ضلع خوشاب میں ہو گا اب بکرے کا پوسٹمارٹم

اوکھلی موہلہ کے رہائشی شیر افضل کا قیمتی بکرا ڈاکٹر کی تجویز کردہ ادویات اور انجکشن دینے کے بعد مر گیا مقامی زمیندار بکرے کے پورسٹماٹم کیلئے ای ڈی او زراعت کے پاس پہنچ گیا جن کے احکامات پر ڈسٹرکٹ لائیوسٹاک آفیسر نے بکرے کا پوسٹمارٹم کرنے کے احکامات جاری کردیے گئے جس کے بعد رحمان کالونی جوہرآباد ویٹرنری لیبارٹری میں بکرے کا پوسٹمارٹم کیا گیا درخواست دہندہ نے بتایا کہ اس کا 20ہزار مالیت کا بکرا بیمار ہوا تو اس کیلئے ڈاکٹر ذیشان نے معائنہ کے بعد ادویات تجویز کیں اور ڈاکٹر جمیل نے چار عدد ٹیکے بکرے کو لگائے جس پر بکرا مر گیا زمیندار کا موقف ہے کہ اس کے بکرے کو غلط انجکشن لگائے گئے ہیں جس کیوجہ سے اس کا بکرا مر ا ہے ای ڈی او زراعت نے ڈاکٹروں کی ذمہ داری کا تعین کرنے کیلئے ڈی ایل او کی سربراہی میں انکوائری کمیٹی قائم کردی ہے 

ہیلتھ کیئر کمیشن کا لائسنس ہرگز حاصل نہیں کریں گے ڈاکٹر عرفان اللہ وڑائچ

پرائیویٹ ہسپتال ایسوسی ایشن ضلع خوشاب کے ایگزیکٹو سیکرٹری ڈاکٹر عرفان اﷲ وڑائچ نے کہا ہے کہ پرائیویٹ ہسپتال کسی صورت میں ہیلتھ کیئر کمیشن کا لائسنس حاصل نہیں کرینگے ان خیالات کااظہار انہوں نے پاکستان میڈیکل ایسوسی ایشن ضلع خوشاب کے صدر ڈاکٹر سرفراز سیال اور صدر پی ایم پنجاب سے گفتگو کرتے ہوئے کیا اس موقع پر چیئرمین پی ایچ اے ڈاکٹر عمر شاہ ہاشمی نے کہا کہ ہیلتھ کیئر کمیشن بجائے عطائیت کو ختم کرنے کے ڈاکٹرز کے پیچھے پڑا ہوا ہے جوکہ پہلے ہی رجسٹرڈ اور لائسنس میں ہائیکورٹ کے فیصلے کے تحت ہیلتھ کیئر کمیشن کسی ڈسپنسر کیخلاف بھی ایکشن لینے کا مجاز نہ ہے ۔ 

ضلع خوشاب میں 22کروڑ روپے کہاں خرچ ہوں گے

ایم این اے ملک شاکر بشیراعوان نے کہاہے کہ حکومت خوشاب ،جوہرآباد کی فراہمی آب سکیموں کو اپ ڈیٹ کرنے کیلئے 22کروڑ روپے خرچ کرے گی اور اس ضمن میں ٹینڈرنگ کا عمل جاری ہے وہ ایم سی خوشاب کی وارڈ نمبر 32,33کی سڑکوں کی افتتاحی تقریب سے خطاب کررہے تھے انہوں نے اس موقع پر اعلان کیا کہ خوشاب شہر میں بہت جلد گھر گھر سوئی گیس ہو گی نیز قبرستان شہزاد کی سڑک کو فوری طور پر پختہ بنایا جائے گا قبل ازیں انہوں نے ڈیرہ سجرانوالہ پر چیرمین بیت المال ملک محمد فیاض نائچ کے اعزاز میں دئیے جانے والے عشائیہ میں بھی شرکت کی عشائیہ میں کونسلروں اسحاق نائچ،شفیق نائچ،یوسف مغل ،عبدالغفور بوچھال ،حاجی محمد ریاض ،ڈاکٹر محمد باقر،غلام حسنین چاونس ،مرزا طلعت محمود،ملک عنصر سجرا،ملک انور سجرا،ملک شیر باز سجرا، حاجی محمد اسمعیل سجرا،محمد رضوان نائچ ، خواجہ محمد باسط اور ایم فیاض زرگر بھی شریک ہو ئے 

ماہ جولائی میں پچیس کرائم کالزپر ریسکیو نے کیسے کام کیا

ریسکیو1122خوشاب نے گزشتہ ماہ میں765متاثرہ لوگوں کو ریسکیو کیاڈسٹرکٹ ایمرجنسی ٓافیسر ریسکیو 1122خوشاب ڈاکٹر نیئر عالم خان نے میڈیا نمائندوں کو تفصیلات بتاتے ہوئے کہا کہ ریسکیو 1122خوشاب کو گزشتہ ماہ میں5217ٹوٹل کالز موصول ہوئیں۔جن میں سے 747 کالزایمرجنسی کی تھیں۔جن میں177روڈٹریفک کے حادثات کی کالز تھیں اور453 میڈیکل کی کالزآائیں۔ ڈسٹرکٹ خوشاب میں 08 ٓاگ لگ جانے کی ایمرجنسیز ٓائیں۔25کرائم کے واقعات رونما ہوئے 01 ڈوبنے کا واقعہ پیش آیا اور 01 بلڈنگ کلیپس کی ایمرجنسی آئی۔82دیگر ایمرجنسیزڈیل کی گئیں جن میں کام کرتے ہوئے چوٹ لگ جانے چھت سے گر جانے ،زہریلے جانور کے کاٹنے کی ایمرجنسیزشامل تھیں گزشتہ ماہ جولائی میں 103 معمولی ذخمیوں کو موقع پر طبی امداد دی گئی جبکہ 650ذیادہ متاثرہ لوگوں کو طبی امداد مہیا کر کے بروقت ہسپتال میں پہنچایا گیا آخر میں ڈسٹرکٹ ایمرجنسی ٓافیسرڈاکٹر نیئر عالم خان نے کہا کہ موٹرسائیکل چلاتے ہوئے ہیلمٹ کا استعمال لاذم بنائیں اور دوران ڈرائیونگ سیٹ بیلٹ ضرور استعمال کریں اور تیز رفتاری سے اجتناب کریں تاکہ روڈ ٹریفک کے حادثات میں کمی واقع ہو اور قیمتی جانوں کے ضیاع کو کم سے کم کیا جا سکے

نو سر باز وکیل کو ایک لاکھ روپے کا ٹیکہ لگاگئے

نو سر باز وکیل کو ایک لاکھ روپے کا ٹیکہ لگاگئے تھانہ سٹی جوہرآباد پولیس نے وکیل کی درخواست پر ٹیلیفون سم جس سے وکیل کو کال کی گئی اور پیغامات دیے گئے کو طلب کرکے تفتیش کا آغاز کردیا ہے تفصیلات کے مطابق مقامی وکیل نجم کو بذریعہ ٹیلیفون خوشخبری دی گئی کہ آپ کا نجی ٹیلی ویژن کے نیلام گھر سے لاکھوں روپے کا انعام نکلا ہے اور آپ اس کے حوالہ سے جو ٹیکس اور دیگر فیسیں بنتی ہیں موبائل نیٹ ورک کے ذریعہ رقم منتقل کریں تاکہ آپ کا چیک آپ کو بجھوایا جاسکے جس پر مذکورہ وکیل نے تین مرحلوں میں ایک لاکھ روپے سے زائد کی رقم جعلسازوں کو منتقل کردی بعدازاں جب انعام کی خوشخبری دینے والا ٹیلیفون نمبراور دیگر چار نمبر جن سے پیغام رسانی یا رقم کی منتقلی کی جاتی رہی بھی بند ہوگئے تو وکیل صاحب کو اندازہ ہوا کہ وہ جعلسازوں کے ہاتھوں لٹ چکے ہیں تو انہوں نے پولیس کو درخواست دی موبائل سم جس سے کال کی گئی تھی کا رہائشی موضع تیتری سے تعلق رکھتا ہے اور حساس ادارے کا ملازم بھی ہے پولیس نے اسے بھی طلب کرلیا ہے لیکن وہ اس تمام تر صورتحال سے لاتعلق ہے اور اسے نہیں پتہ کہ اس کے نام سے یہ سم کس کے پاس چل رہی ہے پولیس کو اس کیس نے چکرا کر رکھ دیا ہے لیکن اصل نقصان تو وکیل کا ہوا ہے 

خوشاب میں 86مواضعات کو آفت زدہ قرار

ضلعی حکومت خوشاب کی طرف سے تحصیل نورپورتھل کے نورپور ‘ رکھ نورپور ‘ ڈھمک ‘ پیلووینس ‘ رنگپور ‘ بلند ‘ شاہ والا ‘ محمود شہید ‘ راہداری ‘ پلواں ‘ رکھ پلواں سمیت 86مواضعات کو آفت زدہ قرار دینے کیلئے حکومت پنجاب کی طرف سے کاروائی کا آغاز کردیا گیا ہے اس سے پہلے ضلعی حکومت خوشاب نے تحصیل نورپورتھل کے مواضعات کو آفت زدہ قرار دینے کیلئے کمشنر سرگودہا کو استدعا کی تھی اور کمشنر نے محکمانہ رپورٹوں پر تحصیل نورپورتھل کے ان مواضعات کو آفت زدہ قرار دینے کی سفارش پنجاب حکومت کو کی تھی جس پر تحصیل نورپورتھل کے ان مواضعات کے ان رہائشیوں سے ایک سال کیلئے زرعی انکم ٹیکس و دیگر بقایا جات سرکار کی وصولی کو معطل کردیا جائیگا تحصیل نورپورتھل کے رہائشیوں نے اس تمام تر صورتحال کو خوش آئند قرار دیا ہے ۔

کسان پیکج کے حوالہ سے آگاہی فراہم کرنے کیلئے سیمنار کا انعقاد