتی۔ چوہدری انور علی چیمہ نے ممبر قومی اسمبلی کی حیثیت سے مسلم لیگ میں شمولیت اختیار کی اور آپ نے اقتدار اور عہدوں کے لالچ کیلئے کبھی پارٹی نہیں بدلی اور مسلم لیگ کیلئے بے شمار قربانیاں دیں۔ چوہدری انور علی چیمہ عوام خدمت تعمیر و ترقی کے شوق اور پارٹی سے وفاداری کی وجہ سے سیاست کے میدان میں ہمیشہ نمایاں نظر آتے تھے ۔ چوہدری انو علی چیمہ کی اہلیہ محترمہ خالدہ انور سابق وزیر اعلی پنجاب سردار محمد عارف نکئی مرحوم کی ہمشیرہ ہیں آپ ایک نیک اور انتہائی سمجھ دار خاتون ہیں ادب سے لگاؤ ہے اور لکھنے کا بہت شوق ہے ‘چوہدری انور علی چیمہ کے صاحبزادے چوہدری عامر سلطان چیمہ 1988 سے 4 مرتبہ ممبر قومی اسمبلی منتخب ہوئے 1990 کے الیکشن میں کامیابی کے بعد وزیراعلی پنجاب غلام حیدر وائیں( مرحوم )کی کابینہ میں ان کو صوبائی وزیر لائیوسٹاک کا قلمدان سونپا گیا۔ چوہدری عامر سلطان چیمہ 2002ء کے الیکشن میں کامیاب ہوئے تو انہیں صوبائی وزیر آبپاشی کا منصب دیا گیا۔ چوہدری عامر سلطان چیمہ بحیثیت صوبائی وزیر آبپاشی اپنے فرائض منصبی انتہائی احسن طریقہ سے سرانجام د ئیے‘ عوام کی خدمت اور تعمیرو ترقی کا شوق چوہدری عامر سلطان چیمہ کو اپنے والد کی طرف سے ورثہ میں ملا ‘ یہی وجہ ہے کہ چوہدری عامر سلطان چیمہ ہر وقت عوام کی خدمت اور سرگودھا کی تعمیر و ترقی میں مصروف نظر آتے ہیں‘ چوہدری انور علی چیمہ کی بہو محترمہ تنزیلہ عامر چیمہ 8 فروری 1999 کو پہلی خاتون چیئرپرسن ضلع کونسل سرگودھا منتخب ہوئیں‘ بطور چیئرپرسن ضلع کونسل محترمہ تنزیلہ عامر چیمہ خواتین کی مخصوص نشستوں پر ممبر قومی اسمبلی منتخب ہوئیں ۔بطور چیئرپرسن کرپشن کیخلاف کیے گئے ان کے اقدامات کے خلاف کوئی دباؤ قبول نہ کرنے کی وجہ سے سرگودھا کے عوام محترمہ تنزیلہ عامر چیمہ کو آئرن لیڈی کے نام سے پکارتے ہیں