محکمہ لائیو سٹاک اینڈ ڈیری ڈویلپمنٹ خوشاب کے زیرانتظام کٹا پال اور کٹا فربہ سکیم کے تحت ڈپٹی ڈائریکٹر لائیوسٹاک
آفس زمان کالونی جوہرآباد میں ایک تقریب کا انعقاد ہوا۔تقریب میں ایڈیشنل ڈائریکٹر لائیو سٹاک محمد ارشد لطیف،ڈپٹی ڈائریکٹر لائیو سٹاک نائلہ مقصود،ویڑنری آفیسر محمود،آفس کا سٹاف اور اِس سکیم میں حصہ لینے والے فارمز موجود تھے۔اِس موقع پر ڈپٹی ڈائریکٹر لائیو سٹاک نائلہ مقصودنے بتایا کہ کٹا فربہ سکیم کے تحت کل 250 کٹے رجسٹرڈ کئے گئے اور کٹا پال سکیم کے تحت تحصیل خوشاب میں 190 کٹے رجسٹرڈ کئے گئے تھے اور کٹافربہ سکیم کے کامیاب فارمرز کو 7لاکھ72ہزار روپے کے چیک تقسیم کئے جارہے ہیں۔اُنھوں نے مزید بتایا کہ تحصیل خوشاب کی تمام یونین کونسلوں میں گل گھوٹو ویکسین کے لئے ٹیمیں تشکیل دے دی گئی ہیں اور دریا کے کنارے والی آبادیوں کے جانوروں کو ترجیحی طور پر ویکسین لگائی جارہی ہے۔تقریب میں ایڈیشنل ڈائریکٹر لائیو سٹاک محمد ارشد لطیف اورڈپٹی ڈائریکٹر لائیو سٹاک نائلہ مقصود نے کامیاب فارمرز کوچیک تقسیم کئے
No comments:
Post a Comment